ಶ್! ಬಿಳಿ ಕೂದಲಿನ ಸಮಸ್ಯೆಗೆ ಇಲ್ಲಿದೆ ಸೀಕ್ರೆಟ್ ಮನೆಮದ್ದು!

Hair Care

oi-Manohar Shetty

By Manu

Updated: Friday, August 12, 2016, 14:58 [IST]

ಇತ್ತೀಚೆಗೆ ಯಾಕೋ ಯಾವುದೇ ಕಾರ್ಯಕ್ರಮವಾಗಲಿ, ಪಾರ್ಟಿಗಳೇ ಆಗಲಿ ಅದಕ್ಕೆ ಹೋಗಲು ನಿಮಗೆ ಮನಸ್ಸಿರುವುದಿಲ್ಲ. ಇದಕ್ಕೆ ಮುಖ್ಯ ಕಾರಣ ತಲೆ ಕೂದಲು ಬಿಳಿಯಾಗಿರುವುದು. ಕೂದಲು ಬಿಳಿಯಾಗುವ ವಯಸ್ಸು ನಿಮ್ಮದಲ್ಲ, ಆದರೂ ಕೂದಲು ಬಿಳಿಯಾಗಿದೆ ಎಂದರೆ ಇದು ಅನುವಂಶೀಯತೆ ಅಥವಾ ಇನ್ನಿತರ ಕಾರಣಗಳಿಂದ ಆಗಿರಬಹುದು.

ಹೇರ್ ಡೈ ಬಳಸಿಕೊಂಡು ಕೂದಲು ಕಪ್ಪಗೆ ಹೊಳೆಯುವಂತೆ ಮಾಡಿ ನೀವು ಹೊರಗಡೆ ಹೋಗಬಹುದು. ಆದರೆ ಅದು ಎಷ್ಟು ದಿನದವರೆಗೆ ಇರುತ್ತದೆ ಎನ್ನುವುದು ಮುಖ್ಯ ಪ್ರಶ್ನೆ. ನೀವು ಮೂವತ್ತರ ಆಸುಪಾಸಿನ ವಯಸ್ಸಿನವರಾದರೆ ಕೂದಲು ಬಿಳಿಯಾಗುವುದು ದೊಡ್ಡ ಚಿಂತೆಯನ್ನು ಉಂಟು ಮಾಡುತ್ತದೆ.

ಅದರಲ್ಲೂ ಮಹಿಳೆಯರಲ್ಲಿ ಈ ಸಮಸ್ಯೆ ಕಂಡುಬಂದರೆ ಅವರ ಸಂಕಟ ಹೇಳುವುದೇ ಬೇಡ. ದೇಹದಲ್ಲಿರುವ ಬಣ್ಣ ತಯಾರಿಸುವಂತಹ ಕೋಶಗಳು ಅಗತ್ಯವಿರುವಷ್ಟು ಪ್ರಮಾಣದ ಮೆಲನಿನ್ ಉತ್ಪಾದನೆಯನ್ನು ನಿಲ್ಲಿಸಿದಾಗ ಬಿಳಿ ಕೂದಲು ಬರುತ್ತದೆ. ಬಣ್ಣ ತಯಾರಿಸುವ ಕೋಶಗಳು ಮೆಲನಿನ್ ಉತ್ಪಾದನೆಯನ್ನು ನಿಲ್ಲಿಸಲು ಕಾರಣಗಳನ್ನು ಇಲ್ಲಿ ನೀಡಲಾಗಿದೆ. ಓದುತ್ತಾ ತಿಳಿದುಕೊಳ್ಳಿ. ಬಿಳಿ ಕೂದಲಿನ ಸಮಸ್ಯೆ-ಅಂಗೈಯಲ್ಲಿಯೇ ಇದೆ ಮನೆಮದ್ದು!

ಅನುವಂಶೀಯತೆ
ಪ್ರತಿಯೊಂದು ಕೂದಲಿನ ಕೋಶಗಳ ವರ್ಣದ್ರವ್ಯ ಸಂಭಾವ್ಯತೆಯನ್ನು ನಿಮ್ಮ ಜಿನ್‌ಗಳು ನಿರ್ಧರಿಸುತ್ತದೆ.

ಹೈಡ್ರೋಜನ್ ಪೆರಾಕ್ಸೈಡ್
ಕೂದಲು ಬಿಳಿಯಾಗಲು ಇದು ಪ್ರಮುಖ ಕಾರಣವಾಗಿದೆ. ನಿಮ್ಮ ಕೂದಲು ಹೈಡ್ರೋಜನ್ ಪೆರಾಕ್ಸೈಡ್ ಅನ್ನು ನೈಸರ್ಗಿಕವಾಗಿ ಉತ್ಪಾದಿಸುತ್ತದೆ. ನಿಮಗೆ ವಯಸ್ಸಾಗುತ್ತಿರುವಂತೆ ಇದರ ಉತ್ಪಾದನೆಯು ಹೆಚ್ಚಾಗುತ್ತದೆ. ಇದರಿಂದಾಗಿ ಕೂದಲು ಬಿಳಿಯಾಗುತ್ತದೆ.

