ಮದುವೆಗೆ ಹೋಗುವಾಗ ಈ 7 ತಪ್ಪು ಮಾಡಬೇಡಿ

Make Up

oi-Reena

By Hema S

Published: Friday, April 27, 2012, 15:38 [IST]

ಆಫೀಸ್‌ನಲ್ಲಿ ಡ್ರೆಸ್ ಕೋಡ್ ಅಥವಾ ಸಮವಸ್ತ್ರ ಇದ್ದರೆ ಸೋಮವಾರದಿಂದ ಗುರುವಾರದವರೆಗೆ ಹಾಕಿ ವಾರದ ಕೊನೆಯಲ್ಲಿ ನಿಮ್ಮ ಇಷ್ಟದ ಫ್ಯಾಷನೇಬಲ್ ಡ್ರೆಸ್ ‌ಗಳನ್ನು ಧರಿಸಲು ಇಷ್ಟಪಡುತ್ತೀರಿ. ಆದರೆ ಫ್ರೆಂಡ್ ಅಥವಾ ಸಂಬಂಧಿಕರ ಮದುವೆಗೆ ಹೋಗುವಾಗ ಯಾವ ಡ್ರೆಸ್ ಧರಿಸಬೇಕೆಂದು ಗೊಂದಲ ಬೀಳುತ್ತೀರಿ. ಹೆಚ್ಚಿನವರಿಗೆ ಮದುವೆಗೆ ಮತ್ತು ಪಾರ್ಟಿಗೆ ಯಾವ ಡ್ರೆಸ್ ಹಾಕಬೇಕೆಂಬ ಐಡಿಯಾ ಇಲ್ಲದೆ ಮದುವೆ ಸಮಾರಂಭದಲ್ಲಿ ವಿಚಿತ್ರವಾಗಿ ಕಾಣಿಸುವಿರಿ.

ಪುರುಷರಿಗೆ ಫ್ಯಾಂಟ್ ಮತ್ತು ಶರ್ಟ್ ಧರಿಸಿದರೆ ಸಾಕು, ಟೀ ಶರ್ಟ್ ಮದುವೆಗೆ ಹಾಕುವುದು ಅಷ್ಟೊಂದು ಸೂಕ್ತವಲ್ಲ. ಆದರೆ ಮಹಿಳೆಯರು ಮದುವೆ ಸಮಾರಂಭಗಳಿಗೆ ಹೋಗುವಾಗ ಕೆಲವೊಂದು ಡ್ರೆಸ್‌ಗಳನ್ನು ಹಾಕಲೇಬಾರದು. ಅಲಂಕಾರದ ಕೂಡ ಹೇಗೆ ಮಾಡಬೇಕೆಂದು ಗೊತ್ತಿರಬೇಕು. ಮೊನ್ನೆ ಒಂದು ಮದುವೆಗೆ ಹೋಗಿದ್ದೆ ಅದರಲ್ಲಿ ಮದುಮಗಳಷ್ಟೆ ಅವಳ ಅಕ್ಕ ಕೂಡ ಅಲಂಕಾರ ಮಾಡಿಕೊಂಡು ನಿಂತಿದ್ದಳು. ನೋಡಿದವರಿಗೆ ಯಾರು ಮದುಮಗಳು ಎಂಬ ಗೊಂದಲ ತರುತ್ತಿತ್ತು. ಈ ರೀತಿ ಡ್ರೆಸ್ ಮಾಡಿದರೆ ನಿಮ್ಮ ಬಗ್ಗೆ ನೋಡುಗರಿಗೆ ಇವಳೇನು ಮದುಮಗಳಿಗಿಂತ ಮಿಂಚಬೇಕೆಂದು ಬಯಸುತ್ತಿದ್ದಾಳೆ ಎಂಬ ಕೆಟ್ಟ ಅಭಿಪ್ರಾಯ ಬರುತ್ತದೆ.

