ಪೂನಂ ಪಾಂಡೆಗೆ ಸೀರೆ ಉಡಿಸುವವರು ಬೇಕಾಗಿದ್ದಾರೆ!

Talk Of The Town

oi-Prasad P Naik

By * ಯಶ್

Published: Wednesday, September 7, 2011, 22:56 [IST]

ಭಾರತೀಯ ಕ್ರಿಕೆಟಿಗರು ಬ್ಯಾಟಿಂಗ್ ಬೌಲಿಂಗ್ ನಲ್ಲಿ ಫೇಲಾದರೂ ಅಡ್ಡಿಯಿಲ್ಲ ಎಂಟರ್ಟೇನ್ಮೆಂಟಿಗೆ ಕಾಮನಬಿಲ್ಲಿನಂಥ ಹುಡುಗಿ ಪೂನಂ ಪಾಂಡೆ ಇದ್ದಾಳಲ್ಲ ಎಂದು ನಿದ್ದೆ ಕೆಡಿಸಿಕೊಂಡಿದ್ದ ಪಡ್ಡೆಗಳ ಕನಸನ್ನು ಕೂಡ ಕೆಡಿಸುವಂಥ ಸುದ್ದಿ ತಾಜಾತಾಜಾ ಆಗಿ ಹೊರಬಿದ್ದಿದೆ.

ಇಂಗ್ಲೆಂಡ್ ಕೈಯಲ್ಲಿ ಸದೆಬಡಿಸಿಕೊಳ್ಳುತ್ತಿರುವ ಭಾರತೀಯ ಕ್ರಿಕೆಟಿಗರನ್ನು ಹುರಿದುಂಬಿಸಲು, ಒಂದೊಂದೇ ಮ್ಯಾಚು ಗೆದ್ದರೆ ಒಂದೊಂದೆ ಬಟ್ಟೆ ಕಳಚುವುದಾಗಿ ವಾಗ್ದಾನ ಮಾಡಿದ್ದ ಕಿಂಗ್ ಫಿಷರ್ ಬೆಡಗಿ, ಹುರಿದುಂಬಿಸುವ ಕೆಲಸವನ್ನು ಅರ್ಧಕ್ಕೇ ಬಿಟ್ಟು ಮುಂಬೈನಲ್ಲಿ ಕಂಡಕಂಡಕಡೆಯೆಲ್ಲ ಶಾಪಿಂಗ್ ಮಾಡುತ್ತಿದ್ದಾಳಂತೆ.

ಶಾಪಿಂಗ್ ಮಾಡುತ್ತಿರುವುದು ಹೊಸಹೊಸ ಬ್ರಾಂಡಿನ, ಉದ್ರೇಕಿಸುವಂಥ, ಆಟಗಾರರನ್ನು ಉತ್ತೇಜಿಸುವಂಥ ಬಿಕಿನಿ ಕೊಳ್ಳಲು ಅಲ್ಲವೇ ಅಲ್ಲ. ತುಂಡು ಬಟ್ಟೆ ಸಾಕು ನನ್ನ ಮಾನ ಮುಚ್ಚೋಕೆ ಅನ್ನುತ್ತಿದ್ದ ಆಕೆ ಶಾಪಿಂಗ್ ಮಾಡುತ್ತಿರುವುದು ಮೈತುಂಬ ಹೊದೆದುಕೊಳ್ಳಲು ಸೀರೆಗಳನ್ನು.

ವಿಶ್ವಕಪ್ ಗೆದ್ದಾಗ ಬೆತ್ತಲಾಗುತ್ತೇನೆಂದಿದ್ದರೂ ಕಾಲಕೂಡಿ ಬಂದಿರಲಿಲ್ಲ. ಈಗ ಬಟ್ಟೆ ಬಿಚ್ಚಿ ಬೆತ್ತಲಾಗಲು ಕಾಲಕೂಡಿ ಬಂದಿದ್ದರೂ ನಮ್ಮ ಕ್ರಿಕೆಟ್ಟಿಗರು ಒಂದೇ ಒಂದು ಮ್ಯಾಚನ್ನೂ ಗೆಲ್ಲುತ್ತಿಲ್ಲ. ಹೀಗಾಗಿ ಬಟ್ಟೆಗಳನ್ನು ಮೈಮೇಲಿಂದ ಡ್ರಾಪ್ ಮಾಡುವ ಬದಲು, ಬಟ್ಟೆ ಕಳಚುವ ಪ್ಲಾನನ್ನೇ ಪೂನಂ ಡ್ರಾಪ್ ಮಾಡಿದ್ದಾಳೆ.

ಯಾವುದೇ ರೀತಿಯಿಂದಲಾದರೂ ಅಷ್ಟೇ ಎಷ್ಟೇ ಪ್ರೋತ್ಸಾಹಿಸಿದರೂ ಕ್ರಿಕೆಟಿಗರು ಪಂದ್ಯಗಳನ್ನು ಗೆಲ್ಲುವ ಮನಸ್ಸು ಮಾಡುತ್ತಿಲ್ಲ. ವಿಶ್ವಕಪ್ ಗೆದ್ದಾಗ ಏರಿದ್ದ ಕೊಬ್ಬು ಇನ್ನೂ ಇಳಿದಿಲ್ಲ. ಇಳಿದ ಮೇಲೆ ಬಟ್ಟೆಬಿಚ್ಚುವ ಮುಂದಿನ ಮಾತು ಎಂದು ಅಂಗಡಿಗಳಿಗೆ ಲಗ್ಗೆ ಹಾಕಿದ್ದಾಳೆ. ಹಾಗೆಯೆ, ಸೀರೆ ಉಡುವುದನ್ನು ಕಲಿಯಲು ಕ್ಲಾಸಿಗೆ ಸೇರಲು ನಿರ್ಧರಿಸಿದ್ದಾಳಂತೆ.