ಹೆಲ್ಮೆಟ್ ಕೂದಲುದುರುವಿಕೆಗೆ ಕಾರಣ ಆಗುತ್ತಾ?

ಹಾಗೆಂದು ಕೂದಲುದುರುವಿಕೆಗೆ ಹೆಲ್ಮೆಟ್ ಮಾತ್ರ ಕಾರಣ ಎನ್ನಲಾಗುವುದಿಲ್ಲ. ಅದಕ್ಕೆ ಹಲವು ಅಂಶಗಳೂ ಗಣನೆಗೆ ಬರಬಹುದು.

ಕೂದಲುದುರುವಿಕೆಗೆ ಕಾರಣ: * ಅತಿಯಾದ ಒತ್ತಡ * ಕೂದಲನ್ನು ಪೋಷಿಸಲು ಸಮಯದ ಅಭಾವ * ತಲೆಹೊಟ್ಟು

ಹೆಲ್ಮೆಟ್ ಮತ್ತು ಕೂದಲುದುರುವಿಕೆ: ಹೆಲ್ಮೆಟ್ ಗೂ ಕೂದಲುದುರುವಿಕೆಗೂ ಸಂಬಂಧವಿಲ್ಲ. ಆದರೆ ಅದನ್ನು ಧರಿಸುವ ಕೆಲವು ಲಕ್ಷಣಗಳಿಂದ ಕೂದಲು ಉದುರುವ ಸಾಧ್ಯತೆಗಳನ್ನೂ ತಳ್ಳಿಹಾಕುವಂತಿಲ್ಲ. ಕೂದಲು ನಿಶ್ಯಕ್ತಗೊಳ್ಳಲು ಹೆಲ್ಮೆಟ್ ಹೇಗೆ ಕಾರಣವಾಗುತ್ತದೆ ಎಂದು ತಿಳಿದುಕೊಳ್ಳಿ.

* ಗಾಳಿಯನ್ನು ತಡೆಯುತ್ತದೆ: ನಿಮ್ಮ ತ್ವಚೆಯಂತೆ ಕೂದಲಿಗೂ ಸಹ ಗಾಳಿ ಅವಶ್ಯಕತೆಯಿದೆ. ಆದರೆ ಹೆಲ್ಮೆಟ್ ಧರಿಸುವುದರಿಂದ ಕೂದಲಿಗೆ ಗಾಳಿ ಹೋಗುವುದನ್ನು ತಡೆಯುತ್ತದೆ.

* ಬೆವರುವಿಕೆ: ಹೆಲ್ಮೆಟ್ ಒಳಗೆ ಗಾಳಿ ಪ್ರವೇಶಿಸಲು ಸಾಧ್ಯವಾಗದೆ ತಲೆಯಲ್ಲಿ ಬೆವರು ತುಂಬಿಕೊಂಡು ಕೂದಲ ಬುಡವನ್ನು ನಿಶ್ಯಕ್ತಿಗೊಳಿಸಿ ಉದುರುವಂತೆ ಮಾಡುತ್ತದೆ.

* ತಲೆಹೊಟ್ಟು: ಪುರುಷರಲ್ಲಿ ತಲೆಹೊಟ್ಟು ಸಾಮಾನ್ಯ ಸಮಸ್ಯೆ. ಅದರಲ್ಲೂ ಹೆಲ್ಮೆಟ್ ಧರಿಸುವುದರಿಂದ ತಲೆಹೊಟ್ಟು ಹೆಚ್ಚಾಗಬಹುದು.

ಇದಕ್ಕೆ ಪರಿಹಾರ:

* ಕೂದಲುದುರುವಿಕೆಗೆ ಹೆಲ್ಮೆಟ್ ಪರೋಕ್ಷ ಕಾರಣಗಳಲ್ಲೊಂದಾದರೂ ಹೆಲ್ಮೆಟ್ ಜೀವರಕ್ಷಣೆಗೆ ಅತ್ಯವಶ್ಯಕ. ಹೆಲ್ಮೆಟ್ ಇಲ್ಲದಿದ್ದರೆ ಪ್ರಾಣಕ್ಕೇ ಎರವಾಗಬಹುದು. ಆದ್ದರಿಂದ ಹೆಲ್ಮೆಟ್ ಹೊರತಾಗಿ ವಾಹನ ಚಾಲನೆ ಮಾಡುವುದನ್ನು ನಿಲ್ಲಿಸಿಬಿಡಿ.

* ಕೂದಲನ್ನು ಶುದ್ಧವಾಗಿ ಇಟ್ಟುಕೊಳ್ಳಿ. ಇದರಿಂದ ತಲೆಹೊಟ್ಟು ಬರುವುದನ್ನು ತಡೆಯಬಹುದು.

* ಒಳ್ಳೆಯ ಶಾಂಪೂ ಆಯ್ಕೆ ನಿಮ್ಮದಾಗಲಿ. ತಲೆಯನ್ನು ಮೃದು ಬಟ್ಟೆಯಲ್ಲಿ ಒಣಗಿಸಿ ನಂತರ ಬಾಚಿಕೊಳ್ಳಿ.

* ಹೆಲ್ಮೆಟ್ ಧರಿಸುವ ಮುನ್ನ ತಲೆಗೆ ಬಟ್ಟೆ ಸುತ್ತಿಕೊಂಡು ನಂತರ ಹೆಲ್ಮೆಟ್ ಧರಿಸಿರಿ.

* ತುಂಬಾ ದೂರ ಪ್ರಯಾಣ ಮಾಡಬೇಕೆಂದಿದ್ದರೆ ಅಲ್ಲಲ್ಲಿ ವಾಹನವನ್ನು ನಿಲ್ಲಿಸಿ ಹೆಲ್ಮೆಟ್ ಬಿಚ್ಚಿ ಗಾಳಿಗೆ ತಲೆಯೊಡ್ಡಿ ನಂತರ ಧರಿಸಿಕೊಂಡು ಮುಂದುವರೆಯಿರಿ.

ಈ ಸಲಹೆಗಳನ್ನು ಪಾಲಿಸಿದರೆ ಹೆಲ್ಮೆಟ್ ಧರಿಸಿಯೂ ನಿಮ್ಮ ಕೂದಲನ್ನು ಕಾಪಾಡಿಕೊಳ್ಳುವುದು ಸಾಧ್ಯ. ಪ್ರಾಣ ಉಳಿಸುವ ಹೆಲ್ಮೆಟ್ ಮೇಲೆ ದೋಷಾರೋಪ ಮಾಡದೆ ನಿಮ್ಮ ಕೂದಲನ್ನು ಸಂರಕ್ಷಿಸಿಕೊಳ್ಳುವುದು ನಿಮ್ಮ ಕೈಯ್ಯಲ್ಲೇ ಇದೆ.