ತುಟಿ ಹಾಗೂ ಕೆನ್ನೆಯ ಪಿಂಕಿಶ್ ಹೊಳಪಿಗಾಗಿ ಬಳಸಿ, ಈ ಹೋಮ್ಮೇಡ್ ಲಿಪ್ ಹಾಗೂ ಚೀಕ್ಸ್ ಟಿಂಟ್ಸ್ಗಳನ್ನು..

ನೈಸರ್ಗಿಕವಾಗಿ ತಯಾರಿಸಬಹುದಾದ ಟಿಂಟ್ಗಳ ಬಗ್ಗೆ ಈ ಕೆಳಗೆ ನೀಡಲಾಗಿದೆ:

ದಾಸವಾಳದ ಟಿಂಟ್ಸ್:

ಬೇಕಾಗುವ ಪದಾರ್ಥಗಳು:

ದಾಸವಾಳದ ಪುಡಿ

ಒಂದು ಚಮಚ ಗ್ಲಿಸರಿನ್

ಶಿಯಾಬೆಣ್ಣೆ

ತಯಾರಿಸುವ ವಿಧಾನ:

ಒಂದು ಬೌಲ್ನಲ್ಲಿ ಒಂದು ಟೀಚಮಚ ಗ್ಲಿಸರಿನ್ ಸೇರಿಸಿ, ಸ್ಥಿರತೆಯನ್ನು ಕಾಪಾಡಿಕೊಳ್ಳಲು ಕೆಲವು ಹನಿ ನೀರನ್ನು ಸೇರಿಸಿ. ಇದಕ್ಕೆ ದಾಸವಾಳದ ಪುಡಿ ಅಥವಾ ಸಾರವನ್ನು ಸೇರಿಸಿ ಮಿಕ್ಸ್ ಮಾಡಿ, ಮುಂದೆ ಇದಕ್ಕೆ ಕಾಲು ಟೀಚಮಚ ಶಿಯಾ ಬೆಣ್ಣೆಯನ್ನು ಸೇರಿಸಿ, ಮಿಶ್ರಣ ಮಾಡಿ, 2-3 ಗಂಟೆಗಳ ಕಾಲ ಫ್ರಿಜ್ನಲ್ಲಿ ಇಟ್ಟರೆ, ತುಟಿ ಹಾಗೂ ಕೆನ್ನೆಗೆ ಬಳಸಲು ನೈಸರ್ಗಿಕ ಟಿಂಟ್ಸ್ ಬಳಸಲು ಸಿದ್ಧ.

ಬೀಟ್ರೂಟ್ ಟಿಂಟ್:

ಬೇಕಾಗುವ ಪದಾರ್ಥಗಳು;

ಬೀಟ್ರೂಟ್

ಅಲೋವೆರಾ ಜೆಲ್

ಬಾದಾಮಿ ಎಣ್ಣೆ

ತಯಾರಿಸುವ ವಿಧಾನ:

ಮೊದಲು ಒಂದು ಬೀಟ್ರೂಟ್ ಅನ್ನು ತುರಿದು ಅದರ ರಸವನ್ನು ತೆಗೆಯಿರಿ. ನಂತರ ಬಾಣಲೆಗೆ, 10 ಚಮಚ ರಸವನ್ನು ಸೇರಿಸಿ, ಕಡಿಮೆ ಉರಿಯನ್ನಿಟ್ಟು, ದ್ರಾವಣವು ದಪ್ಪವಾಗಲು ಬಿಡಿ. ಅದು ಕುದಿದು, ಅರ್ಧದಷ್ಟು ಆದಾಗ ಸ್ಟವ್ ಆಫ್ ಮಾಡಿ, ಅದಕ್ಕೆ ಅಲೋವೆರಾ ಜೆಲ್ , ಬಾದಾಮಿ ಎಣ್ಣೆಯ ಕೆಲವು ಹನಿಗಳನ್ನು ಸೇರಿಸಿ ಸಂಗ್ರಹಿಸಿಟ್ಟರೆ ಟಿಂಟ್ ರೆಡಿ.

ಫುಡ್ ಕಲರ್ ಟಿಂಟ್:

ಬೇಕಾಗುವ ಪದಾರ್ಥ:

ಫುಡ್ ಕಲರ್

ಐದು ಚಮಚ ಕೋಕೋ ಪೌಡರ್

ಗ್ಲಿಸರಿನ್

ಸ್ವಲ್ಪ ಪೆಟ್ರೋಲಿಯಂ ಜೆಲ್ಲಿ

ಮೂರು ಹನಿ ವಿಟಮಿನ್ ಇ ಆಯಿಲ್

ತಯಾರಿಸುವ ವಿಧಾನ:

ಮೊದಲಿಗೆ, ಐದು ಚಮಚ ಕೋಕೋ ಪೌಡರ್ಗೆ ಗ್ಲಿಸರಿನ್ ಸೇರಿಸಿ, ಚೆನ್ನಾಗಿ ಮಿಶ್ರಣ ಮಾಡಿ. ನಂತರ ಈ ಮಿಶ್ರಣಕ್ಕೆ ಸ್ವಲ್ಪ ಪೆಟ್ರೋಲಿಯಂ ಜೆಲ್ಲಿ ಮತ್ತು ಮೂರು ಹನಿ ವಿಟಮಿನ್ ಇ ಎಣ್ಣೆಯನ್ನು ಸೇರಿಸಿ. ಈ ಮಿಶ್ರಣಕ್ಕೆ ಎರಡು ಹನಿ ರೆಡ್ ಫುಡ್ ಕಲರ್ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ, ಅರ್ಧ ಗಂಟೆ ಫ್ರಿಜ್ನಲ್ಲಿಟ್ಟರೆ ಟಿಂಟ್ ಬಳಕೆಗೆ ರೆಡಿ.

ನೀವು ಮನೆಯಲ್ಲಿ ಮಾಡಿದ ಯಾವುದೇ ಟಿಂಟ್ಗಳನ್ನು ಹಚ್ಚುವ ಮೊದಲು, ಅನುಸರಿಸಬೇಕಾದ ಕೆಲವು ಹಂತಗಳು ಇಲ್ಲಿವೆ:

ನಿಮ್ಮ ಮುಖವನ್ನು ಸ್ವಚ್ಛಗೊಳಿಸಿ ಮತ್ತು ಸ್ವಲ್ಪ ಮಾಯಿಶ್ಚರೈಸರ್ ಹಚ್ಚಿ. ಆದಾಗ್ಯೂ, ನಿಮ್ಮ ಚರ್ಮವು ಎಣ್ಣೆಯುಕ್ತವಾಗಿದ್ದರೆ ಮಾಯಿಶ್ಚರೈಸರ್ ಅನ್ನು ಬಿಟ್ಟುಬಿಡಿ. ಈಗ, ಪಿಂಕ್ ಗ್ಲೋಗಾಗಿ ನಿಮ್ಮ ಕೆನ್ನೆ ಮತ್ತು ತುಟಿಗಳ ಮೇಲೆ ಮನೆಯಲ್ಲಿ ತಯಾರಿಸಿದ ಟಿಂಟ್ ಹಚ್ಚಿ ಮಸಾಜ್ ಮಾಡಿ.