ಬೇಸಿಗೆಯಲ್ಲಿ ಪಾದಗಳ ಆರೈಕೆ ಹೀಗಿರಲಿ

ಹೊರಗಡೆ ಹೋಗಿ ಬಂದ ಮೇಲೆ ಪಾದ ತೊಳೆಯಿರಿ

ಹೊರಗಡೆ ಸುತ್ತಾಡಿ ಬಂದ ಮೇಲೆ ಪಾದಗಳಿಗೆ ತಣ್ಣೀರು ಹಾಕಿ ತೊಳೆಯಿರಿ. ಸೋಪು ಹಾಕಿ ದಿನದಲ್ಲಿ ಎರಡು ಬಾರಿ ತೊಳೆದರೆ ಸಾಕು, ಇಲ್ಲದಿದ್ದರೆ ಸೋಪು ನಿಮ್ಮ ತ್ವಚೆಯನ್ನು ಮತ್ತಷ್ಟು ಡ್ರೈಯಾಗಿಸುತ್ತದೆ.

ವಾರಕ್ಕೊಮ್ಮೆ ಎಕ್ಸ್ ಫೋಲೆಟ್ ಮಾಡಿ

ಕಾಲನ್ನು ಉಪ್ಪು ಹಾಕಿದ ಹದ ಬಿಸಿ ನೀರಿನಲ್ಲಿ ಇಳಿಬಿಟ್ಟು ನಂತರ ಬ್ರಷ್ ಹಾಕಿ ತಿಕ್ಕಿ ಶುಚಿ ಮಾಡಿ. ಇದರಿಂದ ನಿರ್ಜೀವ ತ್ವಚೆಯನ್ನು ಹೋಗಲಾಡಿಸಬಹುದು. ಈ ರೀತಿ ಮಾಡಿದರೆ ಕಾಲುಗಳಲ್ಲಿ ಬಿರುಕು ಬೀಳುವುದಿಲ್ಲ.

ಪಾದಗಳಿಗೆ ಉಸಿರಾಡಲು ಅವಕಾಶ ಕೊಡಿ

ಹೆಚ್ಚಿನವರು ದಿನಾಪೂರ್ತಿ ಶೂ ಹಾಕಿರುತ್ತಾರೆ. ಮನೆಗೆ ಬಂದ ಮೇಲೆ ಮತ್ತೆ ಸಾಕ್ಸ್ ಹಾಕಿ ಕೊಂಡು ಓಡಾಡಬೇಡಿ. ಕಾಲನ್ನು ತೊಳೆದು ಸ್ವಲ್ಪ ಹೊತ್ತು ಬರಿಗಾಲಿನಲ್ಲಿರಿ. ಇದರಿಂದ ಪಾದಗಳ ತ್ವಚೆಯ ಉಸಿರಾಟಕ್ಕೆ ಸಹಾಯವಾಗುವುದು.

ಬಿಸಿಲಿನಲ್ಲಿ ಓಡಾಡುವಾಗ ಚಪ್ಪಲಿ ಒಳ್ಳೆಯದು

ಬಿಸಿಲಿನಲ್ಲಿ ಓಡಾಡುವಾಗ ಚಪ್ಪಲಿ ಒಳ್ಳೆಯದು, ಕಾಲು ಕಪ್ಪಾಗದಿರಲು ಸನ್ ಸ್ಕ್ರೀನ್ ಲೋಷನ್ ಹಚ್ಚಿ.

ಮಾಯಿಶ್ಚರೈಸರ್

ಪ್ರತೀದಿನ ಪಾದಗಳನ್ನು ಮಾಯಿಶ್ಚರೈಸರ್ ನಿಂದ ಮಸಾಜ್ ಮಾಡಿದರೆ ಪಾದಗಳು ಮೃದುವಾಗಿರುತ್ತದೆ. ತೆಂಗಿನೆಣ್ಣೆ ಮಸಾಜ್ ಮಾಡಲು ಬೆಸ್ಟ್.

ಪೆಡಿಕ್ಯೂರ್

ಪೆಡಿಕ್ಯೂರ್ ಮಾಡಿಸಿಕೊಳ್ಳಿ. ಇದರಿಂದ ನಿಮ್ಮ ಪಾದಗಳು ಮೃದುವಾಗಿರುವುದು, ನೋಡಲು ಆಕರ್ಷಕವಾಗಿ ಕಾಣುವುದು.

ಪಾದದಳಿಗೆ ಮಸಾಜ್

ಪಾದಗಳಿಗೆ ಮಸಾಜ್ ಮಾಡಿದರೆ ದೇಹದಲ್ಲಿರುವ ಆಯಾಸ ಕಡಿಮೆಯಾಗಿ ನವಚೈತನ್ಯದಿಂದ ಇರುವಿರಿ.