ನಿಮ್ಮ ಮುಖ ಮತ್ತು ಕೂದಲಿನ ಆರೈಕೆಗೆ ಈ ಒಂದು ವಸ್ತು ಸೇರಿಸಿ, ಮ್ಯಾಜಿಕ್ ನೋಡಿ

1. ಪಾಲಕ್- ಜೇನುತುಪ್ಪ ಫೇಸ್ ಮಾಸ್ಕ್:

ಬೇಕಾಗುವ ಪದಾರ್ಥ:

ಒಂದು ಕಪ್ ಸಣ್ಣದಾಗಿ ಕೊಚ್ಚಿದ ಪಾಲಕ್, ಒಂದು ಚಮಚ ಜೇನುತುಪ್ಪ, ಒಂದು ಚಮಚ ಆಲಿವ್ ಎಣ್ಣೆ, ಒಂದು ಚಮಚ ನಿಂಬೆ ರಸ

ಬಳಸುವ ವಿಧಾನ:

ಪಾಲಕ್ ಸೊಪ್ಪನ್ನು ತೊಳೆದು ಮಿಕ್ಸಿಯಲ್ಲಿ ನುಣ್ಣಗೆ ರುಬ್ಬಿಕೊಳ್ಳಿ. ಇದಕ್ಕೆ ಉಳಿದ ಪದಾರ್ಥಗಳನ್ನು ಮಿಶ್ರಣ ಮಾಡಿ ಮುಖಕ್ಕೆ ಹಚ್ಚಿ 15-20 ನಿಮಿಷಗಳ ನಂತರ ತೊಳೆಯಿರಿ. ಹತ್ತಿ ಬಟ್ಟೆಯಿಂದ ಮುಖ ಒರೆಸಿದ ನಂತರ ಮಾಯಿಶ್ಚರೈಸರ್ ಹಚ್ಚಿ. ಇದರಿಂದ ಚರ್ಮವು ಹೊಳೆಯುತ್ತದೆ.

2. ಮೊಸರು- ಪಾಲಕ್ ಫೇಸ್ ಮಾಸ್ಕ್:

ಬೇಕಾಗುವ ಪದಾರ್ಥ:

4-5 ಪಾಲಕ್ ಎಲೆಗಳು, 2-3 ಟೇಬಲ್ಸ್ಪೂನ್ ಮೊಸರು

ಬಳಸುವ ವಿಧಾನ:

ಪಾಲಕ್ ಸೊಪ್ಪನ್ನು ಚೆನ್ನಾಗಿ ತೊಳೆದು ಮಿಕ್ಸಿಯಲ್ಲಿ ಮೊಸರಿನೊಂದಿಗೆ ರುಬ್ಬಿಕೊಳ್ಳಿ. ಈ ಪೇಸ್ಟ್ ಅನ್ನು ಮುಖಕ್ಕೆ ಅನ್ವಯಿಸಿ ಮತ್ತು 10-15 ನಿಮಿಷಗಳ ನಂತರ ನೀರಿನಿಂದ ತೊಳೆಯಿರಿ. ವಾರದಲ್ಲಿ ಎರಡು ಬಾರಿ ಈ ಫೇಸ್ ಮಾಸ್ಕ್ ಅನ್ನು ಮುಖಕ್ಕೆ ಹಚ್ಚಿದರೆ ಕೆಲವೇ ದಿನಗಳಲ್ಲಿ ತ್ವಚೆಯ ಮೇಲೆ ಹೊಳಪು ಕಾಣಿಸಿಕೊಳ್ಳುತ್ತದೆ.

3. ಪಾಲಕ್- ಕಡಲೆ ಹಿಟ್ಟಿನ ಫೇಸ್ ಮಾಸ್ಕ್:

ಬೇಕಾಗುವ ಪದಾರ್ಥ:

10-15 ಪಾಲಕ್ ಎಲೆಗಳು, 1-2 ಚಮಚ ಕಡಲೆ ಹಿಟ್ಟು, 2-3 ಚಮಚ ಹಾಲು, 1 ಚಮಚ ಜೇನುತುಪ್ಪ

ಬಳಸುವ ವಿಧಾನ:

ಪಾಲಕ್ ಸೊಪ್ಪನ್ನು ಚೆನ್ನಾಗಿ ತೊಳೆದ ನಂತರ ಮಿಕ್ಸಿಯಲ್ಲಿ ರುಬ್ಬಿಕೊಳ್ಳಿ. ತಯಾರಿಸಿದ ಈ ಪೇಸ್ಟ್‌ಗೆ ಹಾಲು, ಜೇನುತುಪ್ಪ, ಕಡಲೆ ಹಿಟ್ಟನ್ನು ಬೆರೆಸಿ ಮುಖಕ್ಕೆ ಹಚ್ಚಿ 15-20 ನಿಮಿಷಗಳ ನಂತರ ಉಗುರು ಬೆಚ್ಚಗಿನ ನೀರಿನಿಂದ ತೊಳೆಯಿರಿ. ಹೊಳೆಯುವ ತ್ವಚೆಗಾಗಿ ವಾರದಲ್ಲಿ ಎರಡು ಬಾರಿ ಈ ಪ್ಯಾಕ್ ಅನ್ನು ಮುಖಕ್ಕೆ ಹಚ್ಚಿಕೊಳ್ಳಿ.

4. ಪಾಲಕ್ ತೆಂಗಿನ ಎಣ್ಣೆ ಹೇರ್ ಮಾಸ್ಕ್;

ಬೇಕಾಗುವ ಪದಾರ್ಥ:

ಒಂದು ಕಪ್ ಪಾಲಕ್, 2 ಚಮಚ ತೆಂಗಿನ ಎಣ್ಣೆ, ಒಂದು ಚಮಚ ಜೇನುತುಪ್ಪ

ಬಳಸುವ ವಿಧಾನ:

ಪಾಲಕ್ ಸೊಪ್ಪನ್ನು ತೊಳೆದ ನಂತರ ಮಿಕ್ಸಿಯಲ್ಲಿ ರುಬ್ಬಿಕೊಳ್ಳಿ. ಇದಕ್ಕೆ ಜೇನುತುಪ್ಪ ಮತ್ತು ತೆಂಗಿನೆಣ್ಣೆ ಬೆರೆಸಿ ನೆತ್ತಿ ಮತ್ತು ಕೂದಲಿಗೆ ಹಚ್ಚಿ. ಅರ್ಧ ಗಂಟೆಯ ನಂತರ ಸೌಮ್ಯವಾದ ಶಾಂಪೂ ಬಳಸಿ ತೊಳೆಯಿರಿ. ವಾರಕ್ಕೊಮ್ಮೆ ಈ ಮಾಸ್ಕ್ ಬಳಸಿ.