ಸೊಂಪಾದ ಕೂದಲಿಗಾಗಿ 10 ಅತ್ಯುತ್ತಮವಾದ ಆಹಾರ

Hair Care

oi-Reena

By Hema S

Updated: Tuesday, July 31, 2012, 12:02 [IST]

ಸೊಂಪಾದ ಕೂದಲಿಗಾಗಿ ಎಣ್ಣೆ ಹಚ್ಚುವುದು, ಕಂಡೀಷನರ್ ಬಳಸುವುದು ಮಾಡಿದರೆ ಮಾತ್ರ ಸಾಲದು ಅದರ ಜೊತೆಗೆ ಆಹಾರಕ್ರಮದ ಬಗ್ಗೆ ಕೂಡ ಗಮನಹರಿಸಬೇಕು. ಆಹಾರದಲ್ಲಿ ಪೋಷಕಾಂಶಗಳ ಕೊರತೆ ಉಂಟಾದರೆ ಕೂದಲು ಉದುರುವ ಸಮಸ್ಯೆ ಕಂಡು ಬರುವುದು. ಆದ್ದರಿಂದ ಕೂದಲಿನ ಆರೋಗ್ಯಕ್ಕಾಗಿ ಈ ಕೆಳಗಿನ ಆಹಾರಗಳನ್ನು ನಿಮ್ಮ ಆಹಾರಕ್ರಮದಲ್ಲಿ ಸೇರಿಸುವುದು ಒಳ್ಳೆಯದು.

1. ಸಾಲಮೋನ್ ಮೀನು: ಸಾಲಾಮೋನ್ ಮೀನು ತಿಂದರೆ ಕೂದಲಿನ ಆರೋಗ್ಯ ಹೆಚ್ಚುವುದು. ಇದರಲ್ಲಿ ವಿಟಮಿನ್ ಬಿ12 ಮತ್ತು ಕಬ್ಬಿಣದಂಶ ಮತ್ತು ಒಮೆಗಾ 3 ಅಂಶವಿದ್ದು ಕೂದಲಿನ ಬುಡ ಒಣಗಿ ಕೂದಲು ಹಾಳಾಗುವ ಸಮಸ್ಯೆ ತಪ್ಪಿಸುತ್ತದೆ.

2. ಹಸಿರು ಸೊಪ್ಪು ಮತ್ತು ತರಕಾರಿಗಳು: ಪಾಲಾಕ್ ಸೊಪ್ಪು, ಬ್ರೊಕೋಲಿ, ನುಗ್ಗೆ ಕಾಯಿ ಸೊಪ್ಪು ಈ ರೀತಿಯ ಹಸಿರು ಸೊಪ್ಪುಗಳಲ್ಲಿ ಕಬ್ಬಿಣದಂಶ ಮತ್ತು ವಿಟಮಿನ್ ಎ ಇರುವುದರಿಂದ ಕೂದಲಿಗೆ ತುಂಬಾ ಒಳ್ಳೆಯದು.

3. ಬೀನ್ಸ್: ಬೀನ್ಸ್ ನಲ್ಲಿ ಕಬ್ಬಿಣದಂಶ, ಸತು, ಬಯೋಟಿನ್(biotin) ಅಂಶಗಳಿವೆ. ಬಯೋಟಿನ್ ಅಂಶ ಕಡಿಮೆಯಿದ್ದರೆ ಕೂದಲು ಕವಲೊಡೆಯುವ ಸಮಸ್ಯೆ ಕಂಡು ಬರುವುದು.

4. ನಟ್ಸ್: ವಾಲ್ ನಟ್ಸ್, ಗೋಡಂಬಿ, ಬಾದಾಮಿ ಇವುಗಳಲ್ಲಿ ವಿಟಮಿನ್ ಗಳು ಮತ್ತು ಖನಿಜಂಶಗಳು ಅಧಿಕವಾಗಿರುವುದರಿಂದ ಕೂದಲಿನ ಪೋಷಣೆಗೆ ಅಗತ್ಯವಾದ ಪೋಷಕಾಂಶಗಳನ್ನು ಒದಗಿಸುತ್ತದೆ.

5&6. ಚಿಕನ್ ಮತ್ತು ಮೊಟ್ಟೆ: ಪೌಲ್ಟ್ರಿ ಆಹಾರಗಳ ಸೇವನೆ ಕೂಡ ಕೂದಲಿನ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಪ್ರೊಟೀನ್‌ಗಳ ಕೊರತೆಯಿಂದ ಕೂದಲು ಬೆಳ್ಳಗಾಗುವುದು. ಚಿಕನ್ ಮತ್ತು ಮೊಟ್ಟೆಯಲ್ಲಿ ಅಧಿಕ ಪ್ರೊಟೀನ್ ಅಂಶಗಳಿವೆ.

7. ದವಸಧಾನ್ಯಗಳು: ದವಸಧಾನ್ಯಗಳನ್ನು ಆಹಾರ ಕ್ರಮದಲ್ಲಿ ಹೆಚ್ಚಾಗಿ ಸೇವಿಸುವುದರಿಂದ ಸತು, ಪ್ರೊಟೀನ್ ಅಂಶಗಳು, ವಿಟಮಿನ್ ಗಳು ದೇಹಕ್ಕೆ ಸೇರುತ್ತದೆ.

8. ಮೃದ್ವಂಗಿಗಳು: ಮೃದ್ವಂಗಿಗಳನ್ನು ಆಹಾರದಲ್ಲಿ ಬಳಸಿದರೆ ದೇಹದ ಮತ್ತು ಕೂದಲಿನ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಇದು ಕೂದಲಿನ ಪೋಷಣೆಗೆ ಅಗತ್ಯವಾದ ಪೋಷಕಾಂಶಗಳನ್ನು ದೊರಕಿಸಿ ಕೊಡುತ್ತದೆ.

7. ಹಾಲಿನ ಉತ್ಪನ್ನಗಳು: ಕಡಿಮೆ ಕೊಬ್ಬಿನ ಹಾಲಿನ ಉತ್ಪನ್ನಗಳ ಸೇವನೆ ಒಳ್ಳೆಯದು. ದಿನಕ್ಕೆ 2 ಲೋಟ ಹಾಲು ಕುಡಿಯುವ ಅಭ್ಯಾಸ ಕೂದಲಿನ ಆರೋಗ್ಯಕ್ಕೆ ಒಳ್ಳೆಯದು.

10. ಕ್ಯಾರೆಟ್: ಕ್ಯಾರೆಟ್ ತಿನ್ನುವುದರಿಂದ ಕೂದಲು, ತ್ವಚೆ ಮತ್ತು ದೇಹದ ಆರೋಗ್ಯ ಹೆಚ್ಚಿಸಬಹುದಾಗಿದೆ.