ಧೂಮಪಾನ
ಧೂಮಪಾನದಿಂದ ಕೂದಲು ಬೇಗನೆ ಬಿಳಿಯಾಗುವುದು

ಒತ್ತಡ
ಒತ್ತಡದಿಂದಾಗಿ ರ್ಯಾಡಿಕಲ್‌ಗಳು ದೇಹದಲ್ಲಿ ಆ್ಯಂಟಿಆಕ್ಸಿಡೆಂಟ್ ಅನ್ನು ಕಡಿಮೆ ಮಾಡುತ್ತದೆ. ಇದರಿಂದ ಶೃಂಗದ್ರವ್ಯ ಒಡೆದು ಹೋಗಿ ಬಿಳಿ ಕೂದಲು ಬರುತ್ತದೆ.

ಬಿಳಿ ಕೂದಲಿಗೆ ಕಾರಣವೇನೆಂದು ನಿಮಗೀಗ ಅರ್ಥವಾಗಿದೆ. ಹಾಗಾಗಿ ಇದಕ್ಕೆ ಪರಿಹಾರವನ್ನು ಕಂಡುಕೊಳ್ಳುವುದು ತುಂಬಾ ಮುಖ್ಯ. ಅದರಲ್ಲೂ ಮನೆಮದ್ದನ್ನು ಬಳಸಿದರೆ ಅದರಿಂದ ಯಾವುದೇ ರೀತಿಯ ಅಡ್ಡಪರಿಣಾಮಗಳಿಲ್ಲ. ಇಲ್ಲಿ ಬಿಳಿ ಕೂದಲು ನಿವಾರಿಸಲು ಕರಿಬೇವಿನ ಎಲೆಯ ಎಣ್ಣೆಯನ್ನು ಬಳಸಿ ನೋಡಿ. ಚಿಕ್ಕ ಪ್ರಾಯದಲ್ಲಿಯೇ ಬಿಳಿ ಕೂದಲು ಬರಲು ಕಾರಣವೇನು?

ಬೇಕಾಗುವ ಸಾಮಗ್ರಿಗಳು
*ಒಂದು ಹಿಡಿ ಕರಿಬೇವು
*200 ಮಿ.ಗ್ರಾಂ. ಶುದ್ಧ ತೆಂಗಿನ ಎಣ್ಣೆ

ಮಾಡುವ ಮತ್ತು ಬಳಸುವ ವಿಧಾನ

1.ಒಂದು ಹಿಡಿ ಕರಿಬೇವಿನ ಎಲೆಗಳನ್ನು ತೆಗೆದುಕೊಂಡು ಅದನ್ನು ನೀರಿನಲ್ಲಿ ನೆನಸಿಡಿ. ನೀರಿನಿಂದ ತೆಗೆದ ಬಳಿಕ ಬಿಸಿಲಿನಲ್ಲಿ ಅದು ಕಂದು ಬಣ್ಣಕ್ಕೆ ಬರುವ ತನಕ ಮತ್ತು ಗರಿಗರಿ ಆಗುವ ತನಕ ಒಣಗಿಸಿ.
2.ಒಣಗಿದ ಎಲೆಗಳನ್ನು ಸರಿಯಾಗಿ ಹುಡಿ ಮಾಡಿಕೊಳ್ಳಿ.
3.ಸಣ್ಣ ಬಾಣಲೆಯಲ್ಲಿ ತೆಂಗಿನ ಎಣ್ಣೆಯನ್ನು ಬಿಸಿ ಮಾಡಿಕೊಳ್ಳಿ. ಅದಕ್ಕೆ ನಾಲ್ಕು ಚಮಚ ಕರಿಬೇವಿನ ಹುಡಿಯನ್ನು ಹಾಕಿ. ಎಣ್ಣೆ ಸರಿಯಾಗಿ ಕುದಿಯಲಿ.
4.ಎಣ್ಣೆಯನ್ನು ತಣ್ಣಗಾಗಲು ಬಿಡಿ. ಇದನ್ನು ಒಂದು ಬಾಟಲಿಗೆ ಹಾಕಿ ಗಟ್ಟಿಯಾಗಿ ಮುಚ್ಚಳ ಮುಚ್ಚಿಡಿ. ಇದನ್ನು ಬೇಕಾದಾಗ ತೆಗೆದು ಬಳಸಿಕೊಳ್ಳಿ.
ಇದನ್ನು ಒಂದು ವಾರ ಕಾಲ ಬಳಸಿದಾಗ ಕೂದಲು ಕಪ್ಪಗಾಗಿ ರೇಷ್ಮೆಯಂತಾಗುವುದು. ಬಿಳಿ ಕೂದಲು ನಿವಾರಣೆಗೆ ನಿಮ್ಮಲ್ಲಿ ಯಾವುದೇ ಮನೆಮದ್ದುಗಳು ಇದ್ದರೆ ಅದನ್ನು ಕೆಳಗೆ ಕಮೆಂಟ್ ಸೆಕ್ಸನ್‌ನಲ್ಲಿ ನಮ್ಮೊಂದಿಗೆ ಹಂಚಿಕೊಳ್ಳಿ.