Click it and Unblock the Notifications
Latest Updates
-
ಲಕ್ಷ್ಮಿ ಪೂಜೆಯ ಮುಹೂರ್ತದ ಗೊಂದಲ: ಕುಟುಂಬದ ಶಾಂತಿಗಾಗಿ ಇಲ್ಲಿದೆ ಸರಳ ಪರಿಹಾರಗಳು -
ದೀಪಾವಳಿ ಹಬ್ಬದ ಸಂಭ್ರಮ: ಡಯಾಬಿಟಿಸ್ ಇದ್ದರೂ ಸಿಹಿ ಸವಿಯಲು ಈ ಟಿಪ್ಸ್ ಫಾಲೋ ಮಾಡಿ -
ಅಯೋಧ್ಯೆ ದೀಪೋತ್ಸವ 2026: 36 ಲಕ್ಷ ದೀಪಗಳ ಬೆಳಕಿನ ವೈಭವ, ಸಂಚಾರ ಮಾರ್ಗ ಮತ್ತು ವೀಕ್ಷಣೆಯ ಟಿಪ್ಸ್ -
ದೀಪಾವಳಿ ಸಂಭ್ರಮದಲ್ಲಿ ಬೆನ್ನು ನೋವಾ? ಲಕ್ಷ್ಮಿ ಪೂಜೆಗೂ ಮುನ್ನ ಈ 7 ನಿಮಿಷದ ಸ್ಟ್ರೆಚಿಂಗ್ ಟ್ರೈ ಮಾಡಿ! -
ದೀಪಾವಳಿ ಸಂಭ್ರಮಕ್ಕೆ ಮೆಗಾ ಬ್ಲಾಕ್ ಅಡ್ಡಿ: ಮುಂಬೈ ರೈಲು ಪ್ರಯಾಣಿಕರೇ ಎಚ್ಚರ, ಪ್ಲಾನ್ ಬದಲಾಯಿಸಿ! -
ದೀಪಾವಳಿ ಸಿಹಿ ತಿಂಡಿಗಳಲ್ಲಿ ಕಲಬೆರಕೆ? 30 ಸೆಕೆಂಡ್ಗಳಲ್ಲಿ ಪರೀಕ್ಷಿಸಿ ನಿಮ್ಮ ಕುಟುಂಬದ ಆರೋಗ್ಯ ಕಾಪಾಡಿ! -
ಬಿಗ್ ಬಾಸ್ ಕನ್ನಡ 13: ಈ ವಾರ ಎಲಿಮಿನೇಷನ್ ಇಲ್ಲವೇ? ಭಾವುಕ ಪತ್ರಗಳೇ ಬದಲಾಯಿಸಿದ ಆಟದ ಸಮೀಕರಣ! -
ದೆಹಲಿ ವಾಯುಮಾಲಿನ್ಯದ ಭೀತಿ: ಮನೆಯಲ್ಲೇ 12 ನಿಮಿಷದ ಸರಳ ವರ್ಕೌಟ್ ಮೂಲಕ ಆರೋಗ್ಯ ಕಾಪಾಡಿಕೊಳ್ಳಿ -
ವಾಟ್ಸಾಪ್ನಲ್ಲಿ ದೀಪಾವಳಿ ಬೋನಸ್ ಲಿಂಕ್ ಬಂದಿದೆಯೇ? ಮೋಸ ಹೋಗುವ ಮುನ್ನ ಈ 30 ಸೆಕೆಂಡ್ ಕೆಲಸ ಮಾಡಿ! -
ದೆಹಲಿ ಮಾಲಿನ್ಯದ ಭೀತಿ: ₹150 ಬಜೆಟ್ನಲ್ಲಿ ನಿಮ್ಮ ಆರೋಗ್ಯ ರಕ್ಷಿಸುವ ಆಂಟಿ-ಸ್ಮಾಗ್ ಡಯಟ್ ಪ್ಲಾನ್ ಇಲ್ಲಿದೆ!
ಯುಕೆ ಡೌನ್ಟೌನ್ನಲ್ಲಿ ಪಿಪ್ಪಾ ಮಿಡ್ಲಟನ್ ಳದ್ದೇ ಸುದ್ದಿ
ಆಕೆ ಮತ್ತಾರೂ ಇಲ್ಲ, ಏ. 29ರಂದು ಪ್ರಿನ್ಸ್ ವಿಲಿಯಂ ಮತ್ತು ಕೇಟ್ ಮಿಡಲ್ ಟನ್ ಸಹಸ್ರಾರು ಜನರ ಸಮ್ಮುಖದಲ್ಲಿ ಸತಿಪತಿಗಳಾದ ಸುದಿನ, ಅವರಿಬ್ಬರಿಂತ ಹೆಚ್ಚು ಕಣ್ಣುಗಳನ್ನು ಸೂಜಿಗಲ್ಲಿನಂತೆ ಸೆಳೆದ, ಹೃದಯ ಕದ್ದ ಪೋರಿ ಫಿಲಿಪ್ಪಾ ಚಾರ್ಲೊಟ್ಟಿ ಮಿಡಲ್ ಟನ್. ಶಾರ್ಟ್ ಅಂಡ್ ಸ್ವೀಟಾಗಿ ಪಿಪ್ಪಾ ಮಿಡಲ್ ಟನ್. ಪಿಪ್ಪಾ ಕೇಂಬ್ರಿಜ್ ನ ಡಚೆಸ್ ಆಗಿರುವ ಕೇಟ್ ಳ 27ರ ಹರೆಯದ ಮುದ್ದಿನ ತಂಗಿ. ಪಿಪ್ಪಾ ತನ್ನ ಅಕ್ಕ ವಿಲಿಯಂನನ್ನು ಮದುವೆಯಾಗುವ ಸಂದರ್ಭದಲ್ಲಿ ಅಕ್ಕನ ಗೌನಿನ ಚುಂಗನ್ನು ಹಿಡಿದು 'ಮೇಡ್ ಆಫ್ ಆನರ್' ಗೌರವ ಪಡೆದ ಚೆಲುವೆ.
