ಜಾಬ್ ಚೇಂಜ್ ಬಯಸುವವರಿಗೆ ಹತ್ತು ಭಯಂಕರ ಜಾಬ್

ಐಸ್ ಕ್ರೀಮ್ ಟೇಸ್ಟರ್

ಅರೇ ಸ್ವೀಟ್ ಜಾಬ್ ಅಲ್ವೇ? ಇಲ್ಲಿ ನಿಮ್ಮ ನಾಲಿಗೆಗೆ ಹೆಚ್ಚು ಕೆಲಸ. ವಿವಿಧ ಗುಣಮಟ್ಟದ ಐಸ್ ಕ್ರೀಮ್ ಟೇಸ್ಟ್ ಮಾಡಿ ರಿಪೋರ್ಟ್ ಮಾಡುತ್ತಿದ್ದರೆ ಸಾಕು. ಇಂತಹ ಉದ್ಯೋಗಗಳು ಪ್ರಮುಖ ಐಸ್ ಕ್ರೀಮ್ ಕಂಪನಿಗಳಲ್ಲಿ ಖಾಲಿ ಇರುತ್ತವೆ. ಈ ಕೆಲಸ ಮಾಡುವರಿಗೆ ಕಂಡಿಷನ್ ಏನಪ್ಪ ಅಂದ್ರೆ ಡ್ರಿಂಕ್ಸ್ ಮಾಡಬಾರದು, ಸ್ಮೋಕ್ ಮಾಡಬಾರದು, ಮತ್ತು ಫರ್ಪ್ಯೂಮ್ಸ್ ಹಾಕಬಾರದು.

ಬೆಂಕಿ ಪರಿವೀಕ್ಷಕ

ಫೈರ್ ಅಬ್ಸಾರ್ವರ್ ಅಂದ್ರೆ ಬೆಂಕಿ ಬೀಳದಂತೆ ನೋಡಿಕೊಳ್ಳುವರು. ಮುಖ್ಯವಾಗಿ ಅರಣ್ಯಗಳಿಗೆ ಬೆಂಕಿ ಬೀಳದಂತೆ ಎಚ್ಚರವಹಿಸುವರು. ಈ ಜಾಬ್ ಮಾಡುವರು ಎತ್ತರದ ಟವರ್ ಗಳಲ್ಲಿ ಕುಳಿತುಕೊಳ್ಳಬೇಕಾಗುತ್ತದೆ. ಎಲ್ಲಾದರೂ ಬೆಂಕಿ ಆಕಸ್ಮಿಕ ಕಂಡು ಬಂದರೆ ಸಂಬಂಧಪಟ್ಟ ಅಧಿಕಾರಿಗಳಿಗೆ ಸೂಚನೆ ನೀಡಿದರೆ ಸಾಕು.

ದ್ವೀಪ ಮೇಲ್ವಿಚಾರಕ

ಐಸ್ ಲ್ಯಾಂಡ್ ಗಳಲ್ಲಿ ಕೆಲಸ ಮಾಡಬಯಸುವರು ಇದಕ್ಕೆ ಅರ್ಜಿ ಹಾಕಬಹುದು. ಎಲ್ಲೋ ದೂರದ ದ್ವೀಪ ಪ್ರದೇಶಗಳಲ್ಲಿ ನಿಮಗೆ ಕೆಲಸ. ಅಲ್ಲಿ ತೋಟಗಾರಿಕೆ, ಕಾರ್ಪೆಂಟರಿ ಮತ್ತು ಇತರ ಮೈಂಟೈನ್ಸ್ ಕೆಲಸ ಮಾಡುತ್ತಿದ್ದರೆ ಸಾಕು. ಹಲವು ದ್ವೀಪಗಳ ಓನರ್ ಗಳು ಇಂತಹ ಉದ್ಯೋಗಾವಕಾಶ ನೀಡುತ್ತಿದ್ದಾರೆ.

ಮೊಟ್ಟೆ ಒಡೆಯುವರು

ಹೆಸರು ಕೇಳಿ ಇದೇನಪ್ಪ ಅನ್ನದಿರಿ. ಇದು ಮೊಟ್ಟೆ ಒಡೆದು ಅದರಿಂದ ಹಳದಿ ಮತ್ತು ಬಿಳಿ ಭಾಗಗಳನ್ನು ಬೇರೆ ಮಾಡುವ ಕೆಲಸ. ಕೆಲವು ಆಹಾರ ತಯಾರಿಸಲು ಬರೀ ಮೊಟ್ಟೆಯ ಬಿಳಿ ಬೇಕಾಗುತ್ತದೆ. ಇನ್ನು ಕೆಲವು ಆಹಾರಗಳಿಗೆ ಬರೀ ಹಳದಿ ಸಾಕಾಗುತ್ತದೆ. ಪೌಷ್ಠಿಕಾಂಶಗಳ ತಯಾರಿಕಾ ಕಂಪನಿಗಳಲ್ಲಿ ಇಂತಹ ಜಾಬ್ ಸಿಗುತ್ತದೆ.

