ತಲೆ ತುರಿಸುತ್ತಿದ್ದರೆ ಇಲ್ಲಿದೆ ಪರಿಹಾರ

Hair Care

oi-Sumalatha

By Sumalatha

Published: Tuesday, September 20, 2011, 11:52 [IST]

ಕೂದಲು ನಿಸ್ತೇಜಗೊಳ್ಳುತ್ತಿದ್ದಂತೆ ಕೂದಲಿನ ಬುಡದ ಚರ್ಮವೂ ಒಣಗಿ, ತಲೆಯಲ್ಲಿ ತುರಿಕೆ ಶುರುವಾಗುತ್ತದೆ. ನಿರಂತರ ತುರಿಕೆಯಿಂದ ಕೂದಲು ಕ್ರಮೇಣ ಉದುರಲು ಆರಂಭಿಸಿ ತಲೆ ಬೋಳಾಗುವ ಸಮಸ್ಯೆ ಎದುರಾಗುತ್ತದೆ. ಕೂದಲೆಡೆಗಿನ ಸಣ್ಣ ನಿರ್ಲಕ್ಷ್ಯ ಮುಂದೆ ದೊಡ್ಡ ತೊಂದರೆಯನ್ನು ಉಂಟು ಮಾಡುತ್ತದೆ.

ಆದ್ದರಿಂದ ಪ್ರಾರಂಭಿಕ ಹಂತದಲ್ಲೇ ಅದನ್ನು ನಿವಾರಿಸಿದರೆ ಮುಂದಿನ ಕೆಟ್ಟ ಪರಿಣಾಮವನ್ನು ತಡೆಯಬಹುದು.

ಕೂದಲು ಒಣಗುವಿಕೆ ಮತ್ತು ತುರಿಕೆಯನ್ನು ತಡೆಯುವ ಕೆಲವು ಸಲಹೆ ಇಲ್ಲಿವೆ.

1. ph 4.5-5.5: ದಲ ತುರಿಕೆಯನ್ನು ತಡೆಯಬೇಕೆಂದರೆ ಕೂದಲಿನ ಬುಡವನ್ನು ಶುದ್ದವಾಗಿಟ್ಟುಕೊಳ್ಳಬೇಕು. ಕೂದಲ ಬುಡದಲ್ಲಿ ಎಣ್ಣೆ ಮತ್ತು ಧೂಳು ಸೇರಿಕೊಂಡು ತುರಿಕೆ ಆರಂಭವಾಗುತ್ತದೆ. ಆದ್ದರಿಂದ ಶಾಂಪೂಗಳನ್ನು ಕೊಂಡುಕೊಳ್ಳುವಾಗ ph 4.5-5.5 ಇರುವುದನ್ನು ನೋಡಿ ಕೊಂಡುಕೊಳ್ಳಬೇಕು.

2. ಹೇರ್ ಡೈ: ಹೇರ್ ಡೈ ಉಪಯೋಗಿಸುವುದರಿಂದ ಅದರಲ್ಲಿನ ಕೆಮಿಕಲ್ ಕೂದಲಿನ ಬುಡವನ್ನು ಹಾನಿಗೊಳಿಸಬಹುದು. ಆದ್ದರಿಂದ ಹೇರ್ ಡೈ ಉಪಯೋಗದ ಬಗ್ಗೆ ಜಾಗ್ರತೆಯಿಂದಿರಿ. ಉತ್ತಮ ಗುಣಮಟ್ಟದ್ದೆ ಉಪಯೋಗಿಸಿ.

3. ಬಿಸಿ ನೀರು: ತಲೆಯಲ್ಲಿ ಕಡಿತ ಇದ್ದವರು ಅಥವಾ ಒಣಕೂದಲಿನ ಸಮಸ್ಯೆಯಿಂದ ಬಳಲುತ್ತಿದ್ದವರು ಬಿಸಿ ನೀರಿನಲ್ಲಿ ತಲೆಗೆ ಸ್ನಾನ ಮಾಡಬಾರದು. ಬೆಚ್ಚಗಿನ ನೀರಿನಲ್ಲಿ ಮಾಡಬಹುದು. ಅತಿಯಾದ ಬಿಸಿ ನೀರು ಚರ್ಮವನ್ನು ಇನ್ನಷ್ಟು ಒಣಗಿಸಬಹುದು.

