ಮೃದು ಪಾದಗಳಿಗಾಗಿ ಬೇಸಿಗೆಯಲ್ಲಿ ಆರೈಕೆ ಹೀಗಿರಲಿ

Published: Saturday, March 3, 2012, 11:02 [IST]

ಬೇಸಿಗೆ ಕಾಲದಲ್ಲಿ ಶೂ ಬದಲು ಚಪ್ಪಲಿ ಬಳಸಿದರೆ ಆರಾಮ ಅನಿಸುವುದು. ಗಟ್ಟಿಯಾದ ಪಾದಗಳಿರುವ ಚಪ್ಪಲಿ ಧರಿಸಿ ನಡೆಯುವುದರಿಂದ ಪಾದಗಳು ಗಟ್ಟಿಯಾಗುತ್ತದೆ. ಆದ್ದರಿಂದ ಪಾದಗಳಿಗೆ ಮಾಯಿಶ್ಷರೈಸರ್ ಮಾಡುವುದು ಒಳ್ಳೆಯದು.

ಮೃದುವಾದ ಪಾದ ಬೇಕೆಂದು ಬಯಸುವವರು ಬೇಸಿಗೆ ಕಾಲಕ್ಕೆ ನಿಮ್ಮ ಪಾದಗಳ ಆರೈಕೆ ಹೀಗಿರಲಿ:

1. ಗಟ್ಟಿಯಾದ ಪಾದಗಳನ್ನು ಹೊಂದಿರುವ ಚಪ್ಪಲಿ ಧರಿಸಿದರೆ ಪಾದಗಳ ಮೃದುತನ ಕಡಿಮೆಯಾಗುತ್ತದೆ. ಆದ್ದರಿಂದ ಮೃದುವಾಗಿರುವ ಚಪ್ಪಲಿಗಳನ್ನು ಧರಿಸುವುದು ಒಳ್ಳೆಯದು.

2. ಪಾದಗಟ್ಟಿಯಾಗಿದ್ದರೆ ಹದ ಬಿಸಿ ನೀರಿನಲ್ಲಿ ಪಾದವನ್ನು 15-20 ನಿಮಿಷ ಇಡಬೇಕು. ನಂತರ ಪ್ಯೂಮಿಕ್ ಕಲ್ಲಿನಿಂದ ಮೆಲ್ಲನೆ ತಿಕ್ಕಿದರೆ ಪಾದಗಳಲ್ಲಿರುವ ನಿರ್ಜೀವ ತ್ವಚೆ ಹೋಗಿ ಪಾದಗಳು ಸುಂದರವಾಗುವುದು.

3. ಮಲಗುವ ಮುನ್ನ ಪಾದಗಳಿಗೆ ಮಾಯಿಶ್ಚರೈಸರ್ ಮಾಡುವುದು ಒಳ್ಳೆಯದು.

4. ಸಾಕ್ಸ್ ಹಾಕಿ ಮಲಗುವ ಅಭ್ಯಾಸವಿರುವವರು ಮಲುಗುವ ಮುನ್ನ ಬಾಡಿಲೋಷನ್ ಹಚ್ಚಿದರೆ ಪಾದಗಳು ಮೃದುವಾಗುವುದು.

5. ಪೆಟ್ರೋಲಿಯಂ ಜೆಲ್ಲಿಯನ್ನು ಹಚ್ಚುವುದು ಕೂಡ ಒಳ್ಳೆಯದು.

ಬೇಸಿಗೆಯಲ್ಲಿ ದೂಳು ಹೆಚ್ಚು ಇರುವುದರಿಂದ ಕಾಲುಗಳ ಸ್ವಚ್ಚತೆ ಬಗ್ಗೆ ಗಮನ ನೀಡಿದರೆ ಸುಂದರವಾದ ಪಾದಗಳು ನಿಮ್ಮದಾಗುವುದು.