ಮೊಟ್ಟೆ ಬಳಸಿ ಕೂದಲನ್ನು ರಕ್ಷಿಸಿಕೊಳ್ಳಿ!

ಸದೃಢ ಮತ್ತು ಕೋಮಲವಾದ ಕೂದಲಿಗಾಗಿ ಮೊಟ್ಟೆಯ ಹೇರ್ ಪ್ಯಾಕ್

ಪದಾರ್ಥಗಳು:

ಮೊಟ್ಟೆಗಳು

ಎಕ್ಸ್‌ಟ್ರಾ ವರ್ಜಿನ್ ಆಲಿವ್ ಎಣ್ಣೆ

ತಯಾರಿಸುವ ಬಗೆ ಹೇಗೆ

ಎರಡು ಮೊಟ್ಟೆಗಳನ್ನು ತೆಗೆದುಕೊಂಡು ಅದರ ಹಳದಿ ಭಾಗವನ್ನು ಬೇರ್ಪಡಿಸಿ. ಈ ಹಳದಿ ಭಾಗವನ್ನು ಚೆನ್ನಾಗಿ ಕಲೆಸಿ, ಲೋಳೆಯನ್ನಾಗಿ ಪರಿವರ್ತಿಸಿ. ಈಗ ಇದಕ್ಕೆ ಎರಡು ಟೇಬಲ್ ಸ್ಪೂನ್‍ನಷ್ಟು ಎಕ್ಸ್‌ಟ್ರಾ ವರ್ಜಿನ್ ಆಲಿವ್ ಎಣ್ಣೆಯನ್ನು ಬೆರೆಸಿ, ಮತ್ತೆ ಈ ಮಿಶ್ರಣವನ್ನು ಎರಡು ನಿಮಿಷಗಳ ಕಾಲ ಚೆನ್ನಾಗಿ ಕಲೆಸಿ. ಈಗ ನೋಡಿ ನಿಮ್ಮ ಹೇರ್ ಮಾಸ್ಕ್ ಸಿದ್ಧವಾಗಿದೆ.

ಈ ಮಿಶ್ರಣವನ್ನು ನಿಮ್ಮ ಕೂದಲಿಗೆ ಲೇಪಿಸುವ ಮುನ್ನ, ಒಂದು ಮೈಲ್ಡ್ ಶಾಂಪೂವಿನಿಂದ ಕೂದಲನ್ನು ಚೆನ್ನಾಗಿ ತೊಳೆಯಿರಿ. ಕೂದಲು ಒದ್ದೆಯಾಗಿದ್ದಾಗಲೆ, ಈ ಮಾಸ್ಕನ್ನು ಕೂದಲಿನ ಬುಡದಿಂದ ತುದಿಯವರೆಗೆ ಲೇಪಿಸಿ. ನಂತರ ನಿಮ್ಮ ಕೂದಲನ್ನು ಶವರ್ ಕ್ಯಾಪ್‍ನಿಂದ ಮುಚ್ಚಿ, 20 ನಿಮಿಷ ಬಿಡಿ. ಆನಂತರ ಸಾಧಾರಣ ಶಾಂಪೂವಿನಿಂದ ಈ ಮಾಸ್ಕನ್ನು ತಟ್ಟಿ ತೊಳೆಯಿರಿ. ಮೊಟ್ಟೆಯಲ್ಲಿರುವ ಪ್ರೊಟಿನ್ ಅಂಶಗಳು ನಿಮ್ಮ ಕೂದಲಿಗೆ ಸದೃಢತೆಯನ್ನು ನೀಡಿ, ಮೃದುಗೊಳಿಸುತ್ತವೆ. ಇದರಲ್ಲಿ ಮಿಶ್ರಣ ಮಾಡಿರುವ ಆಲಿವ್ ಎಣ್ಣೆಯು ಕೂದಲಿಗೆ ಹೈಡ್ರೇಟ್ ಮತ್ತು ಕಂಡೀಶನ್ ಉಂಟು ಮಾಡುತ್ತದೆ.

ಹೊಳೆಯುವ ಕೂದಲಿಗಾಗಿ ಮೊಟ್ಟೆಯ ಪ್ಯಾಕ್

ಪದಾರ್ಥಗಳು:

ಮೊಟ್ಟೆಗಳು

ನಿಂಬೆ ರಸ

ತಯಾರಿಸುವ ವಿಧಾನ

ಒಂದು ಬಟ್ಟಲಿನಲ್ಲಿ ಮೊಟ್ಟೆಯ ಲೋಳೆಯನ್ನು ತೆಗೆದುಕೊಂಡು ಅದಕ್ಕೆ ಎರಡು ಚಮಚದಷ್ಟು ನಿಂಬೆರಸವನ್ನು ಬೆರೆಸಿ. ಇವೆರಡನ್ನು ಬೆರೆಸಿ, ಚೆನ್ನಾಗಿ ಮಿಶ್ರಣ ಮಾಡಿ. ಈಗ ಈ ಮಿಶ್ರಣವನ್ನು ನಿಮ್ಮ ಕೂದಲಿಗೆ ಲೇಪಿಸಿ, ಅರ್ಧ ಗಂಟೆಗಳ ಕಾಲ ಹಾಗೆಯೇ ಬಿಡಿ. ಆನಂತರ ಒಂದು ಮೈಲ್ಡ್ ಶಾಂಪೂವಿನಿಂದ ಇದನ್ನು ಚೆನ್ನಾಗಿ ತೊಳೆಯಿರಿ. ಈಗ ನೋಡಿ ಫಳ ಫಳ ಎನ್ನುವ ನಿಮ್ಮ ಕೂದಲಿನ ಸೊಬಗನ್ನು.