ಆದ್ದರಿಂದ ಮದುವೆ ಸಮಾರಂಭಗಳಿಗೆ ಹೋಗುವಾಗ ಯಾವ ರೀತಿಯ ಡ್ರೆಸ್‌ಗಳು ಸೂಕ್ತವಲ್ಲ ಎಂದು ತಿಳಿಯಲು ಮುಂದೆ ಓದಿ.

1.ಕಪ್ಪು ಬಟ್ಟೆ: ಮದುವೆಯಂತಹ ಶುಭ ಸಮಾರಂಭಕ್ಕೆ ಹೋಗುವಾಗ ಕಪ್ಪು ಬಟ್ಟೆ ಧರಿಸುವುದು ಒಳ್ಳೆಯದಲ್ಲ. ಕಪ್ಪು ಬಟ್ಟೆ ದುಃಖದ ಸಂಕೇತವಾಗಿದೆ. ಆದ್ದರಿಂದ ಕಪ್ಪು ಬಟ್ಟೆಗಳನ್ನು ಸಾವು ಮನೆಗಳಿಗೆ ಹೋಗುವಾಗ ಹೆಚ್ಚಾಗಿ ಧರಿಸುತ್ತಾರೆ. ರಾತ್ರಿ ಸಮಾರಂಭಕ್ಕೆ ಸ್ವಲ್ಪ ಕಪ್ಪು ಬಣ್ಣ ಇರುವ ಬಟ್ಟೆಗಳನ್ನು ಧರಿಸಬಹುದು. ಆದರೂ ಮದುವೆಗೆ ಹೋಗುವಾಗ ಆಕರ್ಷಕ ಬಣ್ಣದ ಬಟ್ಟೆಗಳನ್ನು ಧರಿಸಿದರೆ ಚೆನ್ನಾಗಿರುತ್ತೆ.

2. ಉದ್ರೇಕ ಡ್ರೆಸ್: ಮೈ ತೋರಿಸುವ ಡ್ರೆಸ್‌ಗಳನ್ನು ಮದುವೆಗೆ ಧರಿಸಬಾರದು. ಅಂತಹ ಬಟ್ಟೆಗಳು ರಾತ್ರಿ ಪಾರ್ಟಿಗೆ ಹೋಗುವಾಗ ಧರಿಸಿದರೆ ಓಕೆ ಆದರೆ ಮದುವೆಗೆ ಧರಿಸಿದರೆ ಅಸಹ್ಯವಾಗಿ ಕಾಣಿಸುವುದು. ಆದ್ದರಿಂದ ಅಂತಹ ಡ್ರೆಸ್‌ಗಳನ್ನು ಮದುವೆಗೆ ಧರಿಸಲು ಹೋಗಬಾರದು. ಮದುವೆಯಲ್ಲಿ ಮದುವೆ ಹುಡುಗಿ ಗಮನ ಸೆಳೆಯಬೇಕೆ ಹೊರತು ಅರ್ಧಮೈ ತೋರಿಸುವ ಡ್ರೆಸ್ ಧರಿಸಿ ಇತರರನ್ನು ಗಮನ ಸೆಳೆಯುವಂತೆ ಮಾಡಬಾರದು.

3. ಜೀನ್ಸ್ ಮತ್ತು ಟೀ ಶರ್ಟ್: ಫ್ರೆಂಡ್ ಅಥವಾ ಸಂಬಂಧಿಕರು ಹೀಗೆ ಯಾರದ್ದೇ ಮದುವೆಯಾಗಿರಲಿ, ಮದುವೆಗೆ ಹೋಗುವಾಗ ಬಿಗಿಯಾದ ಜೀನ್ಸ್ ಮತ್ತು ಟೀಶರ್ಟ್ ಧರಿಸಬಾರದು. ಎತ್ತರದ ಚಪ್ಪಲಿಗಳನ್ನು ಧರಿಸಬಹುದು. ಆದರೆ ಮದುವೆಗೆ ಪ್ಲಾಸ್ಟಿಕ್ ಚಪ್ಪಲಿ ಧರಿಸಿ ಹೋಗುವುದು ಸರಿಯಲ್ಲ.