ಬಾಡಿ ಮಸಾಜ್ ನಿಂದ ಏನೇನು ಉಪಯೋಗ?

ಬಾಡಿ ಮಸಾಜ್ ನಿಂದ ದೊರೆಯುವ ಉಪಯೋಗ:

* ಎಲುಬುಗಳಿಗೆ ವಿಶ್ರಾಂತಿ: ಕೆಲಸದ ಒತ್ತಡದಿಂದ ಮತ್ತು ತಪ್ಪು ಭಂಗಿಯಲ್ಲಿ ಕೂರುವುದರಿಂದ ಮೂಳೆಗಳಲ್ಲಿ ಸೆಳೆತ ಉಂಟಾಗುತ್ತದೆ. ಇದರಿಂದ ಮೈ-ಕೈ ನೋವು, ಸಂಧಿವಾತ, ನರಗಳಲ್ಲಿ ತೊಂದರೆ ಕಾಣಿಸಿಕೊಳ್ಳುತ್ತದೆ. ರಕ್ತಸಂಚಲನದ ಕುಗ್ಗುವಿಕೆಯೂ ಈ ರೀತಿಯ ನೋವಿಗೆ ಕಾರಣವಾಗಿದೆ. ಆದ್ದರಿಂದ ಬಾಡಿ ಮಸಾಜ್ ಮಾಡಿಕೊಂಡರೆ ರಕ್ತಸಂಚಲನ ಸಮತೋಲನವಾಗಿ ನಡೆದು ಆಮ್ಲಜನಕ ಸರಿಯಾದ ಪ್ರಮಾಣದಲ್ಲಿ ದೊರಕಿ ಎಲುಬುಗಳು ಸರಾಗವಾಗಿ ಕಾರ್ಯ ನಿರ್ವಹಿಸಯತ್ತವೆ.

* ನೋವು ಶಮನ: ನೋವಿರುವ ಜಾಗವನ್ನು ಮಸಾಜ್ ಮಾಡಿಕೊಂಡರೆ, ಅದರಲ್ಲೂ ಅಗತ್ಯ ಎಣ್ಣೆ ಬಳಸಿದರೆ ಮೆದುಳಿಗೆ ನೋವನ್ನು ಉಪಶಮನ ಮಾಡುವ ಸೂಚನೆ ನೀಡಿ ನೋವು ಕಡಿಮೆಯಾದ ಅನುಭವ ನೀಡುತ್ತದೆ ಎನ್ನಲಾಗಿದೆ.

* ಒತ್ತಡ ತಗ್ಗಿಸುತ್ತೆ: ಬಾಡಿ ಮಸಾಜ್ ನಿಂದ ಕೇವಲ ದೇಹಕ್ಕೆ ಮಾತ್ರ ಉಪಯೋಗವಿಲ್ಲ, ಇದರಿಂದ ಮನಸ್ಸೂ ಕೂಡ ರಿಲ್ಯಾಕ್ಸ್ ಆಗುತ್ತೆ. ದೇಹದಲ್ಲಿ ನರಮಂಡಲ ಒಂದಕ್ಕೊಂದು ಸಂಪರ್ಕ ಹೊಂದಿರುವುದರಿಂದ ನೋವಿರುವ ಜಾಗದಲ್ಲಿ ಮಸಾಜ್ ಮಾಡಿದರೆ ಎಲ್ಲಾ ನರಗಳು, ಮೂಳೆ ರಿಲ್ಯಾಕ್ಸ್ ಆಗಿ ಮನಸ್ಸೂ ಉಲ್ಲಸಿತದಿಂದಿರಲು ಸಹಾಯವಾಗುತ್ತೆ.

* ಹೊಳೆಯುವ ಚರ್ಮ: ಮಸಾಜ್ ನಿಂದ ರಕ್ತ ಸಂಚಲನ ಹೆಚ್ಚಾಗುವುದರಿಂದ ನರಮಂಡಲ ವ್ಯವಸ್ಥಿತ ರೀತಿಯಲ್ಲಿ ಕಾರ್ಯ ನಿರ್ವಹಿಸಲು ಸಹಾಯ ಮಾಡುವುದಷ್ಟೇ ಅಲ್ಲ, ದೇಹದ ನಿರ್ಜೀವ ಚರ್ಮ ಹೋಗಿ ಟ್ಯಾನಿಂಗ್ ಕಡಿಮೆಯಾಗಿ ಚರ್ಮ ತಾಜಾ ಮತ್ತು ಹೊಳೆಯುವಂತೆ ಆಗುತ್ತದೆ. ಒತ್ತಡ ಕಡಿಮೆಯಾದರೂ ಕೂಡ ತ್ವಚೆ ತಾಜಾ ಆಗಿರುತ್ತದೆ.

ವಾರಕ್ಕೆ ಒಮ್ಮೆ ಬಾಡಿ ಮಸಾಜ್ ಮಾಡಿಕೊಂಡರೆ ದೇಹದಲ್ಲಿ ಶಕ್ತಿಯನ್ನೂ ಹೆಚ್ಚಿಸಿ ಬೇಗನೆ ವಯಸ್ಸಾಗುವುದಂತೆ ಕಾಣುವುದನ್ನೂ ತಡೆಯುತ್ತೆ.