ಇದೇ ಕಾರಣಕ್ಕೆ ಪುರುಷರ ಕೂದಲು ಉದುರುತ್ತಿರುವುದು!

ಮನಸ್ಸಿನ ಒತ್ತಡ

ಪುರುಷರಲ್ಲಿ ಮಾನಸಿಕ ಒತ್ತಡ, ಉದ್ವಿಗ್ನತೆ, ಖಿನ್ನತೆ ಮೊದಲಾದವು ಹೆಚ್ಚಿದಷ್ಟೂ ಕೂದಲು ಉದುರುವ ಪ್ರಕ್ರಿಯೆಯೂ ಹೆಚ್ಚಾಗುತ್ತದೆ. ಆದ್ದರಿಂದ ಕೂದಲು ಉಳಿಸಿಕೊಳ್ಳುವ ಸಲುವಾಗಿಯಾದರೂ ಮಾನಸಿಕ ಒತ್ತಡದಿಂದ ದೂರವಿರಿ. ಅಲ್ಲದೇ ನರಗಳನ್ನು ಶಾಂತಗೊಳಿಸುವ, ಉದ್ವೇಗಕ್ಕೊಳಗಾಗದಿರುವ ಅಭ್ಯಾಸಗಳನ್ನು, ಧ್ಯಾನ, ಯೋಗಾಭ್ಯಾಸಗಳನ್ನು ಅನುಸರಿಸಿ.

ಕೂದಲನ್ನು ಸೋಪಿನಿಂದ ತೊಳೆಯುವುದು

ಕೂದಲನ್ನು ತೊಳೆದುಕೊಳ್ಳಲು ಕೆಲವರು ಮೈಸೋಪನ್ನೇ ಬಳಸುತ್ತಾರೆ. ಆದರೆ ಮೈಸೋಪು ಹೆಚ್ಚು ಗಡುಸಾಗಿದ್ದು ಕೇವಲ ಮೈಗೆ ಮಾತ್ರ ಸೂಕ್ತವೇ ಹೊರತು ಮುಖಕ್ಕೂ, ತಲೆಗೂದಲಿಗೂ ಸಲ್ಲದು. ಕೂದಲು ತೊಳೆದುಕೊಳ್ಳಲು ಸೌಮ್ಯ ಶಾಂಪೂ ಹಾಗೂ ಮುಖ ತೊಳೆದುಕೊಳ್ಳಲು ಫೇಸ್ ವಾಶ್ ಮಾತ್ರ ಬಳಸಿ.

ಸ್ವಚ್ಛತೆಯ ಕೊರತೆ

ಸಾಮಾನ್ಯವಾಗಿ ಹೊರಗೆ ತಿರುಗಾಡುವ ಕಾರಣದಿಂದ ತಲೆಗೂದಲು ಹತ್ತು ಹಲವು ಕೊಳೆಗಳಿಗೆ ಒಡ್ಡಿಕೊಳ್ಳುತ್ತದೆ. ಆದರೆ ಮನೆಗೆ ಹಿಂದಿರುಗಿದ ಬಳಿಕ ಕೆಲವು ಕಾರಣಗಳಿಂದ ಸ್ನಾನವನ್ನು ಮುಂದೂಡುತ್ತಾರೆ. ಈ ಕೊಳೆ ಕೂದಲ ಬುಡದಲ್ಲಿ ಸೋಂಕು ಹಬ್ಬಿಸಿ ಕೂದಲ ಬುಡಗಳನ್ನು ಸಡಿಲಗೊಳಿಸುತ್ತವೆ. ಇದು ಕೂದಲು ಸುಲಭವಾಗಿ ಉದುರಲು ಸಾಧ್ಯವಾಗುತ್ತದೆ. ಆದ್ದರಿಂದ ಕೂದಲ ಸ್ವಚ್ಛತೆಗೆ ಆದ್ಯತೆ ನೀಡುವುದು ಅಗತ್ಯವಾಗಿದೆ.

