ಕಾಲುಗಳು ನುಣಪಾಗಿ, ಆಕರ್ಷಕವಾಗಿ ಕಾಣಲು ಟಿಪ್ಸ್

ಕಾಲಿನಲ್ಲಿರುವ ಬೇಡದ ಕೂದಲನ್ನು ತೆಗೆಯಿರಿ

ಮೊದಲು ಕಾಲಿನಲ್ಲಿರುವ ಬೇಡದ ಕೂದಲನ್ನು ತೆಗೆಯಬೇಕು. ಶೇವ್ ಮಾಡಬೇಡಿ, ವ್ಯಾಕ್ಸ್ ಮಾಡಿ.

ನಂತರ ಮಸಾಜ್ ಮಾಡಿ

ನಂತರ ಮಾಯಿಶ್ಚರೈಸರ್ ಹಚ್ಚಿ ಮಸಾಜ್ ಮಾಡಿ. ಮಾಯಿಶ್ಚರೈಸರ್ ಅನ್ನು ಪ್ರತೀದಿನ ಮಾಡಿದರೆ ಕಾಲಿನ ತ್ವಚೆಯ ಹೊಳಪು ಹೆಚ್ಚುವುದು. ಮಸಾಜ್ ಕಾಲಿನ ರಕ್ತ ಸಂಚಾರಕ್ಕೆ ಸಹಾಯ ಮಾಡುವುದರಿಂದ ಕಾಲುನೋವು, ಮಸಲ್ ಕ್ಯಾಚ್ ಮುಂತಾದ ಸಮಸ್ಯೆ ಕೂಡ ಉಂಟಾಗುವುದಿಲ್ಲ.

ರೋಸ್ ವಾಟರ್

ಕಾಲನ್ನು ತೊಳೆದ ಬಳಿಕ ರೋಸ್ ವಾಟರ್ ಹಚ್ಚಿದರೆ ಕಾಲಿನ ತ್ವಚೆ ತುಂಬಾ ಮೃದುವಾಗಿ ಆಕರ್ಷಕವಾಗಿ ಕಾಣುವುದು. ವಾರಕ್ಕೊಮ್ಮೆ ಪಾದಗಳಿಗೆ ಪೆಡಿಕ್ಯೂರ್ ಮಾಡಿ.

ಸ್ನಾನ ಮಾಡುವ ಮುನ್ನ ಕಾಲಿನ ಆರೈಕೆ ಮಾಡಿ

ಸ್ನಾನ ಮಾಡುವ ಅರ್ಧ ಗಂಟೆಗೆ ಮುನ್ನ ಕಾಲಿಗೆ ಎಣ್ಣೆ ಅಥವಾ ಹಾಲಿನ ಕೆನೆ ಅಥವಾ ಹಾಲು ಹಚ್ಚಿದರೆ ಒಳ್ಳೆಯದು.

ಆಲೂಗಡ್ಡೆಯ ಸಿಪ್ಪೆ

ಕಾಲಿನ ಹೊಳಪನ್ನು ಹೆಚ್ಚಿಸಲು ಮತ್ತೊಂದು ವಿಧಾನವೆಂದರೆ ಆಲೂಗಡ್ಡೆ ಸಿಪ್ಪೆಯನ್ನು ಹಾಕಿ ತಿಕ್ಕಿ ಅರ್ಧ ಗಂಟೆಯ ಬಳಿಕ ಕಾಲನ್ನು ಹದ ಬಿಸಿ ನೀರಿನಿಂದ ತೊಳೆಯಿರಿ. ಈ ರೀತಿ ಮಾಡಿದರೆ ವ್ಯಾಕ್ಸ್ ಕಲೆಗಳನ್ನು ಕೂಡ ಹೋಗಲಾಡಿಸಬಹುದು.

ನಿಂಬೆ ಹಣ್ಣು

ನಿಂಬೆ ಹಣ್ಣನ್ನು ಕತ್ತರಿಸಿ ಅದರಿಂದ ಕಾಲು ಮತ್ತು ಉಗುರನ್ನು ತಿಕ್ಕಿ, ಈ ರೀತಿ ಮಾಡುವುದರಿಂದಲೂ ಕಾಲಿನ ಚೆಲುವು ಹೆಚ್ಚಿಸಬಹುದು.