ಮಳೆಗಾಲದಲ್ಲಿ ಮರುಗದಿರಲಿ ಮೃದು ಕೂದಲು

Published: Saturday, October 1, 2011, 12:51 [IST]

ಹವಾಮಾನ ಬದಲಾಗುತ್ತಿದ್ದಂತೆ ದೇಹ ಪ್ರಕೃತಿಯೂ ಕೆಲವೊಮ್ಮೆ ಬದಲಾಗುತ್ತೆ. ಅದೇ ರೀತಿ ಕೂದಲೂ ಸಹ ಉದುರಬಹುದು. ಆದರೆ ಇಂತಹ ಸಮಯದಲ್ಲಿ ಪೋಷಣೆ ನೀಡದಿದ್ದರೆ ಶಾಶ್ವತವಾಗಿ ಕೂದಲು ತನ್ನ ಅಂದವನ್ನು ಕಳೆದುಕೊಳ್ಳಬಹುದು. ಆದ್ದರಿಂದ ಮಳೆಗಾಲದಲ್ಲಿ ಕೂದಲನ್ನು ಕಾಪಾಡಿಕೊಳ್ಳುವುದು ಹೇಗೆ ಎಂದು ಇಲ್ಲಿ ತಿಳಿದುಕೊಳ್ಳಿ.

ಮಳೆಗಾಲದಲ್ಲಿ ಕೂದಲು ಆರೈಕೆ ಹೇಗಿರಬೇಕು?

* ವಾರಕ್ಕೊಮ್ಮೆ ಎಣ್ಣೆ ಮಸಾಜ್: ಯಾವುದೇ ಕಾಲಕ್ಕೂ ಕೂದಲಿಗೆ ಎಣ್ಣೆ ಹಚ್ಚುವುದನ್ನು ಬಿಡಬಾರದು. ವಾರಕ್ಕೊಮ್ಮೆ ಕೊಬ್ಬರಿ ಎಣ್ಣೆ ಬಿಸಿ ಮಾಡಿ ಹಚ್ಚಿಕೊಳ್ಳಬೇಕು. ಚಳಿ ಮಳೆಯಿಂದ ನಿಮ್ಮ ಕೂದಲು ನಿರ್ಜೀವಗೊಳ್ಳದಿರಲು ಎಣ್ಣೆ ಮಸಾಜ್ ತುಂಬಾ ಸಹಕಾರಿ.

* ಮೆಹಂದಿ ಪ್ಯಾಕ್: ವಾರಕ್ಕೊಮ್ಮೆ ಅಥವಾ ಹದಿನೈದು ದಿನಕ್ಕೊಮ್ಮೆ ಮೆಹಂದಿಯಿಂದ ಕೂದಲಿಗೆ ಪ್ಯಾಕ್ ಹಾಕಿಕೊಳ್ಳಿ. ಇದು ನಿಮ್ಮ ಕೂದಲಿಗೆ ಜೀವ ತುಂಬಿ ಗಟ್ಟಿಗೊಳಿಸುತ್ತದೆ. ಕೂದಲು ಗಟ್ಟಿಯಿರದಿದ್ದರೆ ಎಂತಹ ಕಾಲದಲ್ಲೂ ಬೇಗ ಉದುರುತ್ತದೆ. ಆದ್ದರಿಂದ ಮೆಹಂದಿ ಎಲ್ಲಾ ಕಾಲಕ್ಕೂ ಒಳ್ಳೆಯದು.

* ಕೂದಲು ಕಟ್ಟಿಕೊಳ್ಳಿ: ಮಳೆಗಾಲದಲ್ಲಿ ಹೊರಗೆ ಹೋಗುವಾಗ ಅಥವಾ ಮಲಗುವಾಗ ಕೂದಲನ್ನು ಹಾಗೆಯೇ ಬಿಡುವುದು ಸೂಕ್ತವಲ್ಲ. ಕೂದಲನ್ನು ಸಡಿಲವಾಗಿ ಬಿಡದೆ ಪೂರ್ತಿ ತಲೆ ಬಾಚಿಕೊಂಡು ಕಟ್ಟಿಕೊಳ್ಳುವುದು ಸರಿ. ಇದರಿಂದ ಕೂದಲು ತುಂಡಾಗಿ ಉದುರುವುದು ತಪ್ಪುತ್ತದೆ ಮತ್ತು ಧೂಳು, ಕೊಳೆ ತಲೆಯಲ್ಲಿ ಸೇರಿಕೊಳ್ಳುವುದನ್ನೂ ತಡೆಯುತ್ತದೆ.

* ಸ್ಕಾರ್ಫ್, ಟೋಪಿ: ಹೊರಗೆ ಹೋಗುವಾಗ ಸ್ಕಾರ್ಫ್ ಅಥವಾ ಟೋಪಿ ಧರಿಸಬಹುದು. ಟೋಪಿಯನ್ನು ಧರಿಸಲು ಹಿಂಜರಿಯುವವರಿಗೆಂದೇ ಸ್ಟೈಲಿಶ್ ಟೋಪಿಗಳೂ ಇವೆ. ಗಾಳಿ, ಮಳೆಯಿಂದ ಕೂದಲು ಸಿಕ್ಕಾಗಿ ಉದುರುವುದನ್ನು ತಡೆಯುತ್ತದೆ.

* ಛತ್ರಿ: ಮಳೆ, ಬಿಸಿಲು ಎಲ್ಲಾ ಕಾಲದಲ್ಲೂ ಛತ್ರಿ ಸದಾ ನಿಮ್ಮೊಂದಿಗಿರಲಿ. ಇದು ನಿಮ್ಮ ಕೂದಲನ್ನು ಅನವಶ್ಯಕ ಸಮಸ್ಯೆಗಳಿಂದ ದೂರವಿರಿಸುತ್ತೆ.

Comments

English summary

Seasonal Hair Loss | Tips to Prevent Hair loss | ಮಳೆಗಾಲದಲ್ಲಿ ಕೂದಲುದುರುವಿಕೆ | ಕೂದಲುದುರುವಿಕೆ ತಡೆಯುವ ವಿಧಾನ

Seasonal hair loss is the unjustified hair we lose at the turn of every season. It could be any season but mostly seasonal hair loss is maximum during monsoon. The causes for such hair fall are many and knowing them is the key to preventing hair loss.

Story first published: Saturday, October 1, 2011, 12:51 [IST]