ಕಳೆಗುಂದಿರುವ ಕಣ್ಣುಗಳ ಕಾಂತಿಯನ್ನು ಮರಳಿ ಪಡೆಯಲು ಇಲ್ಲಿವೆ ನೈಸರ್ಗಿಕ ಪರಿಹಾರಗಳು

1. ರೋಸ್ ವಾಟರ್ ಮತ್ತು ಸೌತೆಕಾಯಿ :

ಇದಕ್ಕಾಗಿ ಸೌತೆಕಾಯಿಯನ್ನು ನುಣ್ಣಗೆ ಕತ್ತರಿಸಿ, ಅದಕ್ಕೆ ಒಂದು ಚಮಚ ರೋಸ್ ವಾಟರ್‌ ಸೇರಿಸಿ, ಮಿಶ್ರಣ ಮಾಡಿ. ನಂತರ ಹತ್ತಿ ಪ್ಯಾಡ್ ತೆಗದುಕೊಂಡು, ಅದರಲ್ಲಿ ಅದ್ದಿ, 10 ನಿಮಿಷಗಳ ಕಾಲ ನಿಮ್ಮ ಕಣ್ಣುಗಳ ಮೇಲೆ ಇಟ್ಟು, ನಂತರ ತೊಳೆಯಿರಿ.

ಹೇಗೆ ಸಹಕಾರಿ?:

ಸೌತೆಕಾಯಿಯು ಚರ್ಮವನ್ನು ಹೈಡ್ರೀಕರಿಸುವಲ್ಲಿ ಸಹಾಯ ಮಾಡಿದರೆ, ರೋಸ್ ವಾಟರ್ ಚರ್ಮವನ್ನು ಟೋನ್ ಮಾಡಲು ಸಹಾಯ ಮಾಡುತ್ತದೆ. ಇದು ನಿಮ್ಮ ಕಣ್ಣುಗಳಿಗೆ ನವಚೈತನ್ಯ ಮತ್ತು ಉಲ್ಲಾಸವನ್ನು ನೀಡುತ್ತದೆ.

2. ಕಾಫಿ ಮತ್ತು ಜೇನುತುಪ್ಪ:

ಒಂದು ಚಮಚ ಗ್ರೌಂಡ್ ಕಾಫಿಗೆ ಒಂದು ಚಮಚ ಜೇನುತುಪ್ಪ ಮತ್ತು ಕೆಲವು ಹನಿ ವಿಟಮಿನ್ ಇ ಎಣ್ಣೆಯನ್ನು ಸೇರಿಸಿ, ಮಿಶ್ರಣ ಮಾಡಿ. ಈ ಪೇಸ್ಟ್ ಅನ್ನು ನಿಮ್ಮ ಕಣ್ಣುಗಳ ಕೆಳಗೆ ಹಚ್ಚಿ, 15 ನಿಮಿಷಗಳ ನಂತರ ತೊಳೆಯಿರಿ.

ಹೇಗೆ ಸಹಕಾರಿ?:

ಕಾಫಿಯಲ್ಲಿ ನೈಸರ್ಗಿಕ ಬ್ಲೀಚಿಂಗ್ ಏಜೆಂಟ್‌ಗಳಿವೆ, ಇದು ನಿಮ್ಮ ಕಣ್ಣುಗಳ ಕೆಳಗಿನ ಕಪ್ಪು ಬಣ್ಣವನ್ನು ಹಗುರಗೊಳಿಸಲು ಸಹಾಯ ಮಾಡುತ್ತದೆ. ಮತ್ತೊಂದೆಡೆ, ಜೇನುತುಪ್ಪವು ಕಣ್ಣಿನ ಪ್ರದೇಶವನ್ನು ತೇವಾಂಶಭರಿತವಾಗಿಸಿ, ಕಾಂತಿ ನೀಡುತ್ತದೆ.

3. ಟೀ ಬ್ಯಾಗ್‌ಗಳು:

ಇದು ಬಹಳ ಸುಲಭ ಹಾಗೂ ಪರಿಸರ ಸ್ನೇಹಿ ಕೂಡ. ಎರಡು ಬಳಸಿದ ಟೀ ಬ್ಯಾಗ್‌ಗಳನ್ನು 10 ನಿಮಿಷಗಳ ಕಾಲ ರೆಫ್ರಿಜರೇಟರ್‌ನಲ್ಲಿ ಇಡಿ. ನಂತರ ಇದನ್ನು ನಿಮ್ಮ ಕಣ್ಣುಗಳ ಮೇಲೆ 15-20 ನಿಮಿಷಗಳ ಕಾಲ ಇಟ್ಟು, ತದನಂತರ ಕಣ್ಣುಗಳನ್ನು ತೊಳೆಯಿರಿ.

