ಕಿವಿ ಶುಚಿಗೊಳಿಸಲು ಇಲ್ಲಿದೆ ನೈಸರ್ಗಿಕ ಮಾರ್ಗ

1.ಪಾರಾಫಿನ್ ಎಣ್ಣೆ: ಇದು ಕಿವಿಯ ಕೊಳಕನ್ನು ತೆಗೆಯಲು ಸುಲಭವಾದ ಮಾರ್ಗ. ಈ ಪ್ಯಾರಾಫಿನ್ ಎಣ್ಣೆಯನ್ನು ಸ್ವಲ್ಪ ಬಿಸಿ ಮಾಡಿ ಕಿವಿಗೆ ಕೆಲವು ಹನಿಗಳನ್ನು ಹಾಕಿಕೊಳ್ಳಬೇಕು. ಅದು ಕಿವಿಯ ಪೂರಾ ಒಳಗೆ ಹೋಗಿ ಕರಗುವ ತನಕ ಕಾಯಬೇಕು. ನಂತರ ಗುಗ್ಗೆ ತೆಗೆದು ಬಿಸಿ ನೀರಿನಿಂದ ತೊಳೆದುಕೊಳ್ಳಬೇಕು.

2. ಹೈಡ್ರೋಜೆನ್ ಪೆರಾಕ್ಸೈಡ್: ಬಿಸಿ ಮಾಡಿದ ಕೊಬ್ಬರಿ ಎಣ್ಣೆ ಅಥವಾ ಆಲಿವ್ ಎಣ್ಣೆಗೆ ಪೆರಾಕ್ಸೈಡ್ ಬೆರೆಸಿ ಎರಡೂ ಕಿವಿಗಳಿಗೆ ಒಂದೆರಡು ಹನಿಯನ್ನು ಹಾಕಬೇಕು. ಇದು ಕಿವಿಯನ್ನು ಬೇಗನೆ ಶುದ್ಧಗೊಳಿಸಿಬಿಡುತ್ತದೆ. ಕಿವಿಯಲ್ಲಿ ತುಂಬಿರುವ ಎಲ್ಲಾ ಕೊಳೆಯು ಹೊರಬರುವ ತನಕ ಈ ಹನಿಗಳನ್ನು ಗಂಟೆಗೆ ಒಂದು ಬಾರಿಯಂತೆ ಹಾಕುತ್ತಿರಬೇಕು.

3. ಗ್ಲಿಸರಿನ್: ಗ್ಲಿಸರಿನ್ ಹನಿಗಳನ್ನು ಕಿವಿಗೆ ಹಾಕಿದರೆ ಕಿವಿ ಒಳಗೆ ಸೇರಿರುವ ಘನ ರೂಪದ ಕೊಳೆ ಹೊರಬಂದು ತುರಿಕೆಯನ್ನು ಕಡಿಮೆಗೊಳಿಸುತ್ತದೆ.

4. ಬೆಳ್ಳುಳ್ಳಿ: ಕೊಬ್ಬರಿ ಎಣ್ಣೆಯೊಂದಿಗೆ ಒಂದೆರಡು ಎಸಳು ಬೆಳ್ಳುಳ್ಳಿ ಹಾಕಿ ಬಿಸಿ ಮಾಡಿ ಆ ಎಣ್ಣೆಯನ್ನು ಕಿವಿಯಿಂದ ಗುಗ್ಗೆ ತೆಗೆಯಲು ಉಪಯೋಗಿಸಬಹುದು. ಇದು ಆಂಟಿ ಬ್ಯಾಕ್ಟೀರಿಯಾದಂತೆಯೂ ಕೆಲಸ ನಿರ್ವಹಿಸಿ ಕಿವಿಗೆ ಇನ್ನಿತರ ಸೋಂಕು ತಗುಲುವುದನ್ನು ತಡೆಯುತ್ತದೆ. ಆದರೆ ಬೆಳ್ಳುಳ್ಳಿ ಕಿವಿಯ ಒಳಗೆ ಹೋಗದಂತೆ ಎಚ್ಚರಿಕೆವಹಿಸಿಬೇಕು.

5. ಬಿಸಿ ಆಲಿವ್ ಎಣ್ಣೆ: ಬಿಸಿ ಮಾಡಿದ ಆಲಿವ್ ಎಣ್ಣೆ ಯನ್ನು ಮೇಲೆ ಹೇಳಿದಂತೆ ಕಿವಿಗೆ ಹಾಕಿದರೆ ಗುಗ್ಗೆಯನ್ನು ಸಂಪೂರ್ಣವಾಗಿ ಹೊರತೆಗೆಯಬಹುದು.

6. ಕಿವಿಗಳಿಂದ ಗುಗ್ಗೆ ಹೊರತೆಗೆಯಲು ಪಿನ್ನುಗಳನ್ನು, ಕಡ್ಡಿಯನ್ನು ಮತ್ತು ಇನ್ನಿತರ ವಸ್ತುಗಳನ್ನು ಉಪಯೋಗಿಸಬಾರದು. ಉತ್ತಮವಾದ ಹತ್ತಿಯನ್ನು ಹೊಂದಿರುವ ಬಡ್ಸ್ ಗಳನ್ನು ಬಳಸಬಹುದು.