ಫೇಸ್ ಬುಕ್ಕಲ್ಲಿ, ಟ್ವಿಟ್ಟರುಗಳಲ್ಲಿ ಅಕ್ಕನ ಮುಖ ಕೆಂಪಾಗುವಂತೆ, ಹೊಟ್ಟೆಕಿಚ್ಚಿನಿಂದ ಉರಿದಾಡುವಂತೆ ಪಿಪ್ಪಾಳ ಬಗ್ಗೆ ಚರ್ಚೆಗಳಾಗಿವೆ. ಆಕೆಯ ವದನಾರವಿಂದಕ್ಕಿಂತ ಬಳುಕುವ ಸೊಂಟದ ಬಗ್ಗೆ ಊಟ, ತಿಂಡಿ, ನಿದ್ದೆ ಬಿಟ್ಟು ವಿಚಾರಸಂಕಿರಣ ನಡೆಸಿದ್ದಾರೆ. ಟೇಪು ಹಿಡಿದು ಅಳೆದವರಂತೆ ಸೊಂಟದ ಸುತ್ತಳತೆಯ ಅಂಕಿಅಂಶಗಳನ್ನು ನೀಡಿದ್ದಾರೆ. ಬಕ್ಕಿಂಗ್ ಹ್ಯಾಮ್ ಪ್ಯಾಲೇಸ್ ನ ಬಾಲ್ಕನಿಯಲ್ಲಿ ನಿಂತ ಪಿಪ್ಪಾ ಮತ್ತು ಪ್ಲೇಬಾಯ್ ಹ್ಯಾರಿ ಜೋಡಿ ಎಷ್ಟು ಚೆಂದ ಕಾಣುತ್ತಲ್ವಾ? ಪಿಪ್ಪಾ ತನ್ನ ಇನಿಯನಿಗೆ ಕೈಕೊಟ್ಟು, ಹ್ಯಾರಿ ತನ್ನ ಪ್ರಿಯತಮೆಗೆ ಠೇಗಾ ಹಾಕಿ, ಇವರಿಬ್ಬರೂ ಮದುವೆ ಆಗೇ ಆಗುತ್ತಾರೆ ಎಂದು ಬೆಟ್ ಕಟ್ಟಿದವರಿದ್ದಾರೆ.
ಈ ಅಭಿಮಾನ ಯಾವ ಮಟ್ಟಿಗೆ ಹೋಗಿದೆಯೆಂದರೆ, ಪಿಪ್ಪಾ ಕುಂಡಿ ಕೊಂಡಾಡುವ ಸಂಘ (ಪಿಪ್ಪಾ ಮಿಡಲ್ಟನ್ ಆಸ್ ಅಪ್ರಿಸಿಯೇಷನ್ ಸೊಸೈಟಿ) ಫೇಸ್ ಬುಕ್ ಪೇಜನ್ನು ತೆರೆದು ಆಕೆಯ ಪೃಷ್ಠ ಸೌಂದರ್ಯೋಪಾಸನೆಗೆ ಮುಡುಪಾಗಿಟ್ಟಿದೆ. ಸದ್ಯಕ್ಕೆ ಪಿಪ್ಪಾ ಮಿಡಲ್ ಟನ್ ನೇರಳೆ ಬಣ್ಣದ ಕಂಚುಕ ತೊಟ್ಟು ನಲಿದಾಡುತ್ತಿರುವ ಚಿತ್ರ ರಾಜ ಮನೆತನದ ಕಣ್ಣು ಕೆಂಪಾಗಿಸಿದೆ, ವಿಶ್ವದಾದ್ಯಂತ ರಸಿಕರ ಕಣ್ಣು ತಂಪಾಗಿಸಿದೆ.
ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿರುವ ವಿವಿಡ್ ಎಂಟರ್ಟೇನ್ಮೆಂಟ್ ಎಂಬ ಸಂಸ್ಥೆ ಪಿಪ್ಪಾ ಮಿಡಲ್ ಟನ್ ಗೆ ಒಂದು ಪತ್ರ ಬರೆದಿದ್ದು, ವಯಸ್ಕರ ಸಿನೆಮಾದಲ್ಲಿ ನ್ಯಾಚುರಲ್ ಆಗಿ ನಟಿಸಬೇಕೆಂದು 50 ಲಕ್ಷ ಡಾಲರ್ ಗಂಟನ್ನು ಆಕೆಯ ಮುಂದಿಟ್ಟಿದೆ. ಜಾಸ್ತಿಯೇನು ಬೇಡ, ಒಂದೇ ಒಂದು ದೃಶ್ಯದಲ್ಲಿ ರೋಚಕ ದೃಶ್ಯದಲ್ಲಿ ನಟಿಸಿಬಿಡು, ಬೇಕಾದರೆ ನಿನ್ನ ಸಂಗಾತಿಯನ್ನು ನೀನೇ ಆಯ್ದುಕೊ ಎಂಬ ಆಪ್ಶನ್ ಮುಂದಿಟ್ಟಿದ್ದಾರೆ. ಯಾರಿಗುಂಟು ಯಾರಿಗಿಲ್ಲ? ಆದರೆ, ಈ ಸಿನೆಮಾ ಆಫರನ್ನು ಪಿಪ್ಪಾ ಒಪ್ಪಿಕೊಂಡ ಸುದ್ದಿಯಿನ್ನೂ ಬಂದಿಲ್ಲ.
Continue with Google
