ಉಗುರಿನ ಅಂದ ಹೆಚ್ಚಿಸಲು ಒಂದಿಷ್ಟು ನೈಸರ್ಗಿಕ ಟಿಪ್ಸ್

ಲಿಂಬೆ ಮತ್ತು ಅಡುಗೆ ಸೋಡಾ

ಲಿಂಬೆರಸದಲ್ಲಿರುವ ಬ್ಯಾಕ್ಟೀರಿಯಾ ನಿವಾರಕ ಮತ್ತು ಪ್ರತಿಜೀವಕ ಗುಣಗಳು ಮತ್ತು ಬಿಳಿಚಿಸುವ ಗುಣ ಹಳದಿ ಬಣ್ಣವನ್ನು ನಿವಾರಿಸಲು ಸಮರ್ಥವಾಗಿದೆ. ಅಡುಗೆಸೋಡಾದಲ್ಲಿರುವ ಸತ್ತ ಜೀವಕೋಶಗಳನ್ನು ನಿವಾರಿಸುವ ಗುಣ (exfoliation) ಉಗುರುಗಳ ಆರೋಗ್ಯ ಹೆಚ್ಚಿಸಲು ಸಮರ್ಥವಾಗಿದೆ. ಇವೆರಡರ ಮಿಶ್ರಣ ಉಗುರಿನ ಹಳದಿಬಣ್ಣವನ್ನು ನಿವಾರಿಸಲು ಉತ್ತಮ ಆಯ್ಕೆಯಾಗಿದೆ.

ವಿಧಾನ

*ಒಂದು ಚಿಕ್ಕ ಬೋಗುಣಿಯಲ್ಲಿ ಕೊಂಚ ಲಿಂಬೆ ರಸವನ್ನು ಸಂಗ್ರಹಿಸಿ ಇದಕ್ಕೆ ಕೊಂಚ ಅಡುಗೆ ಸೋಡಾ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ.

*ಈ ಮಿಶ್ರಣವನ್ನು ಉಗುರುಗಳ ಮೇಲೆ ತೆಳ್ಳಗೆ ಹಚ್ಚಿ ಸುಮಾರು ಹತ್ತರಿಂದ ಹದಿನೈದು ನಿಮಿಷ ಒಣಗಲು ಬಿಡಿ. ಬಳಿಕ ಉಗುರುಬೆಚ್ಚನೆಯ ನೀರಿನಿಂದ ತೊಳೆದುಕೊಳ್ಳಿ.

*ಬಳಿಕ ನಿಮ್ಮ ನೆಚ್ಚಿನ ತೇವಕಾರಕ ಅಥವಾ ಮಾಯಿಶ್ಚರೈಸರ್ ಉಗುರು ಮತ್ತು ಇಡಿಯ ಹಸ್ತಕ್ಕೆ ಹಚ್ಚಿಕೊಳ್ಳಿ. ಉತ್ತಮ ಪರಿಣಾಮಕ್ಕಾಗಿ ದಿನಕ್ಕೆ ಎರಡು ಬಾರಿ ಈ ವಿಧಾನವನ್ನು ಅನುಸರಿಸಿ.

ಹಲ್ಲುಜ್ಜುವ ಪೇಸ್ಟ್

ಈ ಪೇಸ್ಟ್ ನಲ್ಲಿ ಹೈಡ್ರೋಜನ್ ಪೆರಾಕ್ಸೈಡ್ ಎಂಬ ರಾಸಾಯನಿಕವಿದೆ. ಇದು ಹಲ್ಲುಗಳಿಗೆ ಬಿಳುಪು ನೀಡುವ ಕೆಲಸ ಮಾಡುತ್ತದೆ. ಈ ಗುಣ ಉಗುರಿನ ಹಳದಿತನವನ್ನೂ ನಿವಾರಿಸಲು ನೆರವಾಗುತ್ತದೆ. ಆದರೆ ಇದು ಪ್ರಬಲವಾಗಿರಬಾರದು. ಇದರ ಪ್ರಮಾಣ 3%ಕ್ಕಿಂತ ಹೆಚ್ಚಿರಬಾರದು ಎಂಬುದನ್ನು ಖಚಿತಪಡಿಸಿಕೊಳ್ಳಿ.

