ವೀಕೆಂಡ್ ಗೆ ಸೂಕ್ತ ಈ ಹೇರ್ ಕೇರ್ ಪ್ಯಾಕ್

Hair Care

oi-Sumalatha

By Sumalatha

Published: Saturday, October 8, 2011, 17:04 [IST]

ಕೂದಲ ಪೋಷಣೆ ತುಂಬಾ ಕಷ್ಟ. ಅದರಲ್ಲೂ ಉದ್ದ ಕೂದಲಿದ್ದರೆ ಹೆಚ್ಚು ಕಾಳಜಿ ಬೇಕು. ಎಣ್ಣೆ ಹಾಕುವುದು, ಉತ್ತಮ ಶಾಂಪೂವಿನಿಂದ ಸ್ನಾನ ಮಾಡುವುದಷ್ಟೇ ಕೂದಲನ್ನು ಪೋಷಿಸುವುದಿಲ್ಲ. ವಾರಕ್ಕೊಮ್ಮೆ ಮನೆಯಲ್ಲೇ ಕೂದಲಿಗೆ ಅವಶ್ಯಕ ಹೇರ್ ಪ್ಯಾಕ್ ಹಾಕಿಕೊಂಡರೆ ಕೂದಲನ್ನು ಆರೋಗ್ಯವಾಗಿರಿಸಬಹುದು.

ಹೇರ್ ಪ್ಯಾಕ್ ಗೆ ಏನೇನು ಬೇಕು?
* 3-4 ಮೊಟ್ಟೆ
* ಮೆಂತ್ಯೆ
* ಟವಲ್
* ಕಂಡೀಶನರ್ (ನೈಸರ್ಗಿಕ)

ಹೇಗೆ ಹಾಕಿಕೊಳ್ಳುವುದು?
* ಮೆಂತ್ಯೆ ಕಾಳನ್ನು ನೆನೆಸಿ ಪೇಸ್ಟ್ ಮಾಡಿಕೊಳ್ಳಬೇಕು.
* ಮೊಟ್ಟೆಯ ಬಿಳಿ ಭಾಗದೊಂದಿಗೆ ಮೆಂತ್ಯೆ ಪೇಸ್ಟ್ ಬೆರೆಸಿ ಹೇರ್ ಬ್ರಶ್ ಸಹಾಯದಿಂದ ಕೂದಲಿಗೆ ಹಚ್ಚಿಕೊಳ್ಳಬೇಕು.
* ಅರ್ಧ ಗಂಟೆ ಪ್ಯಾಕನ್ನು ಹಾಗೆಯೇ ಬಿಟ್ಟು ತಣ್ಣಗಿನ ನೀರಿನಿಂದ ತೊಳೆದುಕೊಳ್ಳಬೇಕು.
* ನಂತರ ಕೂದಲನ್ನು 15 ನಿಮಿಷ ಬಿಸಿ ನೀರಿನಲ್ಲಿ ಅದ್ದಿದ ಟವಲ್ ನಿಂದ ಸುತ್ತಿಕೊಳ್ಳಬೇಕು.
* ಇದಾದ ಎರಡು ದಿನಗಳ ನಂತರ ಕಂಡೀಶನರ್ ಹಚ್ಚಿಕೊಳ್ಳಬೇಕು.

ಕಂಡೀಶನರ್ ಹೇಗೆ ಮಾಡಿಕೊಳ್ಳುವುದು?
* ದಾಸವಾಳದ ಹೂವು, ಎಲೆ ಮತ್ತು ಮೆಹಂದಿಯನ್ನು ಸ್ವಲ್ಪ ನೀರು ಬೆರೆಸಿ ರುಬ್ಬಿಕೊಳ್ಳಬೇಕು. ಇದನ್ನು ಕೂದಲಿಗೆ ಹಚ್ಚಿಕೊಂಡು ಅರ್ಧ ಗಂಟೆ ನಂತರ ತಣ್ಣಗಿನ ನೀರಿನಲ್ಲಿ ತೊಳೆದುಕೊಂಡರೆ ಇದೇ ಒಳ್ಳೆಯ ಕಂಡೀಶನರ್ ನಂತೆ ಕೆಲಸ ಮಾಡುತ್ತದೆ.
ಈ ಪ್ಯಾಕನ್ನು ನಿರಂತರವಾಗಿ ಹಾಕಿಕೊಳ್ಳುವುದರಿಂದ ಶುದ್ಧ ಮತ್ತು ಶೈನಿಂಗ್ ಕೂದಲು ಪಡೆಯಬಹುದು. ಇದು ಕೂದಲು ಕಪ್ಪಗಾಗುವಂತೆ ಮಾಡಿ ಬೆಳವಣಿಗೆಯನ್ನೂ ಹೆಚ್ಚಿಸುತ್ತದೆ. ಕೂದಲಿನ ಬುಡವನ್ನೂ ಗಟ್ಟಿಗೊಳಿಸುತ್ತದೆ.