ಗರ್ಭಿಣಿಯರಲ್ಲಿ ಸ್ತನ ಕ್ಯಾನ್ಸರ್ ಹೆಚ್ಚಳ: ಸಮೀಕ್ಷೆ

ಸ್ತನ ಕ್ಯಾನ್ಸರ್ ವುಳ್ಳ ಗರ್ಭಿಣಿಯರಿಗೆ ಯಾವ ಬಗೆಯ ಚಿಕಿತ್ಸೆ ನೀಡಿಡರೂ ಅನೇಕ ನ್ಯೂನತೆಯುಳ್ಳ ಶಿಶು ಜನಿಸುವುದನ್ನು ತಪ್ಪಿಸಲು ಸಾಧ್ಯವಾಗುತ್ತಿಲ್ಲ ಎಂದು ಜರ್ಮನ್ನಿನ ತಜ್ಞ ವೈದ್ಯರು ಅಭಿಪ್ರಾಯಪಟ್ಟಿದ್ದಾರೆ. ವಿವಿಧ ಹಂತಗಳ ಸ್ತನ ಕ್ಯಾನ್ಸರ್ ವುಳ್ಳ 23 ರಿಂದ 47 ವರ್ಷ ವಯಸ್ಸಿನ ಮಹಿಳೆಯರ ಮೇಲೆ ಸುಮಾರು 7 ವರ್ಷಗಳ ಕಾಲ ಅಧ್ಯಯನ ನಡೆಸಲಾಗಿದೆ.

ಕಿಮೋಥೆರೆಪಿಯಿಂದ ಹಿಡಿದು ಲಭ್ಯವಿರುವ ಎಲ್ಲಾ ಚಿಕಿತ್ಸೆವಿಧಾನಗಳನ್ನು ಬಳಸಲಾಯಿತು. ಆದರೂ, ಎರಡು ಶಿಶುಗಳು ಜನ್ಮತಳೆದ ಕೆಲ ಕ್ಷಣಗಳಲ್ಲೆ ಸಾವನ್ನಪ್ಪಿದವು. 29 ಕ್ಕೂ ಅಧಿಕ ಮಹಿಳೆಯರಿಗೆ ಗರ್ಭ ಹೊರುವುದು ಕಷ್ಟವೆನಿಸಿ ತೆಗೆಸಿಬಿಟ್ಟರು. ಕಿಮೋಥೆರಪಿ ಬಳಸದ ಗರ್ಭಿಣಿಯರಿಗೆ ನಿಗದಿತ ವೇಳೆಗಿಂತ ಮುಂಚಿತವಾಗಿ ಮಕ್ಕಳು ಹುಟ್ಟಿದವು. ಈ ಮಕ್ಕಳಲ್ಲಿ ಸಾಂಕ್ರಾಮಿಕ ರೋಗಗಳ ಹಾವಳಿ ಕೂಡಾ ಹೆಚ್ಚಾಗಿದೆ ಎಂದು ತಜ್ಞರು ಕಂಡು ಕೊಂಡಿದ್ದಾರೆ.

ಸೂರ್ಯಸ್ನಾನ ಸ್ತನ ಕ್ಯಾನ್ಸರ್ ದೂರ: ವಿಟಮಿನ್ ಡಿ ಪೋಷಕಾಂಶಗಳ ಸೇವನೆ ಮತ್ತು ಸೂರ್ಯನ ಕಿರಣಗಳಿಗೆ ಮೈ ಒಡ್ಡುವುದರಿಂದ ಸ್ತನ ಕ್ಯಾನ್ಸರ್ ಕಾಯಿಲೆಯನ್ನು ದೂರ ಇಡಬಹುದು ಫ್ರಾನ್ಸ್‌ನ ತಜ್ಞ ವೈದ್ಯರ ತಂಡ ಅಭಿಪ್ರಾಯಪಟ್ಟಿದೆ.

ಸೂರ್ಯನ ಕಿರಣಕ್ಕೆ ಅತಿಯಾಗಿ ಮೈ ಒಡ್ಡಿಕೊಳ್ಳುವವರು ಅಥವಾ ವಿಟಮಿನ್ ಡಿ ಅಂಶ ಇರುವ ಆಹಾರವನ್ನು ಅತಿ ಹೆಚ್ಚು ಸೇವಿಸುವವರಲ್ಲಿ ಸ್ತನ ಕ್ಯಾನ್ಸರ್ ಕಡಿಮೆ ಇರುವುದು ಗೊತ್ತಾಗಿದೆ. ಆದರೆ, ಅತಿಯಾಗಿ ಸೂರ್ಯ ಕಿರಣಕ್ಕೆ ಮೈ ಒಡ್ಡಿಕೊಳ್ಳುವುದು ಅಪಾಯಕಾರಿ ಎಂಬ ಎಚ್ಚರಿಕೆಯನ್ನು ತಜ್ಞರು ನೀಡಿದ್ದಾರೆ.