Valentines Day 2025: ಟೆಡ್ಡಿ ದಿನದ ವಿಶೇಷ ಏನ್ ಗೊತ್ತಾ? ಕರಡಿ ಬೇಟೆಗೂ ಈ ದಿನಕ್ಕೂ ಇದೆ ನಂಟು..!!

ಪ್ರೇಮಿಗಳ ದಿನಕ್ಕೆ ದಿನಗಣನೆ ಆರಂಭವಾಗಿದೆ, ಈಗ ದಿನಕ್ಕೊಂದು ಆಚರಣೆ ನಡೆದಯುತ್ತಿದೆ. ಪ್ರೇಮಿಗಳ ವಾರದ ನಾಲ್ಕನೇ ದಿನದಂದು ಟೆಡ್ಡಿ ಡೇ ನಡೆಯಲಿದೆ. ಈ ಹಿಂದಿನ ಮೂರು ದಿನಗಳಲ್ಲಿ ರೋಸ್ ಡೇ, ಪ್ರಪೋಸ್ ಡೇ, ಚಾಕೋಲೆಟ್ ಡೇ ಆಚರಿಸಿಕೊಂಡಿದ್ದಾರೆ. ಪ್ರೇಮಿಗಳ ಫೆಬ್ರವರಿ 14ರ ವರೆಗೆ ಒಂದಲ್ಲಾ ಒಂದು ಆಚರಣೆಯಲ್ಲಿ ಕಳೆಯುತ್ತಾರೆ. ಅದರಲ್ಲೂ ಈ ಟೆಡ್ಡಿ ಡೇ 4ನೇ ದಿನದ ಆಚರಣೆಯಾಗಿದೆ.

ಈ ದಿನಂದು ಪ್ರೇಮಿಗಳು ಪರಿಸ್ಪರ ಉಡುಗೊರೆ ವಿನಿಮಯ ಮಾಡಿಕೊಳ್ಳುವುದು ನೋಡಬಹುದು ಅದರಲ್ಲೂ ಹೆಚ್ಚಾಗಿ ಹುಡುಗರು ತನ್ನ ಪ್ರೇಯಸಿಗೆ ಟೆಡ್ಡಿಯನ್ನು ಗಿಫ್ಟ್ ಆಗಿ ನೀಡುವ ದಿನವಾಗಿದೆ. ಈ ದಿನ ಯಾವುದಾದರು ಗೊಂಬೆ, ಪ್ರಾಣಿ, ಪಕ್ಷಿ, ಹಾರ್ಟ್‌ ಆಕಾರದ ಟೆಡ್ಡಿಯನ್ನು ನೀಡುವ ಸಂಪ್ರದಾಯವಿದೆ. ಮಕ್ಕಳಿಂದ ಹಿಡಿದು ಹುಡುಗಿಯರಿಗೆ ಈ ಟೆಡ್ಡಿಗಳೆಂದರೆ ಬಹಳ ಇಷ್ಟವಿರುತ್ತೆ.

ಪ್ರತಿ ವರ್ಷ ಬರುವಂತೆ ಈ ವರ್ಷ ಕೂಡ ಟೆಡ್ಡಿ ದಿನ ಆಚರಿಸಲಾಗುತ್ತೆ. ಈ ದಿನ ಪ್ರೇಮಿಗಳು ಸಂತಸದಲ್ಲಿ ಉಡುಗೊರೆಗಳ ವಿನಿಮಯ ಮಾಡಿಕೊಳ್ಳುವುದು ನೋಡಬಹುದು. ಪ್ರೀತಿಯ ಸವಿ ನೆನಪಿಗಾಗಿ ಈ ದಿನ ಟೆಡ್ಡಿಯನ್ನು ನೀಡಲಾಗುತ್ತದೆ. ಆದರೆ ಈ ಟೆಡ್ಡಿ ದಿನ ಆಚರಿಸುವುದು ಏಕೆ? ಯಾರು ಮೊದಲು ಆರಂಭಿಸಿದ್ದರು ಎಂಬ ಕುರಿತ ಇತಿಹಾಸ ನಿಮಗೆ ಗೊತ್ತಿದ್ಯಾ?

ಟೆಡ್ಡಿ ಡೇ ಅನ್ನೋದು ಬಹಳ ಹಿಂದಿನ ಇತಿಹಾಸಕ್ಕೆ ಕರೆದೊಯ್ಯುತ್ತೆ. ನೀವು ಟೆಡ್ಡಿ ಬೇರ್ ಹೆಸರು ಕೇಳುತ್ತಲೇ ಇರುತ್ತೀರಿ. ಅಂದರೆ ಒಂದು ಸುಂದರ ಕರಡಿ ಎನ್ನಬಹುದು. ಟೆಡ್ಡಿ ಬೇರ್ ಎನ್ನುವ ಹಸರು ಕೂಡ ಹಾಗೆಯೇ ಹುಟ್ಟಿಕೊಂಡಿದಲ್ಲ. ಅದಕ್ಕೊಂದು ಇತಿಹಾಸದ ಕಥೆ ಇದೆ. 1902ರಲ್ಲಿ ಆಗಿನ ಅಮೆರಿಕ ಅಧ್ಯಕ್ಷ ಥಿಯೋಡರ್ ಟೆಡ್ಡಿ ರೂಸ್ವೆಲ್ಟ್ ಹೆಸರು ಈ ಟೆಡ್ಡಿ ಬೇರ್ ಎಂಬ ಹೆಸರಿಗೆ ಕಾರಣವಾಗಿದೆ.

