ಹಲ್ಲು ಬಿಳಿಯಿಲ್ಲವೆಂಬ ಚಿಂತೆ ಇನ್ನೇಕೆ ?

Body Care

oi-Reena

By Hema S

Published: Wednesday, November 9, 2011, 14:56 [IST]

ನಕ್ಕಾಗ ಹಲ್ಲುಗಳು ಮುತ್ತಿನಂತೆ ಬಿಳಿಯಾಗಿದ್ದರನೆ ಚೆಂದ. ಆದರೆ ಕೆಲವೊಂದು ಕಾರಣಗಳಿಂದ ಹಲ್ಲುಗಳು ಹಳದಿಯಾಗ ತೊಡಗುತ್ತವೆ.ಸಿಗರೇಟ್, ತಂಬಾಕು ಸೇವನೆ, ಮದ್ಯ ಈ ರೀತಿಯ ಕೆಟ್ಟ ಅಭ್ಯಾಸಗಳು ಮತ್ತು ಹಲ್ಲಿನ ಶುಚಿತ್ವದ ಕಡೆಗೆ ಹೆಚ್ಚಿನ ಗಮನಕೊಡದಿರುವುದರಿಂದ ಹಲ್ಲುಗಳು ಹಳದಿ ಬಣ್ಣಕ್ಕೆ ತಿರುಗುತ್ತದೆ.

ಆದರೆ ಈ ರೀತಿಯ ಹಳದಿ ಹಲ್ಲುಗಳನ್ನು ಬೆಳ್ಳಗೆ ಮಾಡುವ 3 ವಿಧಾನ ನೋಡಿ ಇಲ್ಲಿದೆ.

1. ಹಣ್ಣುಗಳು: ಸ್ಟ್ರಬೆರಿ, ನಿಂಬೆ, ಕಿತ್ತಳೆ ಹಣ್ಣುಗಳಲ್ಲಿ ಹಲ್ಲುಗಳನ್ನು ಬೆಳ್ಳಗೆ ಮಾಡುವ ಅಂಶಗಳಿರುತ್ತದೆ. ಈ ಹಣ್ಣಿನಲ್ಲಿರುವ ಸಿಟ್ರಸ್ ಆಮ್ಲ ಬಾಯಿಯನ್ನು ಶುದ್ಧವಾಗಿ ಇಡುವುದರ ಜೊತೆ ಬಾಯಿಯ ದುರ್ನಾತವನ್ನು ತಡೆಯುತ್ತದೆ.

*ನಿಂಬೆಕಾಯಿಂದ ದಿನಕ್ಕೆ ಎರಡು ಬಾರಿ ಉಜ್ಜಿದರೆ ಒಂದು ವಾರದಲ್ಲಿ ಹಲ್ಲು ಬಿಳಿ ಬಣ್ಣವನ್ನು ಪಡೆಯುತ್ತದೆ.
* ಸಾಸಿವೆ ಎಣ್ಣೆಗೆ ಸ್ವಲ್ಪ ಉಪ್ಪು ಹಾಕಿ ನಿಂಬೆ ತುಂಡು ಅನ್ನು ಅದರಲ್ಲಿ ಮುಳುಗಿಸಿ 3-5 ನಿಮಷ ತಿಕ್ಕಿ ನಂತರ ಬ್ರಷ್ ನಿಂದ ಹಲ್ಲು ಉಜ್ಜಬೇಕು.
* ಊಟದ ನಂತರ ಒಂದು ವಾರದ ಕಾಲ ಕಿತ್ತಳೆಯನ್ನು ತಿಂದರೆ ಹಲ್ಲು ಬಿಳಿಯಾಗುತ್ತದೆ.
* ಸ್ಟ್ರಾಬರಿಯಿಂದ ಹಲ್ಲನ್ನು ತಿಕ್ಕವುದರಿಂದ ಹಲ್ಲು ಬಿಳಿ ಬಣ್ಣಕ್ಕೆ ತಿರುಗುತ್ತದೆ.

2. ಅಡುಗೆ ಸೋಡಾ: ಬ್ರಷ್ ನಲ್ಲಿ ಅಡುಗೆ ಸೋಡಾವನ್ನು ಬಳಸಿ ಒಂದು ದಿನದಲ್ಲಿ ಎರಡು ಬಾರಿ 4-5 ನಿಮಿಷ ತಿಕ್ಕಿದರೆ ಹಲ್ಲು ಬೆಳ್ಳಗೆ ಕಾಣಿಸುತ್ತದೆ. ವಾರಕ್ಕೊಮ್ಮೆ ಅಡುಗೆ ಸೋಡಾವನ್ನು ಬಳಸಿ ಹಲ್ಲು ಉಜ್ಜಿದರೆ ಹಲ್ಲು ಬಿಳಿ ಬಣ್ಣದಲ್ಲಿರುತ್ತದೆ.

3. ಬಾಯಿ ಮುಕ್ಕಳಿಸುವುದು: ಪ್ರತಿಬಾರಿ ಊಟದ ನಂತರ ನೀರಿನಿಂದ ಬಾಯಿಯನ್ನು ತೊಳೆಯಬೇಕು.

* ದಿನಕ್ಕೆ ಎರಡು ಬಾರಿ ಹಲ್ಲು ಉಜ್ಜಬೇಕು.
* ಸೋಂಪುವನ್ನು ಊಟದ ಬಳಿಕ ತಿನ್ನುವುದು ಒಳ್ಳೆಯದು.
* ಅತಿ ಹೆಚ್ಚು ಕಾಫಿ ಕುಡಿಯುದನ್ನು ನಿಲ್ಲಿಸಬೇಕು.