ನಿಂಬೆಯಲ್ಲಿದೆ ಕೂದಲ ಆರೈಕೆಯ ಮಾಂತ್ರಿಕ ಶಕ್ತಿ

Hair Care

oi-Sumalatha N

By Sumalatha N

Published: Friday, September 9, 2011, 13:13 [IST]

ಒಂದಲ್ಲಾ ಒಂದು ಕಾರಣಕ್ಕೆ ಕೂದಲು ಉದುರುವುದು ಈಗ ಬಹುತೇಕರ ಸಮಸ್ಯೆ. ಆದರೆ ಅದನ್ನು ತಡೆಯುವುದು ಕೂಡ ನಮ್ಮ ಕೈಯ್ಯಲ್ಲೇ ಇದೆ. ಕೂದಲ ಪೋಷಣೆಗೆಂದು ಲಭ್ಯವಿರುವ ಅನೇಕ ನೈಸರ್ಗಿಕ ಪದಾರ್ಥಗಳಲ್ಲಿ ನಿಂಬೆ ಮೊದಲಿನದು. ಇದರಲ್ಲಿರುವ ವಿಟಮಿನ್ ಸಿ,ಎ,ಬಿ, ಫಾಸ್ಪರಸ್ ಕೂದಲಿನ ಬೆಳವಣಿಗೆಗೆ ಪೂರಕ.
ಕೂದಲಿನ ಪೋಷಣೆಗೆ ನಿಂಬೆರಸವನ್ನು ಹೇಗೆ ಬಳಸಬಹುದು?
1. ಒಂದು ಮೊಟ್ಟೆ, 5 ಚಮಚ ಗೋರಂಟಿ ಪುಡಿಯನ್ನು ಒಂದು ಕಪ್ ಬೆಚ್ಚಗಿನ ನೀರಿನಲ್ಲಿ ಬೆರೆಸಬೇಕು. ತಾಜಾ ಆಗಿರುವ ಅರ್ಧ ಹೋಳು ನಿಂಬೆರಸವನ್ನು ಇದಕ್ಕೆ ಹಿಂಡಿ ತಲೆಯ ಬುಡಕ್ಕೆ ಹಚ್ಚಿಕೊಂಡು 2 ಗಂಟೆ ಬಿಟ್ಟು ಸ್ವಲ್ಪ ಶಾಂಪೂವಿನಿಂದ ಕೂದಲನ್ನು ತೊಳೆದುಕೊಳ್ಳಬೇಕು. ಇದು ಕೂದಲ ಬೆಳವಣಿಗೆಗೆ ತುಂಬಾ ಉಪಯುಕ್ತ.

2. ಎಳನೀರು ಮತ್ತು ನಿಂಬೆರಸವನ್ನು ಸಮಪ್ರಮಾಣದಲ್ಲಿ ತೆಗೆದುಕೊಂಡು ಕೂದಲಿನ ಬುಡಕ್ಕೆ ಹಚ್ಚಿಕೊಳ್ಳಬೇಕು. ಅರ್ಧ ಗಂಟೆ ಬಿಟ್ಟು ಚೆನ್ನಾಗಿ ಸ್ನಾನ ಮಾಡಿದರೆ ಕೂದಲುದುರುವಿಕೆ ಕ್ರಮೇಣ ಕಡಿಮೆಯಾಗುತ್ತದೆ.

3. ಪಾತ್ರೆಯಲ್ಲಿ ನೀರನ್ನು ಒಲೆಯ ಮೇಲಿಟ್ಟು, ನಿಂಬೆ ಹೋಳುಗಳನ್ನು ಅದರಲ್ಲಿರಿಸಿ ಅರ್ಧ ನೀರು ಆವಿಯಾಗುವವರೆಗೂ ( ಸುಮಾರು 15 ನಿಮಿಷ) ಕಾಯಿಸಿ ನಂತರ ನಿಮಗೆ ಬೇಕಾದ ಎಣ್ಣೆಯನ್ನು ಬೆರೆಸಿ ಇಟ್ಟುಕೊಂಡು ವಾರಕ್ಕೊಮ್ಮೆ ಹಚ್ಚಿಕೊಂಡರೆ ಕೂದಲು ಬೆಳೆಯುವುದಲ್ಲದೆ ರೇಷ್ಮೆಯಂತೆ ಹೊಳಪೂ ಬರುತ್ತದೆ.

4. ವಾರಕ್ಕೊಮ್ಮೆ ಕೊಬ್ಬರಿ ಎಣ್ಣೆಯೊಂದಿಗೆ ಸ್ವಲ್ಪ ನಿಂಬೆರಸ ಬೆರೆಸಿ ಹಚ್ಚಿಕೊಂಡು 2 ಗಂಟೆ ಬಿಟ್ಟು ಸ್ನಾನ ಮಾಡುವುದರಿಂದ ತಲೆಹೊಟ್ಟು ಸಮಸ್ಯೆಯೂ ದೂರವಾಗುತ್ತದೆ.