ಹಾಗಾದ್ರೆ ಈತ ಯಾರು? ಈತನಿಗೂ ಟೆಡ್ಡಿ ಬೇರ್‌ಗೂ ಇರುವ ಸಂಬಂಧವೇನು ಅನ್ನೋದೆ ಕುತೂಹಲಕಾರಿ ಸಂಗತಿಯಾಗಿದೆ. 1902ರಲ್ಲೀ ಈ ಥಿಯೋಡರ್ ಟೆಡ್ಡಿ ರೂಸ್ವೆಲ್ಟ್ ಬೇಟೆಯಾಡಲು ಕಾಡಿಗೆ ಹೋದರು. ಆದರೆ ಅಲ್ಲಿ ಅವರಿಗೆ ಒಂದು ಕರಡಿಯನ್ನು ಕಟ್ಟಿ ಹಾಕಿ ಅದಕ್ಕೆ ಬಂದೂಕಿನಿಂದ ಗುಂಡು ಹಾರಿಸಿ ಕೊಲ್ಲುವಂತೆ ಹೇಳಲಾಯಿತು. ಆದರೆ ಕಟ್ಟಿ ಹಾಕಿದ್ದ ಕರಡಿ ನೋಡಿ ಟೆಡ್ಡಿ ಗುಂಡು ಹಾರಿಸದೆ ಇರಲು ಮುಂದಾದರು.

ಕರಡಿ ಅವರತ್ತ ನೋಡುತ್ತಿದ್ದಂತೆ ಬಂದೂಕು ಕೆಳಗಿಳಿಸಿ ಕರಡಿಯನ್ನು ಹೊಡೆಯುವುದಿಲ್ಲ ಎಂದು ಅದನ್ನು ಬಿಟ್ಟುಬಿಡುವಂತೆ ಹೇಳಿ ಕಾಡಿನಿಂದ ವಾಪಾಸು ಬಂದರಂತೆ. ಅಧ್ಯಕ್ಷ ಟೆಡ್ಡಿ ರೂಸ್ವೆಲ್ಟ್ ಅವರ ಕರುಣಾಜನಕ ಕಥೆ ಕ್ಲಿಫರ್ಡ್ ಬೆರ್ರಿಮನ್ ಎಂಬುವರ ಗಮನ ಸೆಳೆಯಿತು. ಅವರು ಕಾರ್ಟೂನ್ ಚಿತ್ರ ರಚಿಸುವವರಾಗಿದ್ದರು. ಅವರು ಟೆಡ್ಡಿ ಹಾಗೂ ಬೇರ್ ಎಂದು ಕರೆದು ಕಾರ್ಟೂನ್ ರಚಿಸಿದರು.

ಅವರು ರಚಿಸಿದ ಕಾರ್ಟೂನ್ ಬಹಳ ಫೇಮಸ್ ಆಗಿತ್ತು. ಅನಂತರ ಆ ಕರಡಿಯ ಮೃದುವಾದ ಟೆಡ್ಡಿಗಳು ಮಾರುಕಟ್ಟೆಗೆ ಬಂದವು. ಎಲ್ಲರು ಅದನ್ನು ಟೆಡ್ಡಿ ಬೇರ್ ಎಂದು ಕರೆಯಲು ಆರಂಭಿಸಿದರು. ಇದಾದ ಬಳಿಕ ಪ್ರಪಂಚದಾದ್ಯಂತ ಈ ಟೆಡ್ಡಿ ಬೇರ್ ಫೇಮಸ್ ಆಗಿಬಿಟ್ಟಿತು. ಅನಂತರ ಈ ಟೆಡ್ಡಿ ಬೇರ್ ಹಲವು ರೂಪಾಂತರಗೊಂಡು ಮಕ್ಕಳು ಹಿರಿಯರು ಇಷ್ಟಪಡುವ ಆಟಿಕೆಯಾಯಿತು.

ಈಗ ಪ್ರೇಮಿಗಳ ದಿನದಂದು ಕೂಡ ಟೆಡ್ಡಿ ಬೇರ್ ನೀಡುವ ಸಂಪ್ರದಾಯ ನಡೆದು ಬಂದಿದೆ.