ಬಟ್ಟೆ ಇಲ್ಲದೇ ಹೆಲ್ಮೆಟ್ ತೊಡುವುದು

ದ್ವಿಚಕ್ರ ವಾಹನಗಳನ್ನು ಚಲಾಯಿಸುವವರು ತಲೆಯ ಮೇಲೆ ಬಟ್ಟೆ ಅಥವಾ ಸ್ಕಾರ್ಫ್ ಒಂದನ್ನು ತೊಡದೇ ಹೆಲ್ಮೆಟ್ ಧರಿಸಿದರೆ ತಲೆಯಲ್ಲಿ ಉಂಟಾಗುವ ಬೆವರು ಹೀರಲ್ಪಡದೇ ತಲೆಯ ಚರ್ಮದಲ್ಲಿ ಸೋಂಕು ಉಂಟಾಗಲು ನೆರವಾಗುತ್ತದೆ. ಆದ್ದರಿಂದ ಪ್ರತಿದಿನ ಸ್ವಚ್ಛವಾದ ಬಟ್ಟೆ ಅಥವಾ ಸ್ಕಾರ್ಫ್ ತಲೆಗೆ ಸುತ್ತಿಕೊಂಡು ಅದರ ಮೇಲೆ ಹೆಲ್ಮೆಟ್ ಧರಿಸಬೇಕು.

ಬೊಕ್ಕ ತಲೆ ಒಂದು ವಿನ್ಯಾಸದಲ್ಲಿ ಆವರಿಸುತ್ತದೆ

ಪುರುಷರಲ್ಲಿ ಬಕ್ಕತಲೆ ಮೊದಲು ಹುಬ್ಬುಗಳ ಹಿಂಭಾಗದಿಂದ ಪ್ರಾರಂಭವಾಗುತ್ತಾ ಹೆಚ್ಚು ಹೆಚ್ಚು ವಿಸ್ತಾರವಾಗುತ್ತದೆ. ಅರ್ಧ ತಲೆಯಷ್ಟು ಹಿಂದೆ ಹೋದ ಬಳಿಕ ತಲೆಯ ಹಿಂಭಾಗದಲ್ಲಿ ನಡುವ ವೃತ್ತಾಕಾರ ಮೂಡುತ್ತದೆ. ನಿಧಾನವಾಗಿ ಈ ವೃತ್ತಾಕಾರವೂ ಹೆಚ್ಚುತ್ತಾ ಮುಂದಿನ ಭಾಗವನ್ನು ಜೊತೆಗೂಡುತ್ತದೆ. ಕಡೆಗೆ ಕೇವಲ ಹಿಂಭಾಗದ ಕೆಳಭಾಗ ಮಾತ್ರ ಉಳಿದುಕೊಳ್ಳುತ್ತದೆ.

ತಲೆಗೂದಲ ವಿನ್ಯಾಸದ ಪ್ರಸಾಧನಗಳು

ತಲೆಗೂದಲನ್ನು ಒಂದು ವಿನ್ಯಾಸದಲ್ಲಿ ನಿಲ್ಲಿಸಲು ನೆರವಾಗುವ ಪ್ರಸಾಧನಗಳಲ್ಲಿರುವ ಕೆಲವು ರಾಸಾಯನಿಕಗಳು ಕೂದಲು ಉದುರುವ ಪ್ರಕ್ರಿಯೆಯನ್ನು ಇನ್ನಷ್ಟು ವೇಗಗೊಳಿಸಿ ಬಕ್ಕತಲೆ ಆವರಿಸುವ ಗತಿಯನ್ನು ಹೆಚ್ಚಿಸುತ್ತವೆ.

ಧೂಮಪಾನ

ಧೂಮಪಾನದಿಂದ ಶ್ವಾಸಕೋಶ ಮಾತ್ರವಲ್ಲ ತಲೆಗೂದಲು ಉದುರುವ ಕ್ರಿಯೆಯನ್ನು ಇನ್ನಷ್ಟು ತೀವ್ರಗೊಳಿಸುತ್ತವೆ. ಇದು ಪುರುಷರಂತೆಯೇ ಮಹಿಳೆಯರನ್ನೂ ಬಾಧಿಸುತ್ತದೆ.

ಪುರುಷರ ಜುಟ್ಟು

ಕೆಲವರಿಗೆ ಕೂದಲನ್ನು ಬಿಗಿಯಾಗಿ ಹಿಂದೆ ಎಳೆದು ಜುಟ್ಟು ಕಟ್ಟುವ ಅಭ್ಯಾಸವಿರುತ್ತದೆ. ಆದರೆ ಇದು ಕೂದಲ ಬುಡಕ್ಕೆ ಹೆಚ್ಚಿನ ಸೆಳೆತವನ್ನು ನೀಡಿ ಇನ್ನೂ ಸುಲಭವಾಗಿ ಕಿತ್ತುಬರಲು ಸಾಧ್ಯವಾಗುತ್ತದೆ. ಇದು ಬಕ್ಕತಲೆ ಆವರಿಸುವ ಗತಿಗೆ ನಾಗಾಲೋಟ ನೀಡುತ್ತದೆ.