ಗಲ್ಲ ಹಾಗೂ ಸ್ತನಗಳಲ್ಲಿರುವ ಕೂದಲನ್ನು ಶಾಶ್ವತವಾಗಿ ತೆಗೆಯುವುದು ಹೇಗೆ?

1 . ನಿಂಬೆ, ಸಕ್ಕರೆ, ಕೇನು ವ್ಯಾಕ್ಸ್

ಚಮಚ ನಿಂಬೆರಸ, 1 ಚಮಚ ಸಕ್ಕರೆ, 1 ಚಮಚ ಜೇನು ಇವುಗಳನ್ನು ಬಿಸಿ ಮಾಡಿ ಕೋಣೆಯ ಉಷ್ಣತೆಗೆ ತಣ್ಣಗಾಗಲು ಬಿಡಿ. ನಂತರ ವ್ಯಾಕ್ಸಿಂಗ್‌ ಸ್ಟ್ರಿಪ್ಸ್‌ನಿಂದ ತೆಗೆಯಿರಿ.

2. ಪಪ್ಪಾಯಿ ಮತ್ತು ಅರಿಶಿಣ ಪುಡಿ

ಬೇಡದ ಕೂದಲನ್ನು ತೆಗೆಯಲು ಅರಿಶಿಣವನ್ನು ಮನೆಮದ್ದಾಗಿ ಬಳಸಲಾಗುವುದು, ಇದರ ಜೊತೆಗೆ ಪಪ್ಪಾಯಿ ಸೇರಿಸಿ ಗಲ್ಲ ಹಾಗೂ ಸ್ತನಗಳಲ್ಲಿ ಬೆಳೆದಿರುವ ಕೂದಲನ್ನು ತೆಗೆಯಬಹುದು.

ಬಳಕೆಯ ವಿಧಾನ:

• ಒಂದು ಬೌಲ್‌ಗೆ ಮ್ಯಾಶ್‌ ಮಾಡಿದ ಪಪ್ಪಾಯಿ ಹಾಕಿ, ಅದಕ್ಕೆ ಅರಿಶಿಣ ಪುಡಿ ಹಾಕಿ ಮಿಶ್ರ ಮಾಡಿ.
• ಈ ಮಿಶ್ರಣವನ್ನು ಗಲ್ಲ ಹಾಗೂ ಸ್ತನದ ಭಾಗದಲ್ಲಿ ಹಚ್ಚಿ ಮಸಾಜ್ ಮಾಡಿ.
• ಈ ರೀತಿ ವಾರದಲ್ಲಿ 3-4 ಬಾರಿ ಮಾಡಿ
• ಹೀಗೆ ಕೆಲ ವಾರಗಳ ಕಾಲ ಮಾಡಿದರೆ ಕೂದಲು ಕಡಿಮೆಯಾಗುವುದು, ಕ್ರಮೇಣ ಬೇಡದ ಕೂದಲಿನ ಸಮಸ್ಯೆಯಿಂದ ಮುಕ್ತಿ ಪಡೆಯಬಹುದು.



3. ಮೊಟ್ಟೆಯ ಬಿಳಿ, ಕಡಲೆ ಹಿಟ್ಟು ಮತ್ತು ಸಕ್ಕರೆ

ಈ ಅಂಟಿನ ಮಿಶ್ರಣ ಕೂಡ ಬೇಡದ ಕೂದಲನ್ನು ತೆಗೆಯುವಲ್ಲಿ ತುಂಬಾ ಸಹಕಾರಿ.

ಬಳಸುವುದು ಹೇಗೆ?

ಒಂದು ಮೊಟ್ಟೆಯ ಬಿಳಿ

1 ಚಮಚ ಸಕ್ಕರೆ

ಅರ್ಧ ಚಮಚ ಜೋಳದ ಹಿಟ್ಟು

• ಮೊಟ್ಟೆಯ ಬಿಳಿಯನ್ನು ಬೌಲ್‌ಗೆ ಹಾಕಿ, ಅದಕ್ಕೆ ಸಕ್ಕರೆ ಹಾಗೂ ಜೋಳದ ಹಿಟ್ಟು ಹಾಕಿ ಪೇಸ್ಟ್ ಮಾಡಿ.
• ಈಗ ಕೂದಲಿರುವ ಜಾಗಕ್ಕೆ ಹಚ್ಚಿ
• ಪೇಸ್ಟ್ ಗಟ್ಟಿಯಾದ ಬಳಿಕ ಕೂದಲು ಬೆಳೆದ ವಿರುದ್ಧ ದಿಕ್ಕಿಗೆ ಎಳೆಯಿರಿ, ಸ್ವಲ್ಪ ನೋವಾದರೂ ಬೇಡದ ಕೂದಲಿನಿಂದ ಮುಕ್ತಿ ಪಡೆಯಬಹುದು.