ನಿಂಬೆರಸವು ಕೂದಲಿನಲ್ಲಿನ ಹೊಟ್ಟನ್ನು ನಿವಾರಿಸುವುದರ ಜೊತೆಗೆ, ಕೂದಲಿನ ಒಣಗುವಿಕೆಯನ್ನು ಹಾಗು ಒಡೆಯುವ ಗುಣವನ್ನು ಸಹ ನಿವಾರಿಸುತ್ತದೆ. ಇದರ ಜೊತೆಗೆ ಮೊಟ್ಟೆಯು ನಿಮ್ಮ ಕೂದಲಿಗೆ ಹೊಳಪನ್ನು ನೀಡುತ್ತದೆ.

ಮೊಟ್ಟೆಯ ಕಂಡೀಶನರ್

ಪದಾರ್ಥಗಳು:

ಮೊಟ್ಟೆಗಳು

ತೆಂಗಿನಕಾಯಿ ಎಣ್ಣೆ

ತಯಾರಿಸುವ ವಿಧಾನ

ಎರಡು ಮೊಟ್ಟೆಯ ಹಳದಿ ಭಾಗಗಳನ್ನು ತೆಗೆದುಕೊಳ್ಳಿ, ಮತ್ತು ಅವುಗಳನ್ನು ಲೋಳೆಯಂತಾಗುವವರೆಗೆ ಚೆನ್ನಾಗಿ ಕಲೆಸಿ. ಈಗ ಇದಕ್ಕೆ ಎರಡು ಚಮಚದಷ್ಟು ತೆಂಗಿನಕಾಯಿ ಎಣ್ಣೆಯನು ಬೆರೆಸಿ. ಈ ಮಿಶ್ರಣವನ್ನು ನಿಮ್ಮ ಕೂದಲಿಗೆ ಲೇಪಿಸಿ, ಐದು ನಿಮಿಷಗಳ ಕಾಲ ಬಿಟ್ಟು ಇದನ್ನು ನೀರಿನಿಂದ ಚೆನ್ನಾಗಿ ತೊಳೆಯಿರಿ. ನಂತರ ಇದರಿಂದ ನಿಮಗೆ ದೊರೆತ ಡೀಪ್ ಕಂಡೀಶನಿಂಗ್ ಅನ್ನು ನೀವೇ ನೋಡುವಿರಿ. ಇದು ನಿಮ್ಮ ಕೂದಲಿನಲ್ಲಿರುವ ಸಿಕ್ಕು ಮತ್ತು ಒರಟುತನವನ್ನು ತೊಲಗಿಸಿ, ಮೃದುತ್ವವನ್ನು ತಂದು ಕೊಡುತ್ತದೆ.

ಮೊಟ್ಟೆಯ ಶಾಂಪೂ

ಸಾಧಾರಣವಾದ ರಾಸಾಯನಿಕ ಶಾಂಪೂಗಳಿಗೆ ಹೋಲಿಸಿದರೆ ಮೊಟ್ಟೆಯಿಂದ ಮಾಡಿದ ಶಾಂಪೂವು ಯಾವುದೇ ಅಡ್ಡಪರಿಣಾಮವನ್ನು ಬೀರಲಾರದು ಎಂಬುದು ಅಕ್ಷರಶಃ ಸತ್ಯ.

ಪದಾರ್ಥಗಳು:

ಮೊಟ್ಟೆಗಳು

ಅಪ್ಪಲ್ ಸಿಡೆರ್ ವಿನೆಗರ್

ಲೋಳೆ

ಮಿನೆರಲ್ ವಾಟರ್

ನಿಮಗೆ ತಿಳಿದಿರುವಂತೆ ಮೊಟ್ಟೆಯು ಕೂದಲಿಗೆ ಹಲವು ತೆರನಾಗಿ ಉಪಯೋಗಕ್ಕೆ ಬರುತ್ತದೆ. ಆದರೆ ಇದರಲ್ಲಿರುವ ಒಂದೇ ಒಂದು ಕೆಟ್ಟ ಗುಣ, ಇದು ಅಸಹನೀಯವಾದ ದುರ್ವಾಸನೆಯನ್ನು ಬೀರುತ್ತದೆ.

ತಯಾರಿಸುವುದು ಹೇಗೆ

ಎರಡು ಚಮಚ ಅಪ್ಪಲ್ ಸಿಡೆರ್ ವಿನೆಗರ್, ಮೂರು ಚಮಚ ಲೋಳೆ ಮತ್ತು ಅರ್ಧ ಕಪ್ ಮಿನೆರಲ್ ವಾಟರ್ ಜೊತೆಗೆ ಮೊಟ್ಟೆಯನ್ನು ಬೆರೆಸಿ. ಇವೆಲ್ಲವನ್ನು ಬಟ್ಟಲಿನಲ್ಲಿ ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ. ಸಾಧಾರಣ ಶಾಂಪೂವಿನಂತಾಗುತ್ತದೆ. ಆಗ ಅದನ್ನೆ ಶಾಂಪೂವಾಗಿ ಬಳಸಿ.