ಸೊಂಪಾದ ಕೂದಲಿನ ರಹಸ್ಯದ ಕೀಲಿಕೈ ಇಲ್ಲಿದೆ

Hair Care

oi-Reena

By Hema S

Published: Thursday, December 15, 2011, 16:01 [IST]

ಅಜ್ಜಿಂದಿರು ಮನೆಯಲ್ಲಿ ಕೆಲವು ಗಿಡಮೂಲಿಕೆಗಳನ್ನು ಹಾಕಿ ಎಣ್ಣೆಯನ್ನು ತಯಾರಿಸಿ ತಲೆಗೆ ಹಚ್ಚುತ್ತಿದ್ದರು. ಅವರಿಗೆ ಅಕಾಲಿಕ ನೆರೆಯಾಗಲಿ ಕೂದಲು ಉದುರುವ ಸಮಸ್ಯೆಯಾಗಲಿ ಅಷ್ಟಾಗಿ ಇರಲಿಲ್ಲ. ಆದರೆ ಈಗ ಬಳಸುವ ಎಣ್ಣೆ, ಶ್ಯಾಂಪೂ, ಕಂಡೀಷನರ್ ಎಲ್ಲವೂ ಕೂದಲಿನ ಸಮಸ್ಯೆ ಹೆಚ್ಚಾಗಲು ಒಂದು ಕಾರಣವಾಗಿದೆ. ಕೂದಲಿನ ಪೋಷಣೆಗೆ ಮನೆಯಲ್ಲಿ ತಯಾರಿಸುವ ಎಣ್ಣೆ ಅತ್ಯುತ್ತಮವಾಗಿದ್ದು ಅದರಲ್ಲಿ ಮನೆಯಲ್ಲಿಯೆ ತಯಾರಿಸುವ ಕೆಲವು ಎಣ್ಣೆಗಳ ಪಟ್ಟಿ ನೋಡಿ ಇಲ್ಲಿದೆ.

1. ಮೆಹಂದಿ ಎಣ್ಣೆ: ಮೆಹಂದಿ ಕೂದಲಿಗೆ ಬಣ್ಣ ನೀಡುವುದಷ್ಟೆ ಅಲ್ಲ, ಕೂದಲು ಆರೋಗ್ಯವಾಗಿ ಇರುವಂತೆ ಮಾಡುತ್ತದೆ. ಮೆಹಂದಿ ಕೂದಲಿಗೆ ಬಣ್ಣ ನೀಡುವುದರಿಂದ ಅನೇಕರು ಇದನ್ನು ಹಾಕಲು ಇಷ್ಟ ಪಡುವುದಿಲ್ಲ. ಕೆಂಚು ಕೂದಲು ಕೆಲವರ ಮುಖ ಬಣ್ಣಕ್ಕೆ ಅಷ್ಟಾಗಿ ಒಗ್ಗುವುದಿಲ್ಲ ಕೂಡ. ಅಂತಹವರು ಒಣಗಿದ ಮೆಹಂದಿ ಎಲೆಯನ್ನು ಎಣ್ಣೆಯಲ್ಲಿ ಕುದಿಸಿ ತಲೆಗೆ ಹಚ್ಚಿದರೆ ಕೂದಲಿನಲ್ಲಿ ಕೆಂಪು ಬಣ್ಣ ಕಾಣುವುದಿಲ್ಲ, ಕೂದಲು ಕೂಡ ಆರೋಗ್ಯವಾಗಿರುತ್ತದೆ.

2. ರೋಸ್ ಮರಿ ಎಣ್ಣೆ: ರೋಸ್ ಮರಿ ಗಿಡಮೂಲಿಕೆಯನ್ನುಎಣ್ಣೆಯಲ್ಲಿ ಬೆರೆಸಿ ತಲೆಗೆ ಹಚ್ಚಿದರೆ ಒರಟು ಕೂದಲು ಕೂಡ ಮೃದುವಾಗುತ್ತದೆ. ಈ ರೋಸ್ ಮರಿ ಎಣ್ಣೆ ಬೇಕೆಂದರೆ ಬಾದಾಮಿ ಎಣ್ಣೆಗೆ ರೋಸ್ ಮರಿ ಎಲೆಯನ್ನು ಹಾಕಿ ಕುದುಸಿದರೆ ರೋಸ್ ಮರಿ ಎಣ್ಣೆಯಾಗುತ್ತದೆ, ಇಲ್ಲದಿದ್ದರೆ ಕೆಲವು ಆಯುರ್ವೇದ ಅಂಗಡಿಗಳಲ್ಲಿ ಕೂಡ ದೊರೆಯುತ್ತದೆ.

3. ದಾಸವಾಳದ ಎಣ್ಣೆ : ಕೊಬ್ಬರಿ ಎಣ್ಣೆಗೆ ದಾಸವಾಳವನ್ನು ಹಾಕಿ ಕುದುಸಿ ಆ ಎಣ್ಣೆಯನ್ನು ಡಬ್ಬದಲ್ಲಿ ಸಂಗ್ರಹಿಸಿ, ಆ ಎಣ್ಣೆಯನ್ನು ತಲೆಗೆ ಹಚ್ಚುತ್ತಾ ಬಂದರೆ ಕೂದಲು ಸೊಂಪಾಗಿ ಬೆಳೆಯುತ್ತದೆ.

4. ಟೀ ಎಣ್ಣೆ: ಟೀ ಎಲೆ ಕೂದಲಿನ ಪೋಷಣೆಯಲ್ಲಿ ಪ್ರಮುಖ ಪಾತ್ರವನ್ನು ವಹಿಸುತ್ತದೆ. ಬಿಸಿ ಆಲೀವ್ ಎಣ್ಣೆಗೆ 3 ಗ್ರೀನ್ ಟೀ ಬ್ಯಾಗ್ ಮುಳುಗಿಸಿಟ್ಟು 20 ನಿಮಿಷ ಕಾಲ ಬಿಡಬಕು. ನಂತರ ಆ ಎಣ್ಣೆಯನ್ನು ತಲೆಗೆ ಬಳಸಬಹುದು.

5. ನೆಲ್ಲಿಕಾಯಿ ಎಣ್ಣೆ: ದಪ್ಪ ಕೂದಲನ್ನು ಪಡೆಯಲು ನೆಲ್ಲಕಾಯಿ ಎಣ್ಣೆಯನ್ನು ಬಳಸಲಾಗುತ್ತದೆ.ಕತ್ತರಿಸಿದ ನೆಲ್ಲಿಕಾಯಿ, ಮೆಂತೆ ಸೊಪ್ಪು ಮತ್ತು ತೆಂಗಿನ ಎಣ್ಣೆಯನ್ನು ಮಿಶ್ರ ಮಾಡಿ ಕುದಿಸಬೇಕು. ಎಣ್ಣೆ ಕಂದು ಬಣ್ಣಕ್ಕೆ ಬರುವಾಗ ಅದನ್ನು ತೆಗೆದು ಆರಲು ಬಿಡಬೇಕು. ಈ ಎಣ್ಣೆಯನ್ನು ಬಳಸಿದರೆ ದಪ್ಪವಾದ ಮತ್ತು ಉದ್ದದ ಕೂದಲನ್ನು ಪಡೆಯಬಹುದು.