4. ಡ್ರೈಯರ್: ಕೂದಲು ಒಣಗಿಸಲು ಡ್ರೈಯರ್ ಉಪಯೋಗಿಸುವುದರಿಂದಲೂ ಕೂದಲಿ ತೊಂದರೆಗೆ ಒಳಗಾಗುತ್ತದೆ. ಇದರಿಂ ಕೂದಲಿನ ನೈಸರ್ಗಿಕ ಎಣ್ಣೆ ಅಂಶ ಕಳೆದುಹೋಗಿ ಕೂದಲು ಒಣಗಿ ತುರಿಕೆ ಉಂಟಾಗುತ್ತದೆ. ಅಷ್ಟೇ ಅಲ್ಲ, ಕೂದಲು ತುಂಡಾಗುವ ಸಮಸ್ಯೆಯೂ ಎದುರಾಗುತ್ತದೆ.

5. ಸೂರ್ಯನ ಕಿರಣ: ಹೊರಗೆ ಹೋಗುವಾಗ ಬಿಸಿಲಿದ್ದರೆ ತಲೆಯ ಮೇಲೆ ಬಟ್ಟೆಹಾಕಿಕೊಳ್ಳಿ ಅಥವಾ ಕೊಡೆಯನ್ನು ಉಪಯೋಗಿಸಿ. ಸೂರ್ಯನ ಕಿರಣಗಳು ಚರ್ಮ ಒಣಗುವಂತೆ ಮಾಡುತ್ತದೆ. ಬಟ್ಟೆ ಹಾಕಿಕೊಂಡರೆ ತಲೆಗೆ ರಕ್ಷಣೆ ಕೊಟ್ಟರೆ ಧೂಳು ಮತ್ತು ಪ್ರದೂಷಣೆಯಿಂದಲೂ ಕಾಪಾಡುತ್ತದೆ.

6. ಹೇನು: ಹೇನುಗಳಿದ್ದರೂ ತಲೆ ತುಂಬಾ ಕಡಿಯುತ್ತದೆ. ತುರಿಕೆ ಆರಂಭವಾಗಿ ಕೆಲವು ದಿನಗಳವರೆಗೂ ಅದು ನಿಲ್ಲದಿದ್ದರೆ ಹೇನನ್ನು ಸಂಪೂರ್ಣ ತೊಲಗಿಸಿಕೊಳ್ಳಬೇಕು.

7. ತಲೆಹೊಟ್ಟು: ತಲೆಯಲ್ಲಿ ಹೆಚ್ಚು ಹೊಟ್ಟು ತುಂಬಿಕೊಂಡಿದ್ದರೆ ತುರಿಕೆ ಉಂಟಾಗುತ್ತದೆ. ಇದಕ್ಕೆ ನಿಂಬೆರಸವನ್ನು ಲೇಪಿಸಿಕೊಂಡರೆ ಉತ್ತಮ ಪರಿಹಾರ.

8. ಆಲಿವ್ ಎಣ್ಣೆ: ಬೇವಿನ ಎಣ್ಣೆ ಜೊತೆ ಆಲಿವ್ ಎಣ್ಣೆಯನ್ನೋ ಅಥವಾ ಲ್ಯಾವೆಂಡರ್ ಎಣ್ಣೆಯನ್ನೋ ಬಳಸಿ ಮಸಾಜ್ ಮಾಡಿಕೊಂಡರೆ ಕೂದಲು ಮತ್ತು ತಲೆಯ ಚರ್ಮವನ್ನು ಪೋಷಿಸಿ ತುರಿಕೆ ಕಡಿಮೆ ಮಾಡುತ್ತದೆ.