ಮುಖದಲ್ಲಿರುವ ಕೂದಲನ್ನು ಹೋಗಲಾಡಿಸಬೇಕೆ?

ಅರಿಶಿಣ

ಅರಿಶಿಣವನ್ನು ಅರಿದು ಮುಖಕ್ಕೆ ಹಚ್ಚಿ ಅರ್ಧ ಗಂಟೆಯ ಬಳಿಕ ತೊಳೆಯಿರಿ. ಈ ರೀತಿ ಮಾಡುತ್ತಾ ಬಂದರೆ ಮುಖದಲ್ಲಿರುವ ಕೂದಲನ್ನು ಸಂಪೂರ್ಣವಾಗಿ ಹೋಗಲಾಡಿಸಬಹುದು. ಆದರೆ ಈ ವಿಧಾನದಲ್ಲಿ ಮುಖದಲ್ಲಿರುವ ಕೂದಲು ಹೋಗಲು ತುಂಬಾ ಸಮಯ ತೆಗದುಕೊಳ್ಳುತ್ತದೆ.

ಅರಿಶಿಣ ಮತ್ತು ಉಪ್ಪು

ಅರಿಶಿಣ ಪುಡಿಗೆ ಸ್ವಲ್ಪ ಉಪ್ಪು ಹಾಕಿ ಅದಕ್ಕೆ ಸ್ವಲ್ಪ ನಿಂಬೆ ರಸ ಹಾಕಿ ಅವುಗಳನ್ನು ಕಲೆಸಿ ಹುಬ್ಬು ಬಿಟ್ಟು ಮುಖಕ್ಕೆ ಸ್ಕ್ರಬ್ ಮಾಡಿದರೆ ಚಿಕ್ಕ ಚಿಕ್ಕ ಕೂದಲು ಉದುರುತ್ತದೆ. ಈ ರೀತಿ ವಾರದಲ್ಲಿ 3 ಬಾರಿಯಂತೆ ಮಾಡುತ್ತಾ ಬನ್ನಿ. ಒಂದು ತಿಂಗಳಿನಲ್ಲಿ ಕೂದಲು ರಹಿತ ಮುಖ ನಿಮ್ಮದಾಗುವುದು.

ನಿಂಬೆರಸ ಮತ್ತು ಜೇನು

ಜೇನಿಗೆ ಸ್ವಲ್ಪ ನಿಂಬೆ ರಸ ಹಿಂಡಿ ಅವುಗಳನ್ನು ಮಿಶ್ರ ಮಾಡಿ ಮುಖಕ್ಕೆ ಹಚ್ಚಿ 20 ನಿಮಿಷದ ಬಳಿಕ ಮುಖ ತೊಳೆಯಿರಿ. ಈ ರೀತಿ ಮಾಡುತ್ತಾ ಬಂದರೆ ಮುಖದಲ್ಲಿ ಕೂದಲು ಬೆಳೆಯುವುದಿಲ್ಲ.

ಸಕ್ಕರೆ ಸ್ಕ್ರಬ್

ಸಕ್ಕರೆ ಸ್ಕ್ರಬ್ ಅನ್ನು ವಾರದಲ್ಲಿ ಎರಡು ಬಾರಿ ಹಚ್ಚುತ್ತಾ ಬನ್ನಿ. ಈ ರೀತಿ ಮಾಡಿದರೆ ಮುಖದಲ್ಲಿರುವ ಕೂದಲು ನಿಧಾನಕ್ಕೆ ಮಾಯವಾಗುತ್ತದೆ.

ಜೋಳದ ಹಿಟ್ಟು, ಸಕ್ಕರೆ ಮತ್ತು ಮೊಟ್ಟೆ

ಒಂದು ಬಟ್ಟಲಿನಲ್ಲಿ 2 ಚಮಚ ಜೋಳದ ಹಿಟ್ಟು, 2 ಚಮಚ ಸಕ್ಕರೆ ಮತ್ತು ಒಂದು ಮೊಟ್ಟೆಯ ಬಿಳಿ ಹಾಕಿ ಮಿಶ್ರಣ ಮಾಡಿ ಅದನ್ನು ಮುಖಕ್ಕೆ ಹಚ್ಚಿ 20 ನಿಮಿಷದ ಬಳಿಕ ತಣ್ಣೀರಿನಿಂದ ಮುಖ ತೊಳೆಯಿರಿ. ಈ ರೀತಿ ವಾರದಲ್ಲಿ ಎರಡು ಬಾರಿ ಮಾಡಿದರೆ ಸಾಕು ಮುಖದಲ್ಲಿರುವ ಕೂದಲನ್ನು ಶಾಶ್ವತವಾಗಿ ಹೋಗಲಾಡಿಸಬಹುದು.

ಮೊಟ್ಟೆ, ಕಡಲೆಹಿಟ್ಟು ಮತ್ತು ಅರಿಶಿಣ

ಮೊಟ್ಟೆಯ ಬಿಳಿ , ಸ್ವಲ್ಪ ಕಡಲೆ ಹಿಟ್ಟು, ಸ್ವಲ್ಪ ಅರಿಶಿಣವನ್ನು ಮಿಶ್ರ ಮಾಡಿ ಮುಖಕ್ಕೆ ಹಚ್ಚಿ 20 ನಿಮಿಷದ ಬಳಿಕ ಮುಖ ತೊಳೆಯಿರಿ. ಈ ರೀತಿ ವಾರದಲ್ಲಿ 2 ಬಾರಿ ಮಾಡಿದರೆ ಸಾಕು ನಿಮಗೆ ಯಾವ ಥ್ರೆಡ್ಡಿಂಗ್ ಬೇಕಾಗಿರುವುದಿಲ್ಲ.

ಮೊಟ್ಟೆ ಮತ್ತು ಹೆಸರು ಬೇಳೆ

ಹೆಸರು ಬೇಳೆಯನ್ನು ಪುಡಿ ಮಾಡಿಡಿ. ನಂತರ 2 ದಿನಕ್ಕೊಮ್ಮೆ ಸ್ವಲ್ಪ ಮೊಟ್ಟೆಯ ಬಿಳಗೆ 1 ಚಮಚ ಹೆಸರು ಬೇಳೆ ಪುಡಿ ಹಾಕಿ ಮಿಶ್ರ ಮಾಡಿ ತಿಕ್ಕಿದರೆ ಸಾಕು ಮುಖದಲ್ಲಿರುವ ಕೂದಲನ್ನು ಹೋಗಲಾಡಿಸಬಹುದು.