ಪುಟ್ಟ ಗಾತ್ರದ ನೆಲ್ಲಿಕಾಯಿಯ ಎಣಿಕೆಗೂ ನಿಲುಕದ ಪ್ರಯೋಜನಗಳು

ತಲೆಹೊಟ್ಟು

ತಲೆಹೊಟ್ಟಿಗೆ ನೆಲ್ಲಿಕಾಯಿಯ ಚಿಕಿತ್ಸೆ ಅತ್ಯಪೂರ್ಣವಾದುದಾಗಿದೆ. ಒಣಗಿದ ನೆಲ್ಲಿಕಾಯಿಯನ್ನು ತೆಂಗಿನೆಣ್ಣೆಯಲ್ಲಿ ಬಿಸಿ ಮಾಡಿ ಮತ್ತು ನೆಲ್ಲಿಕಾಯಿ ತುಂಡುಗಳನ್ನು ಬೇರ್ಪಡಿಸಿ. ನಿಮ್ಮ ತಲೆಬುರುಡೆಗೆ ಈ ಎಣ್ಣೆಯನ್ನು ಬಳಸಿಕೊಂಡು ಮಸಾಜ್ ಮಾಡುವುದು ತಲೆಹೊಟ್ಟನ್ನು ನಿವಾರಿಸುತ್ತದೆ.

ದೃಢವಾದ ಕೂದಲು

ನೆಲ್ಲಿಕಾಯಿ ಎಣ್ಣೆ ಕೂದಲಿನ ಬೇರುಗಳ ಆಳಕ್ಕೆ ಇಳಿದು ನಿಮ್ಮ ಕೂದಲನ್ನು ಸುದೃಢವಾಗಿಸುತ್ತದೆ. ನೆಲ್ಲಿಕಾಯಿಯ ಎಣ್ಣೆಯನ್ನು ನಿತ್ಯವೂ ಬಳಸುವುದು ಕೂದಲಿನ ಆರೋಗ್ಯವನ್ನು ವರ್ಧಿಸುತ್ತದೆ.

ಕಂಡೀಷನಿಂಗ್

ಇದು ನೈಸರ್ಗಿಕ ಕಂಡೀಷನ್‌ನಂತೆ ಕಾರ್ಯನಿರ್ವಹಿಸಲಿದ್ದು ಕೂದಲನ್ನು ಮೃದುವಾಗಿಸುತ್ತದೆ, ನೀವು ಇದಕ್ಕಾಗಿ ಪ್ರತ್ಯೇಕ ಕಂಡೀಷನರ್ ಅನ್ನು ಬಳಸುವ ಅಗತ್ಯವಿಲ್ಲ. ನೆಲ್ಲಿಕಾಯಿಯ ಪ್ರಯೋಜವನ್ನು ಕೂದಲಿಗೆ ಪಡೆದುಕೊಳ್ಳುವಲ್ಲಿ ಇದೂ ಒಂದು ವಿಧಾನವಾಗಿದೆ.

ಕೂದಲಿನ ಬೆಳವಣಿಗೆ

ವಿಟಮಿನ್ ಸಿ ಅಂಶವು ಕೂದಲು ಬೇಗ ಬೆಳೆಯುವಂತೆ ಮತ್ತು ಉತ್ತಮವಾಗಿ ಪ್ರಗತಿಯನ್ನು ಕಾಣುವಂತೆ ಮಾಡುತ್ತದೆ. ವಾರಕ್ಕೊಮ್ಮೆ ನೆಲ್ಲಿಕಾಯಿ ಎಣ್ಣೆಯಿಂದ ಮಸಾಜ್ ಮಾಡಿಕೊಳ್ಳುವುದು ಕೂದಲಿನ ಬೆಳವಣಿಗೆಯನ್ನು ವೃದ್ಧಿಸುತ್ತದೆ.

ನೆರೆಗೂದಲನ್ನು ತಡೆಯುತ್ತದೆ

ಕೆಲವು ನೆಲ್ಲಿಕಾಯಿಗಳನ್ನು ನೀರಿನಲ್ಲಿ ಕೆಲವು ಗಂಟೆಗಳ ಕಾಲ ನೆನೆಸಿದ ಬಳಿಕ ಒಂದು ಚಮಚ ನೀಲಗಿರಿ ಎಣ್ಣೆಯನ್ನು ಹಾಕಿ ಗಾಳಿಯಾಡದ ಗಾಜಿನ ಜಾಡಿಯಲ್ಲಿ ಒಂದು ರಾತ್ರಿ ನೆನೆಸಿಡಬೇಕು. ಬೆಳಿಗ್ಗೆ ಈ ದ್ರಾವಣವನ್ನು ಒಂದು ಮೊಟ್ಟೆ, ಒಂದು ಲಿಂಬೆಯ ರಸ ಹಾಗೂ ಸ್ವಲ್ಪ ಮೊಸರಿನೊಂದಿಗೆ ಮಿಶ್ರ ಮಾಡಿಕೊಂಡು ಕೂದಲಿಗೆ ಹಚ್ಚಿಕೊಂಡು ಒಂದೆರಡು ಗಂಟೆಗಳ ಬಳಿಕ ಸ್ನಾನ ಮಾಡಬೇಕು.

ಕೂದಲು ಉದುರುವುದನ್ನು ತಡೆಯುತ್ತದೆ

ನಿಮ್ಮ ಕೂದಲು ಹೆಚ್ಚುವರಿಯಾಗಿ ಉದುರುತ್ತಿದೆ ಎಂದಾದಲ್ಲಿ ನೆಲ್ಲಿಕಾಯಿ ಎಣ್ಣೆಯಿಂದ ಮಸಾಜ್ ಮಾಡುವುದು ಉತ್ತಮ ಸಲಹೆಯಾಗಿದೆ. ತಲೆಬುರುಡೆಗೆ ರಕ್ತಸಂಚಾರವುಂಟಾಗಲು ಮಸಾಜ್ ನೆರವಾಗಲಿದೆ. ಕೂದಲಿಗೆ ನೆಲ್ಲಿಕಾಯಿಯಿಂದ ಉಂಟಾಗುವ ಪ್ರಯೋಜನಗಳಲ್ಲಿ ಇದೂ ಒಂದಾಗಿದೆ.

ತುರಿಕೆ ತಲೆಬುರುಡೆ

ನೆಲ್ಲಿಕಾಯಿ ಎಣ್ಣೆಯಲ್ಲಿ ಕ್ಯಾರೊಟಿನ್ ಅಂಶವಿದ್ದು, ಇದು ತುರಿತ ಮತ್ತು ಪದರಗಳನ್ನು ನಿಯಂತ್ರಿಸುತ್ತದೆ. ತುರಿಕೆಯನ್ನು ನಿಯಂತ್ರಣಕ್ಕೆ ತರುವಲ್ಲಿ ನೆಲ್ಲಿಕಾಯಿ ಪಾತ್ರ ಹಿರಿದಾದುದು.