ಹೇಗೆ ಸಹಕಾರಿ?:

ಚಹಾದಲ್ಲಿರುವ ಕೆಫೀನ್ ಮತ್ತು ಉತ್ಕರ್ಷಣ ನಿರೋಧಕಗಳು ಕಣ್ಣುಗಳ ಫಫಿನೆಸ್‌ ನ್ನು ಕಡಿಮೆ ಮಾಡುತ್ತದೆ, ಜೊತೆಗೆ ಅವುಗಳ ಹೊಳಪನ್ನು ಮರಳಿ ತರುತ್ತದೆ.

4. ಜೇನುತುಪ್ಪ ಮತ್ತು ಬಾದಾಮಿ ಎಣ್ಣೆ:

ಕಣ್ಣುಗಳಡಿ ಬಂದಿರುವ ಡಾರ್ಕ್‌ಸರ್ಕಲ್‌ಗಳನ್ನು ಹೋಗಲಾಡಿಸಲು ಇದು ಬಹಳ ಪ್ರಯೋಜನಕಾರಿ. ಇದಕ್ಕಾಗಿ 1 ಚಮಚ ಬಾದಾಮಿ ಎಣ್ಣೆ ಮತ್ತು ಜೇನುತುಪ್ಪವನ್ನು ಮಿಶ್ರಣ ಮಾಡಿ, ಅದನ್ನು ನಿಮ್ಮ ಕಣ್ಣುಗಳು ಮತ್ತು ಸುತ್ತಮುತ್ತಲಿನ ಪ್ರದೇಶಗಳಿಗೆ ಹಚ್ಚಿ, 15-20 ನಿಮಿಷಗಳ ಕಾಲ ಬಿಟ್ಟು ತೊಳೆಯಿರಿ.

ಹೇಗೆ ಸಹಕಾರಿ:

ಬಾದಾಮಿ ಎಣ್ಣೆ ಮತ್ತು ಜೇನುತುಪ್ಪವು ಹೈಡ್ರೇಟಿಂಗ್ ಗುಣಲಕ್ಷಣಗಳಿಗೆ ಹೆಸರುವಾಸಿಯಾಗಿದ್ದು, ಕಪ್ಪು ವಲಯಗಳ ನೋಟವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

5. ಕಾಫಿ ಮತ್ತು ತೆಂಗಿನ ಎಣ್ಣೆ:

ಒಂದು ಚಮಚ ಕಾಫಿ ಪುಡಿಯನ್ನು ತೆಗೆದುಕೊಂಡು ಅದನ್ನು ತೆಂಗಿನ ಎಣ್ಣೆ ಮತ್ತು ಅರ್ಧ ಚಮಚ ಕರಿಮೆಣಸಿನ ಪುಡಿಯೊಂದಿಗೆ ಬೆರೆಸಿ. ಕೆಲವು ಹನಿ ನೀರನ್ನು ಸೇರಿಸಬಹುದು. ಈ ಪೇಸ್ಟ್ ಅನ್ನು ನಿಮ್ಮ ಕಣ್ಣಿನ ಕೆಳಗೆ ಹಚ್ಚಿ, 15 ನಿಮಿಷಗಳ ಕಾಲ ಬಿಡಿ ಮತ್ತು ನಂತರ ತಣ್ಣೀರಿನಿಂದ ತೊಳೆಯಿರಿ.

ಹೇಗೆ ಸಹಕಾರಿ?:

ತೆಂಗಿನ ಎಣ್ಣೆಯೊಂದಿಗೆ ಬೆರೆಸಿದ ಕಾಫಿಯು ಕಣ್ಣುಗಳ ಕೆಳಗಿನ ಚರ್ಮವನ್ನು ಕಾಂತಿಯುಗೊಳಿಸಲು, ಬಿಗಿಗೊಳಿಸಲು ಮತ್ತು ಮೃದುಗೊಳಿಸಲು ಸಹಾಯ ಮಾಡುತ್ತದೆ .