ಕೂದಲನ್ನು ಕಲರ್ ಮಾಡುವುದು ಹೇಗೆ?

ಭಾರತೀಯರ ಮೈ ಬಣ್ಣಕ್ಕೆ ಒಗ್ಗಿ ಕೊಳ್ಳುವಂತೆ ಮೆಹಂದಿ ಬಳಸುವುದು ಹೇಗೆ? ಸಹಜ ಮತ್ತು ಸುಂದರ ಕೂದಲಿನ ಬಣ್ಣಕ್ಕಾಗಿ ಏನು ಮಾಡಬೇಕು? ಇಲ್ಲಿದೆ ನೋಡಿ ಸುಂದರವಾದ ಕಲರ್ ಕೂದಲಿಗಾಗಿ ವಿಧಾನ.

ಕಪ್ಪು ಬಣ್ಣದ ಕೂದಲಿಗಾಗಿ

1. ಮೆಹಂದಿ, ಕರಿ ಬೇವು, ಮತ್ತು ಒಳೆಣ್ಣೆ: ಒಳ್ಳೆಣ್ಣೆಗೆ ಕರಿಬೇವು ಹಾಕಿ ಎಣ್ಣೆಯನ್ನು ಕುದಿಸಿ ಅದನ್ನುಎರಡು ದಿನಗಳ ಕಾಲ ಹಾಗೆ ತೆಗೆದು ಇಡಿ. ನೀವು ಕೂದಲಿಗೆ ಕಲರ್ ಮಾಡುವ ದಿನ ಮೆಹಂದಿಯನ್ನು ಆ ಎಣ್ಣೆಗೆ ಹಾಕಿ ಮತ್ತೊಮ್ಮೆ ಕುದಿಸಿ. ಅದು ಆರಿದ ನಂತರ ತಲೆಗೆ ಹಚ್ಚಿ. ಕೂದಲಿಗೆ ಚೆನ್ನಾಗಿ ಬಣ್ಣ ಹಿಡಿದ ನಂತರ ಉಗುರೆ ಬೆಚ್ಚನೆಯ ನೀರಿನಿಂದ ಸೀಗೆ ಕಾಯಿ ಅಥವಾ ಸ್ಯಾಂಪೂ ಉಪಯೋಗಿಸಿ ತಲೆ ತೊಳೆಯಿರಿ.

2. ಮೆಹಂದಿ ಮತ್ತು ಹರಳೆಣ್ಣೆ: ಕಬ್ಬಿಣದಿದ ಮಾಡಿದ ಬಾಣಲೆಯಲ್ಲಿ ಮೆಹಂದಿ ಮತ್ತು ಹರಳೆಣ್ಣೆಯನ್ನು ಕುದಿಸಿ ಬಾಣಲೆಯಲ್ಲೆ ಕೆಲವು ದಿನಗಳ ಕಾಲ ಇಡಿ. ಎಣ್ಣೆಯು ಬಾಣಲೆಯಲ್ಲಿ ಕಪ್ಪು ಬಣ್ಣಕ್ಕೆ ತಿರುಗಿದ ಮೇಲೆ ಅದನ್ನು ತಲೆ ಕೂದಲಿಗೆ ಹಚ್ಚಿ. ಎಣ್ಣೆ ವೆನ್ನಾಗಿ ಕೂದಲಿಗೆ ಹಿಡಿಯುವರೆಗೂ ಇಟ್ಟು ಉಗುರು ಬೆಚ್ಚನೆಯ ನೀರಿನಿಂದ ತಲೆ ತೊಳೆಯಿರಿ.

ಕೆಂಚು ಬಣ್ಣದ ಕೂದಲಿಗಾಗಿ

1. ಮೆಹಂದಿ ಮತ್ತು ಕಾಫಿ ಮಿಶ್ರಣ: ಕಾಫಿಯೊಂದಿಗೆ ಮೆಹಂದಿಯನ್ನು ಬೆರೆಸಿ ಹಚ್ಚಿದರೆ ಕೆಂಚು ಬಣ್ಣದ ಕೂದಲು ನಿಮ್ಮದಾಗುವುದು.

2. ಮೆಹಂದಿ ಮತ್ತು ಬೇಟ್ ರೂಟ್ : ಬೀಟ್ ರೂಟ್ ಜ್ಯೂಸ್ ಗೆ ಮೆಹಂದಿ ಪುಡಿಯನ್ನು ಬೆರೆಸಿ ಹಚ್ಚುವುದರಿಂದ ಸುಂದರವಾದ ಕೆಂಚು ಕೂದಲು ನಿಮ್ಮದಾಗುವುದು.

3. ಮೆಹಂದಿ, ಮೊಸರು, ನಿಂಬೆ ಹಣ್ಣು, ಟೀ ಕುದಿಸಿದ ನೀರು: ಇವುಗಳ ಮಿಶ್ರಣವನ್ನು ತಲೆಗೆ ಹಚ್ಚಿದರೆ ಕೆಂಪು ಮಿಶ್ರಿತ ಕೆಂಚು ಬಣ್ಣದ ಕೂದಲು ನಿಮ್ಮದಾಗುವುದು. ಇಲ್ಲಿ ಮೊಸರು ಕಂಡೀಷನರ್ ರೀತಿ ವರ್ತಿಸುತ್ತದೆ.

ಈ ರಿತಿ ಕೂದಲನ್ನು ಕಲರ್ ಮಾಡಲು ಯಾವುದೇ ವಯಸ್ಸಿನ ಮಿತಿಯಿಲ್ಲ. ಈ ರೀತಿ ನೈಸರ್ಗಿಕ ವಸ್ಸತುಗಳನ್ನು ಬಳಸಿ ಕಲರ್ ಮಾಡುವುದರಿಂದ ಕೂದಲು ಆರೋಗ್ಯವಾಗಿ ಹಾಗೂ ಸುಂದರವಾಗಿ ಇರುವುದು.