ವಿಧಾನ

*ಈ ಪೇಸ್ಟ್ ನಲ್ಲಿರುವ ರಾಸಾಯನಿಕ ಸುರಕ್ಷಿತ ಎಂದು ಪರೀಕ್ಷಿಸಿಕೊಂಡ ಬಳಿಕ ಇದನ್ನು ತೆಳ್ಳಗೆ ಹಚ್ಚಿ ಸುಮಾರು ಹತ್ತರಿಂದ ಹದಿನೈದು ನಿಮಿಷಗಳ ಕಾಲ ಒಣಗಲು ಬಿಡಿ

*ಬಳಿಕ ಸೌಮ್ಯವಾದ ಬ್ರಶ್ ಉಪಯೋಗಿಸಿ ಈ ಲೇಪನವನ್ನು ಕೆರೆದು ಸಡಿಲಗೊಳಿಸಿ.

*ಒಂದು ಹತ್ತಿಯುಂಡೆಯನ್ನು ಉಗುರುಬೆಚ್ಚನೆಯ ನೀರಿನಲ್ಲಿ ಮುಳುಗಿಸಿ ಸಡಿಲವಾಗಿದ್ದ ಲೇಪನವನ್ನು ನಿವಾರಿಸಿ.

*ಬಳಿಕ ಹೀಗೇ ಕೈಗಳು ಒಣಗಿರುವಂತೆ ನೋಡಿಕೊಳ್ಳಿ. ಈ ವಿಧಾನವನ್ನು ವಾರಕ್ಕೆ ಎರಡು ಅಥವಾ ಮೂರು ಬಾರಿ ಪುನರಾವರ್ತಿಸಿ.

ಇತರ ಎಚ್ಚರಿಕಾ ವಿಧಾನಗಳು

ಪ್ರತಿಬಾರಿ ಉಗುರಿಗೆ ಬಣ್ಣ ಹಚ್ಚುವ ಮೊದಲು ಪಾರದರ್ಶಕವಾದ ಬೇಸ್ ಕೋಟ್ ಹಚ್ಚಿಕೊಂಡು ಒಣಗಿದ ಬಳಿಕವೇ ನಿಮ್ಮ ನೆಚ್ಚಿನ ಬಣ್ಣ ಹಚ್ಚಿ. ಇದು ನಿಮ್ಮ ಪೆಡಿಕ್ಯೂರ್ ಮತ್ತು ಮ್ಯಾನಿಕ್ಯೂರ್ ಆರೈಕೆಗಳನ್ನು ಹೆಚ್ಚಿನ ಕಾಲ ಬಾಳಿಕೆ ಬರುವಂತೆ ಮಾಡುತ್ತದೆ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಇತರ ಎಚ್ಚರಿಕಾ ವಿಧಾನಗಳು

ಆಗಾಗ ಉಗುರುಗಳಿಗೆ ಬಫರ್ ಬಳಸಿ, ಇದರಿಂದ ಹಳದಿ ಬಣ್ಣ ನಿವಾರಣೆಯಾಗಲು ಹೆಚ್ಚಿನ ನೆರವು ದೊರಕುತ್ತದೆ. ಜೊತೆಗೇ ರಾತ್ರಿ ಮಲಗುವ ಮುನ್ನ ಬಾದಾಮಿ ಎಣ್ಣೆ ಸವರಿ ಮಲಗುವ ಮೂಲಕ ಉತ್ತಮ ಪೋಷಣೆ ಪದೆಯುತ್ತದೆ. ಅಂತೆಯೇ ಲಿಂಬೆರಸವನ್ನು ಹಗಲಿನಲ್ಲಿ ಕೆಲವು ಗಂಟೆಗಳ ಕಾಲ ಹಚ್ಚಿಕೊಳ್ಳಿ.