ಮೃದು ಹಾಗೂ ಸೊಂಪಾದ ಕೇಶರಾಶಿಗೆ ಬಳಸಿ ಉಳಿದ ಅನ್ನದ ಹೇರ್ ಮಾಸ್ಕ್!

ಕೂದಲಿಗೆ ಅನ್ನವನ್ನು ಹೇಗೆ ಬಳಸುವುದು?:

ಕೂದಲಿಗೆ ಹಚ್ಚಲು ಅನ್ನದಲ್ಲಿ ಕೆಲವು ವಸ್ತುಗಳನ್ನು ಮಿಶ್ರಣ ಮಾಡಿ, ಮಾಸ್ಕನ್ನು ತಯಾರಿಸಬೇಕಾಗುತ್ತದೆ. ಅದು ಮಾಡಲು ಬೇಕಾಗಿರುವ ವಸ್ತುಗಳು ಹಾಗೂ ಸಾಮಾಗ್ರಿಗಳು ಈ ರೀತಿಯಾಗಿವೆ:

ಬೇಕಾಗಿರುವ ಪದಾರ್ಥಗಳು:

1 ಕಪ್ ಅನ್ನ,

2 ಟೀಸ್ಪೂನ್ ಮೊಸರು,

1 ಟೀಸ್ಪೂನ್ ಹರಳೆಣ್ಣೆ

ಬಳಸುವ ವಿಧಾನ:

ಅನ್ನವನ್ನು ಸ್ವಲ್ಪ ನೀರು ಸೇರಿಸಿ ರುಬ್ಬಿಕೊಳ್ಳಿ, ಅದು ದಪ್ಪ ಪೇಸ್ಟ್ ಆಗುತ್ತದೆ.

ಈಗ ಈ ಪೇಸ್ಟ್‌ಗೆ ಮೊಸರು ಮತ್ತು ಹರಳೆಣ್ಣೆಯನ್ನು ಸೇರಿಸಿ ಮಿಶ್ರಣ ಮಾಡಿ.

ನಂತರ ಈ ಪೇಸ್ಟನ್ನು ಕೂದಲಿನ ಮೇಲೆ ಹಚ್ಚಿ, ಸುಮಾರು 30 ನಿಮಿಷಗಳ ಕಾಲ ಬಿಟ್ಟು, ನಂತರ ಶಾಂಪೂ ಮಾಡಿ.

ವಾರಕ್ಕೊಮ್ಮೆ ಅಥವಾ ಎರಡು ಬಾರಿ ಬಳಸಿದ ನಂತರ, ವ್ಯತ್ಯಾಸವು ಗೋಚರಿಸುತ್ತದೆ.

ಅನ್ನದ ಮಾಸ್ಕ್‌ನಿಂದ ಕೂದಲಿಗಾಗುವ ಪ್ರಯೋಜನಗಳು:

1. ಮೃದು ಮತ್ತು ಹೊಳೆಯುವ ಕೂದಲು:

ನಿಮ್ಮ ಕೂದಲು ತುಂಬಾ ಜಟಿಲವಾಗಿದ್ದರೆ, ನೀವು ಖಂಡಿತವಾಗಿಯೂ ಈ ಪ್ಯಾಕ್ ಅನ್ನು ಬಳಸಬೇಕು ಏಕೆಂದರೆ ಅದು ಕೂದಲನ್ನು ತುಂಬಾ ಮೃದುಗೊಳಿಸುತ್ತದೆ ಮತ್ತು ಅವುಗಳನ್ನು ಹೊಳೆಯುವಂತೆ ಮಾಡುತ್ತದೆ.

2. ತಲೆಹೊಟ್ಟು ನಿವಾರಣೆ:

ಕೂದಲಿನಲ್ಲಿರುವ ತಲೆಹೊಟ್ಟು ಸಮಸ್ಯೆ ದೂರವಾಗದಿದ್ದರೆ, ಬೇಯಿಸಿದ ಅನ್ನದಿಂದ ಮಾಡಿದ ಈ ಪೇಸ್ಟ್ ಇದಕ್ಕೆ ತುಂಬಾ ಪ್ರಯೋಜನಕಾರಿ. ಅಕ್ಕಿಯಲ್ಲಿ ತಲೆಹೊಟ್ಟು ನಿವಾರಿಸುವಂತಹ ಗುಣಗಳಿವೆ.

3. ಕೂದಲು ಬೆಳವಣಿಗೆಗೆ ಸಹಕಾರಿ:

ಅದು ಹಸಿ ಅಕ್ಕಿಯ ನೀರಾಗಿರಲಿ ಅಥವಾ ಬೇಯಿಸಿದ ಅನ್ನದ ಪೇಸ್ಟ್ ಆಗಿರಲಿ, ಎರಡೂ ವಸ್ತುಗಳು ಕೂದಲಿನ ಬೆಳವಣಿಗೆಗೆ ತುಂಬಾ ಸಹಾಯಕವಾಗಿವೆ. ಕೂದಲು ಹೆಚ್ಚು ಉದುರುತ್ತಿದ್ದರೆ, ಈ ಪ್ಯಾಕ್ ಅನ್ನು ಬಳಸಲು ಪ್ರಾರಂಭಿಸಿ.

4. ಕೂದಲಿನ ಬೇರುಗಳನ್ನು ಬಲಪಡಿಸುವುದು:

ಇದು ಕೂದಲಿನ ಬೇರುಗಳನ್ನು ಬಲಪಡಿಸಲು ಸಹಾಯ ಮಾಡುತ್ತದೆ. ಜೊತೆಗೆ ನೆತ್ತಿಯ ಪಿಹೆಚ್ ಮಟ್ಟವನ್ನು ಸಮತೋಲನಗೊಳಿಸಲು ಸಹಾಯ ಮಾಡಿ, ಕೂದಲಿನ ಕಿರುಚೀಲಗಳನ್ನು ಪೋಷಿಸುತ್ತದೆ.