ಬಿಯರ್ ಟೇಸ್ಟರ್

ಹೆಡ್ ಲೈನ್ ನೋಡಿಯೇ ಈ ಜಾಬ್ ಓಕೆ ಅಂದುಕೊಳ್ಳಬೇಡಿ. ಹಾಗಂತ ದಿನವಿಡಿ ಕುಡಿಯುವುದೇ ಕೆಲಸ ಅಂತ ಅಂದುಕೊಳ್ಳದಿರಿ. ಅಂತಾರಾಷ್ಟ್ರೀಯ, ರಾಷ್ಟ್ರೀಯ ಮತ್ತು ಸ್ಥಳೀಯ ಬಿಯರ್ ಬ್ರಾಂಡ್ ರುಚಿ ಕುರಿತ ಜ್ಞಾನ ಇದಕ್ಕೆ ಕಡ್ಡಾಯ. ಆದರೆ ಇಂತಹ ಉದ್ಯೋಗ ಸದ್ಯ ಎಲ್ಲೂ ಖಾಲಿ ಎಲ್ಲ. ಯಾಕೆಂದರೆ ಇದಕ್ಕೆ ಸೇರಿದವರು ಇನ್ನೂ ಕೆಲಸ ಬಿಟ್ಟಿಲ್ಲ.

ಚಿಕನ್ ಸೆಕ್ಸರ್

ಹೆಸರು ನೋಡಿ ಇದೇನಪ್ಪ ಅಂದುಕೊಳ್ಳದಿರಿ. ಇದು ಕೋಳಿ ಮರಿಗಳನ್ನು ಅವುಗಳ ಲಿಂಗಕ್ಕೆ ಅನುಗುಣವಾಗಿ ಹುಂಜ/ಹೇಂಟೆ ಎಂದು ಪ್ರತ್ಯೇಕಿಸುವ ಕೆಲಸ. ಹೆಚ್ಚಿನ ಪೌಟ್ರಿಗಳಲ್ಲಿ ಇಂತಹ ಕೆಲಸವಿರುತ್ತದೆ.

ಕ್ರೈಮ್ ಸೀನ್ ಕ್ಲೀನರ್

ಈ ಉದ್ಯೋಗ ಮಾಡುವರಿಗೆ ಸ್ವಲ್ಪ ಗುಂಡಿಗೆ ಗಟ್ಟಿ ಇರಬೇಕಾದ್ದು ಕಡ್ಡಾಯ. ಅಪಘಾತವಾದರೆ, ಕೊಲೆಗಳಾದರೆ ಆ ಸ್ಥಳವನ್ನು ಪರೀಕ್ಷಿಸಿದ ನಂತರ ಸ್ವಚ್ಛಗೊಳಿಸುವುದು ಇವರ ಕೆಲಸ.

ಐಮ್ಯಾಕ್ಸ್ ಸ್ಕ್ರೀನ್ ಕ್ಲೀನರ್

ನಾವೆಲ್ಲ ಸಿನಿಮಾಕ್ಕೆ ಹೋಗ್ತಿವಿ. ಆದ್ರೆ ಒಮ್ಮೆನೂ ಯೋಚಿಸಿಲ್ಲ. ಸಿನಿಮಾದ ಅಷ್ಟು ದೊಡ್ಡ ಪರದೆ ಕ್ಲೀನ್ ಮಾಡೋದ್ಯಾರು ಅಂತ. ಸಿನಿಮಾ ಮಂದಿರಗಳಲ್ಲಿ ಪರದೆಗಳನ್ನು ನೀಟಾಗಿ ಇರುವಂತೆ ನೋಡಿಕೊಳ್ಳುವುದು ಇವರ ಪ್ರಮುಖ ಕೆಲಸ. ಜಸ್ಟ್ ಟ್ರೈ ಮಾಡಬಹುದು. ದಿನಾಲು ಸಿನಿಮಾ ಉಚಿತವಾಗಿ ನೋಡಬಹುದೆಂದನಿಸುತ್ತೆ.

ಫರ್ನಿಚರ್ ಟೆಸ್ಟರ್

ಇಂತಹ ಜಾಬ್ ಕೂಡ ಇದೆ. ಸೋಪಾ ಇತ್ಯಾದಿ ಫರ್ನಿಚರಲ್ಲಿ ಕುಳಿತು ಅದು ಎಷ್ಟು ಆರಾಮದಾಯಕವಾಗಿದೆ ಎಂದು ಟೆಸ್ಟ್ ಮಾಡುವುದು ಇವರ ಕೆಲಸ. ಕೆಲವು ದೊಡ್ಡ ಫರ್ನಿಚರ್ ಕಂಪನಿಗಳಲ್ಲಿ ಇಂತಹ ಉದ್ಯೋಗಗಳಿವೆ.ಈಗ ಇರೋ ಕೆಲಸನೇ ಬೆಟರ್ ಅನಿಸ್ತಾ ಇದ್ಯಾ! ನಿಮಿಷ್ಟ.

ಫಾರ್ಚ್ಯುನ್ ಕುಕ್ಕಿಸ್ ಬರಹಗಾರ

ನಿಮಗೆ ಕಂಟೆಂಟ್ ಬರವಣಿಗೆ, ಟೆಕ್ನಿಕಲ್ ಬರವಣಿಗೆ ಇತ್ಯಾದಿ ಗೊತ್ತು. ಆದ್ರೆ ಇದೇನಪ್ಪ ಹಣೆಬರಹ ಬರೆಯುವ ಕೆಲಸ. ಅಪಾರ್ಥ ಮಾಡಿಕೊಳ್ಳದಿರಿ. ಅದೇನೂ ಬ್ರಹ್ಮ ವಿದ್ಯೆಯಲ್ಲ. ನಿಮ್ಮಲ್ಲಿ ಕ್ರಿಯೇಟಿವ್ ಆಗಿ ಭವಿಷ್ಯ ಬರೆಯುವ ಸಾಮರ್ಥ್ಯವಿದ್ದರೆ ಫಾರ್ಚ್ಯುನ್ ಕುಕ್ಕಿಸ್ ಕಂಪನಿಗಳಲ್ಲಿ ಕೆಲಸ ಸಿಗಬಹುದು.