4. ಅರಿಶಿಣ ಮತ್ತು ಕಡಲೆಹಿಟ್ಟು

ಅರಿಶಿಣ ಹಾಗೂ ಕಡಲೆ ಹಿಟ್ಟು ಕೂಡ ಬೇಡದ ಕೂದಲನ್ನು ತೆಗೆದು ಹಾಕುವಲ್ಲಿ ಸಹಕಾರಿ.

ಬಳಸುವುದು ಹೇಗೆ?

ಒಂದು ಬೌಲ್‌ಗೆ ಅರಿಶಿಣ, ಕಡಲೆ ಹಿಟ್ಟು ಹಾಕಿ ಅದು ಕಲೆಸಲು ಸಾಸಿವೆ ಎಣ್ಣೆ ಹಾಕಿ ಮಿಶ್ರ ಮಾಡಿ ಅದನ್ನು ಸ್ತನದ ಕೂದಲಿರುವ ಭಾಗಕ್ಕೆ ಹಾಗೂ ಗಲ್ಲಕ್ಕೆ ಹಚ್ಚಿ ಮಸಾಜ್ ಮಾಡಿ. ಪ್ರತಿದಿನ ಈ ರೀತಿ ಮಾಡಿದರೆ ವಾರದೊಳಗೆ ಉತ್ತಮ ಫಲಿತಾಂಶ ನಿಮಗೆ ಗೋಚರವಾಗುತ್ತದೆ.



5. ಜೇನು ಮತ್ತು ನಿಂಬೆರಸ

ಬೇಡದ ಕೂದಲನ್ನು ತೆಗೆಯುವಲ್ಲಿ ಜೇನು ಹಾಗೂ ನಿಂಬೆರಸ ಕೂಡ ಪರಿಣಾಮಕಾರಿಯಾದ ಮನೆಮದ್ದಾಗಿದೆ. ಈ ವಿಧಾನದಲ್ಲಿ ನೀವು ಮಾಡಬೇಕಾಗಿರುವುದು

1 ಚಮಚ ಜೇನು ಹಾಗೂ ಅರ್ಧ ಚಮಚ ನಿಂಬೆರಸವನ್ನು ಒಂದು ಬೌಲ್‌ಗೆ ಹಾಕಿ ಮಿಶ್ರ ಮಾಡಿ. ಈಗ ಈ ಮಿಶ್ರಣವನ್ನು ಬೇಡದ ಕೂದಲಿರುವ ಭಾಗಕ್ಕೆ ಹಚ್ಚಿ 20 ನಿಮಿಷ ಬಿಡಿ, ನಂತರ ಒಂದು ಕಾಟನ್ ಬಟ್ಟೆಯನ್ನು ಬಿಸಿ ನೀರಿನಲ್ಲಿ ಅದ್ದಿ, ಹಿಂಡಿ ಒರೆಸಿ, ನಂತರ ತಣ್ಣೀರಿನಿಂದ ತೊಳೆಯಿರಿ. ಈ ರೀತಿ ಮಾಡುವುದರಿಂದಲೂ ಬೇಡದ ಕೂದಲು ಇಲ್ಲವಾಗುವುದು.



6. ಅರಿಶಿಣ ಮತ್ತು ಹಾಲು

ಹಾಲಿನಲ್ಲಿರುವ ಲ್ಯಾಕ್ಟಿಕ್ ಆಮ್ಲ ತ್ವಚೆಯನ್ನು ಎಕ್ಸ್‌ಫೋಲೆಟ್‌ ಮಾಡುವಲ್ಲಿ ತುಂಬಾ ಸಹಕಾರಿ.

ಅರಿಶಿಣವನ್ನು ಹಾಲಿನ ಜೊತೆ ಮಿಶ್ರ ಮಾಡಿ ಬೇಡದ ಕೂದಲಿರುವ ಜಾಗಕ್ಕೆ ಹಚ್ಚಿ, ಒಣಗಿದ ಮೇಲೆ ತೊಳೆಯಿರಿ. ಈ ರೀತಿ ಪ್ರತಿದಿನ ಮಾಡುತ್ತಿದ್ದರೆ 2-3 ವಾರಗಳಲ್ಲಿ ಆ ಕೂಲುಗಳು ಉದುರಿ ಹೋಗುತ್ತವೆ.