ಪಾದಗಳಲ್ಲಿ ಬಿರುಕು ಹೋಗಲಾಡಿಸಲು 5 ವಿಧಾನ

ನಿಂಬೆರಸ, ಉಪ್ಪು, ಗ್ಲಿಸೆರಿನ್, ರೋಸ್ ವಾಟರ್ ಮಾಸ್ಕ್

ಈ ಮಾಸ್ಕ್ ಮಾಡಿದರೆ ಪಾದಗಳು ಒಡೆಯುವುದಿಲ್ಲ, ಒಂದು ವೇಳೆ ಪಾದಗಳಲ್ಲಿ ಬಿರುಕು ಇದ್ದರೆ ಗುಣಮುಖವಾಗುವುದು. 1 ಚಮಚ ನಿಂಬೆರಸ, 2 ಚಮಚ ಉಪ್ಪು, 1 ಚಮಚ ಗ್ಲಿಸೆರಿನ್, 3-4 ಹನಿರೋಸ್ ವಾಟರ್ ಅನ್ನು ಹದ ಬಿಸಿ ನೀರಿನಲ್ಲಿ ಹಾಕಿ 10ರಿಂದ 15 ನಿಮಿಷ ಕಾಲ ಇಡಬೇಕು. ನಂತರ ಪಾದಗಳನ್ನು ಸ್ಕ್ರಬ್ ಮಾಡಿ ಕಾಲು ತೊಳೆಯಬೇಕು. ನಂತರ ರಾತ್ರಿ ಹಚ್ಚಿ ಮಲಗಬೇಕು. ನಂತರ ಬೆಳಗ್ಗೆ ಎದ್ದು ಪಾದಗಳನ್ನು ತೊಳೆಯಬೇಕು. ಈ ರೀತಿ ಪ್ರತಿದಿನ ಮಾಡಿದರೆ ಪಾದಗಳಲ್ಲಿ ಬಿರುಕು ಕಂಡು ಬರುವುದಿಲ್ಲ.

2. ಎಣ್ಣೆ ಮಸಾಜ್

ತೆಂಗಿನೆಣ್ಣೆ, ಹರಳೆಣ್ಣೆ ಇವುಗಳನ್ನು ಮಿಶ್ರಣ ಮಾಡಿ ಪಾದಗಳಿಗೆ ಹಚ್ಚಿ ಅರ್ಧ ಗಂಟೆಯ ಬಳಿಕ ಸ್ನಾನ ಮಾಡಬೇಕು. ಈ ರೀತಿ ಪ್ರತಿದಿನ ಮಾಡಿದರೆ ಈ ಚಳಿಗಾಲದಲ್ಲಿ ಪಾದಗಳು ಒಡೆಯುವ ಸಮಸ್ಯೆ ನಿಮಗಿರುವುದಿಲ್ಲ.

ಫ್ರೂಟ್ ಮಾಸ್ಕ್

ಒಂದು ಹಣ್ಣಾದ ಬಾಳೆಹಣ್ಣನ್ನು ತೆಗೆದುಕೊಂಡು ಹಿಸುಕಬೇಕು, ನಂತರ ಅದನ್ನು ಒಂದು ಬಟ್ಟಲಿನಲ್ಲಿ ಹಾಕಿ ನಂತರ ಸ್ವಲ್ಪ ಪಪ್ಪಾಯಿ ಮತ್ತು ಸ್ವಲ್ಪ ಬೆಣ್ಣೆ ಹಣ್ಣನ್ನು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ ಅದಕ್ಕೆ ಸ್ವಲ್ಪ ತೆಂಗಿನ ಕಾಯಿಯ ಹಾಲನ್ನು ಹಿಂಡಿ ಮಿಶ್ರಣ ಮಾಡಬೇಕು. ಈಗ ಈ ಮಿಶ್ರಣವನ್ನು ಪಾದಕ್ಕೆ ಹಚ್ಚಿ ಅರ್ಧ ಗಂಟೆಯ ಬಳಿಕ ಪಾದಗಳನ್ನು ತೊಳೆಯಬೇಕು. ಈ ಫ್ರೂಟ್ ಮಾಸ್ಕ್ ಅನ್ನು ತ್ವಚೆಗೆ ಹಚ್ಚಿದರೆ ತ್ವಚೆ ಒಡೆಯುವ ಸಮಸ್ಯೆ ಕಂಡು ಬರುವುದಿಲ್ಲ.

ಎಣ್ಣೆ ಟ್ರೀಟ್ ಮೆಂಟ್

ಎಲ್ಲಾ ಕಾಲದಲ್ಲೂ ಪಾದ ಒಡೆಯುವ ಸಮಸ್ಯೆ ಇದ್ದರೆ ವಾರದಲ್ಲಿ 2-3 ಬಾರಿ ಸ್ವಲ್ಪ ಅಕ್ಕಿ ಹಿಟ್ಟಿಗೆ 1 ಚಮಚ ಜೇನು ಮತ್ತು 1 ಚಮಚ ಆಪಲ್ ಸೈಡರ್ ವಿನಿಗರ್ ಹಾಕಿ ಸ್ಕ್ರಬ್ ಮಾಡಬೇಕು. ನಂತರ 10 ನಿಮಿಷ ಬಿಟ್ಟು ಕಾಲುಗಳನ್ನು ತೊಳೆದು ಎಣ್ಣೆ ಯಿಂದ ಮಾಯಿಶ್ಚರೈಸರ್ ಮಾಡಿದರೆ ಸಾಕು ಪಾದಗಳಲ್ಲಿ ಬಿರುಕು ಕಂಡು ಬರುವುದಿಲ್ಲ.

ಸಾಸಿವೆ ಎಣ್ಣೆ ಮತ್ತು ಮೇಣದ ಟ್ರೀಟ್ ಮೆಂಟ್

ಪಾದ ಒಡೆದು ರಕ್ತ ಬರುವಂತಿದ್ದರೆ ಈ ರೀತಿ ಮಾಡಿ. ಮೇಣವನ್ನು ಕರಗಿಸಿ ಎಣ್ಣೆಯಲ್ಲಿ ಹಾಕಿ ಕುದಿಸಿ, ನಂತರ ಪಾದಳನ್ನು ಚೆನ್ನಾಗಿ ಉಜ್ಜಿ ತೊಳೆದು ನಂತರ ಈ ಎಣ್ಣೆ ಮತ್ತು ಮೇಣ ಮಿಶ್ರಣವಾದ ಪೇಸ್ಟ್ ಅನ್ನು ಹಚ್ಚಿ ಸಾಕ್ಸ್ ಧರಿಸಿ ಮಲಗಿ. ಬೆಳಗ್ಗೆ ಎದ್ದು ಪಾದಗಳನ್ನು ತೊಳೆಯಿರಿ. ಈ ರೀತಿ ಮಾಡಿದರೆ ಎಂತಹ ಒಡೆದ ಪಾದವೂ ಸರಿಯಾಗುವುದು.