ಕೂದಲು ತುಂಡಾಗುವುದನ್ನು ತಪ್ಪಿಸುವುದು ಹೇಗೆ?

ಕೂದಲು ಕವಲೊಡೆಯುವುದು (ತುಂಡಾಗುವ) ಕೂದಲಿನ ಮುಖ್ಯವಾದ ಸಮಸ್ಯೆಗಳಲ್ಲಿ ಒಂದು. ಪ್ರತಿದಿನ ಹೇರ್ ಡ್ರೈಯರ್ ಬಳಕೆ ಮಾಡುವುದು, ಒದ್ದೆ ಕೋದಲನ್ನು ಬಾಚುವುದು, ಆಹಾರಕ್ರಮದಲ್ಲಿ ವ್ಯತ್ಯಾಸ, ಕೂದಲನ್ನು ಇಸ್ತ್ರಿ ಮಾಡುವುದು ಇವೆಲ್ಲವು ಕೂದಲಿನ ಅಂದವನ್ನು ಹಾಳುಮಾಡುತ್ತದೆ.

ಈ ರೀತಿ ಕೂದಲು ಕವಲೊಡೆದಾಗ ಕೂದಲಿನ ತುದಿಯನ್ನು ಕತ್ತರಿಸುವುದು ಸಾಮಾನ್ಯ.

ಹೀಗೆ ಮಾಡಿದರೆ ಕೂದಲಿನ ಉದ್ದ ಕಡಿಮೆಯಾಗುತ್ತದೆ, ಆದರೆ ಈ ಕೆಳಗಿನ ಸಲಹೆಗಳನ್ನು ಪಾಲಿಸಿದರೆ ಕೂದಲನ್ನು ಟ್ರಿಮ್ ಮಾಡದೆಯೆ ಕೂದಲಿನ ತುದಿ ಒಡೆಯುವ ಸಮಸ್ಯೆಯನ್ನು ಹೋಗಲಾಡಿಸಬಹುದಾಗಿದೆ.

1.ಕೂದನ್ನು ಹೆಚ್ಚಾಗಿ ಬಾಚಬಾರದು:ತುಂಬಾ ಹೆಣ್ಣು ಮಕ್ಕಳು ಕೂದಲನ್ನು ಬಾಚುವುದರಲ್ಲಿಯೆ ಹೆಚ್ಚಿನ ಸಮಯವನ್ನು ಕಳೆಯುತ್ತಾರೆ. ಆದರೆ ಈ ರೀತಿ ತುಂಬಾ ಹೊತ್ತು ಕೂದಲನ್ನು ಬಾಚುವುದರಿಂದ ಕೂದಲಿನ ಮೇಲೆ ಅಧಿಕ ಒತ್ತಡ ಬಿದ್ದು ಕೂದಲು ಕವಲೊಡೆಯಲಾರಂಭಿಸುತ್ತವೆ. ಅಲ್ಲದೆ ಒದ್ದೆ ಕೋದಲನ್ನು ಬಾಚ ಬಾರದು, ಕೂದಲನ್ನು ಒಣಗಿದ ನಂತರ ಬುಡದಿಂದ ಕೆಳಕ್ಕೆ ಬಾಚಿ ಕೂದಲು ಉದುರುದನ್ನು ತಡೆಗಟ್ಟಿ.

2. ಮೊಟ್ಟೆಯನ್ನು ಕೂದಲಿಗೆ ನ್ಯಾಚುರಲ್ ಕಂಡೀಷನರ್ ಆಗಿ ಬಳಸಬಹುದಾಗಿದೆ. ಇದನ್ನು ಬಳಸುವುದರಿಂದ ಕೂದಲು ಮೈದು ಮತ್ತು ಹೊಳಪನ್ನು ಪಡೆಯುವುದು.

3. ಕೂದಲನ್ನು ಜಡೆ ಹಾಕಿ ಬಿಡುವುದು ಒಳ್ಳೆಯದು, ಕೂದಲಿಗೆ ರಬ್ಬರ್ ಬ್ಯಾಂಡ್ ಅಥವಾ ಕ್ಲಿಪ್ ಗಳನ್ನು ಬಳಸದೆ ಇರುವುದು ಒಳ್ಳೆಯದು.

4. ಹೇರ್ ಡ್ರೈಯರ್ ಕೂದಲಿಗೆ ನೇರವಾಗಿ ಬಳಸುವಾಗ ತುಂಬಾ ಎಚ್ಚರದಿಂದ ಇರಬೇಕು. ಕೂದಲನ್ನು ನೈಸರ್ಗಿಕವಾಗಿ ಒಣಗಿಸುವುದು ಒಳ್ಳೆಯದು, ಕೆಲವೊಮ್ಮೆ ಮಾತ್ರ ಹೇರ್ ಡ್ರೈಯರ್ ಬಳಸಿ.

5. ವಿಟಮಿನ್ ಬಿ ಆಹಾರವನ್ನು ಸೇವಿಸುವುದು, ಸೊಪ್ಪು , ತರಕಾರಿಗಳನ್ನು ಬಳಸುವುದರಿಂದ ಕೂದಲು ಕವೆಲೊಡೆಯುವುದನ್ನು ತಪ್ಪಿಸಬಹುದಾಗಿದೆ.