ತಾರುಣ್ಯಭರಿತ ತ್ವಚೆಗಾಗಿ ಗ್ಲಿಸರಿನ್ ನಿಂದ ಆರೈಕೆ ಮಾಡಿ

ಅಪ್ಪಟ ಗ್ಲಿಸರಿನ್ ಬಳಕೆ ತ್ವಚೆಯ ಮೇಲೆ ವಿರುದ್ಧ ಪರಿಣಾಮ ಬೀರಬಹುದು. ಆದರೆ ಇದನ್ನು ದ್ರವರೂಪದಲ್ಲಿ ಬಳಸಿದರೆ ತ್ವಚೆಗೆ ತುಂಬಾ ಒಳ್ಳೆಯದು.

ಗ್ಲಿಸರಿನ್ ನಿಂದ ತ್ವಚೆಗೆ ಆಗುವ ಕೆಲವು ಉಪಯೋಗಗಳನ್ನು ತಿಳಿಯೋಣ:

1. ಒಂದು ಚಮಚ ಜೇನಿನೊಂದಿಗೆ ಗ್ಲಿಸರಿನ್ ಮತ್ತು ಆಲಿವ್ ಎಣ್ಣೆಯನ್ನು ಬೆರೆಸಿ ಮುಖಕ್ಕೆ ಹಚ್ಚಿಕೊಂಡು 20 ನಿಮಿಷದ ನಂತರ ತೊಳೆದುಕೊಳ್ಳಬೇಕು. ಇದು ಒಣ ತ್ವಚೆಯನ್ನು ತುಂಬಾ ಮೃದುಗೊಳ್ಳುವಂತೆ ಮಾಡಿ ಕಾಂತಿ ನೀಡುತ್ತದೆ.

2. ಗ್ಲಿಸರಿನ್ ಹಚ್ಚಿಕೊಳ್ಳುವುದರಿಂದ ಅನೇಕ ಚರ್ಮವ್ಯಾಧಿಗಳು ದೂರಾಗುತ್ತವೆ.

3. ತುಂಬಾ ಕಪ್ಪಗಿರುವ ಮತ್ತು ಒಡೆದ ತುಟಿಗಳಿಗೆ ಹಾಲಿನೊಂದಿಗೆ ಗ್ಲಿಸರಿನ್ ಬೆರೆಸಿ ರಾತ್ರಿ ಮಲಗುವ ಮುನ್ನ ಹಚ್ಚಿಕೊಂಡರೆ ತುಟಿಯ ಬಣ್ಣ ಬದಲಾಗಿ ಮೃದುಗೊಳ್ಳುತ್ತವೆ.

4. ಎಣ್ಣೆ ಚರ್ಮದವರಿಗೂ ಗ್ಲಿಸರಿನ್ ತುಂಬಾ ಉಪಯುಕ್ತ. ಒಂದು ಚಮಚ ಗ್ಲಿಸರಿನ್ ಜೊತೆ ಮುಲ್ತಾನಿಮಿಟ್ಟಿ ಸೇರಿಸಿ ಹಚ್ಚಿ 10 ನಿಮಿಷದ ನಂತರ ತೊಳೆದುಕೊಂಡರೆ ಚರ್ಮದಲ್ಲಿ ತುಂಬಾ ಹೆಚ್ಚಿರುವ ಎಣ್ಣೆಯಂಶವನ್ನು ತೆಗೆದುಹಾಕುತ್ತದೆ.

5. ನಿಂಬೆರಸದೊಂದಿಗೆ ಬೆರೆಸಿದ ಗ್ಲಿಸರಿನ್ ಅನ್ನು ಕೈಗಳಿಗೆ ಲೇಪಿಸಿಕೊಂಡರೆ ಕೈಗಳು ಮೃದುಗೊಳ್ಳುತ್ತವೆ ಮತ್ತು ಶುಭ್ರವಾಗಿ ಕಾಣುವಂತೆ ಮಾಡುತ್ತದೆ.

6. ಗ್ಲಿಸರಿನ್ ಮತ್ತು ರೋಸ್ ವಾಟರ್ ಅನ್ನು ಮಿಶ್ರಣ ಮಾಡಿಕೊಂಡು ಮುಖಕ್ಕೆ ಲೇಪಿಸಿಕೊಂಡರೆ ಟೋನರ್ ನಂತೆ ಕೆಲಸ ಮಾಡುತ್ತದೆ.

7. ನಿರ್ಜೀವ ಕಣಗಳಿಗೆ ಮತ್ತು ಮುಖದಲ್ಲಿ ಉಳಿದುಕೊಂಡಿರುವ ಹಳೆಯ ಕಲೆಗಳ ಮೇಲೂ ಗ್ಲಿಸರಿನ್ ತುಂಬಾ ಪ್ರಭಾವಶಾಲಿ ಪರಿಣಾಮ ಬೀರುತ್ತದೆ.