ಇಂಥ ಹುಡುಗನ ಪಡೆದ ಈ ಹುಡುಗಿ ಅದೃಷ್ಟವಂತಳಾ, ನತದೃಷ್ಟಳಾ ಒಂದು ಗೊತ್ತಾಗ್ತಾ ಇಲ್ಲ!

ಸಾಮಾಜಿಕ ತಾಣದಲ್ಲಿ ಪರಿಶುದ್ಧ ಪ್ರೀತಿಯ ವೀಡಿಯೋವೊಂದು ವೈರಲ್ ಆಗುತ್ತಿದೆ, ಆ ಪ್ರೀತಿ ನೋಡಿದವರ ಕಣ್ಣಂಚು ಒದ್ದೆಯಾಗುತ್ತೆ, ಛೇ! ಪಾಪ ದೇವರು ಹೀಗೆ ಮಾಡಬಾರದಿತ್ತು ಎಂದು ನಮಗೆ ನಾವೇ ಹೇಳಿಕೊಳ್ಳುತ್ತೇವೆ, ಆ ವೀಡಿಯೋದಲ್ಲಿ ಸಂಭ್ರಮವಿದ, ದುಃಖವಿದೆ, ಅಷ್ಟೇ ಗಾಢವಾದ ಪ್ರೀತಿಯಿದೆ.

ಆ ವೀಡಿಯೋದಲ್ಲಿ ಏನಿದೆ?
ಒಂದು ಕುಟುಂಬ ಹೊಸ ಕಾರ್‌ ಖರೀದಿಗೆ ಬಂದಿದೆ, ಕಾರು ಖರೀದಿ ಎಂದ ಮೇಲೆ ಅಲ್ಲಿ ಸಂಭ್ರಮವಿರುತ್ತೆ, ಆದರೆ ಆ ವೀಡಿಯೋ ಸಂಪೂರ್ಣ ನೋಡುವಾಗ ನಮ್ಮ ಕಣ್ಣುಗಳು ಒದ್ದೆಯಾಗುತ್ತೆ, ಹುಡುಗರ್ ಪ್ರೀತಿ ಕೊನೆವರೆಗೂ ಇರುತ್ತೆ ಅನ್ನೋಕೆ ಈ ವೀಡಿಯೋನೆ ಸಾಕ್ಷಿ ಎಂಬ ಕ್ಯಾಪ್ಷನ್‌ ನೀಡಿ ಈ ವೀಡಿಯೋವನ್ನು ಇನ್‌ಸ್ಟಾಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ.

ಕುಟುಂಬದವರ ಜೊತೆ ಆ ಹುಡುಗ ಕಾರ್ ಖರೀದಿಗೆ ಬಂದಿದ್ದಾನೆ, ಕಾರ್ ಖರೀದಿ ಬಳಿಕ ಮೊದಲು ಗಾಡಿಯಲ್ಲಿ ಕೂರುವ ಸಂಭ್ರಮವಿರುತ್ತಲ್ಲ, ಆದರೆ ಈ ಹುಡುಗ ಕಾರಿನಲ್ಲಿ ಮೊದಲು ತಾನ ಕೂರಲಿಲ್ಲ, ತನ್ನ ಜೊತೆ ಬಂದ ಮನೆಯವರನ್ನೂ ಕೂರಿಸಲಿಲ್ಲ ಬದಲಾಗಿ ತನ್ನ ಪ್ರಿಯತಮೆಯನ್ನು ಕೂರಿಸುತ್ತಾನೆ, ಅವನ ಕಲ್ಪನೆಯಲ್ಲಿ ಅವಳೇ ಕೂತಿದ್ದಾಳೆ, ಆದರೆ ಆಕೆಯ ಫೋಟೊವನ್ನು ಇಟ್ಟಿರುವುದು. ಆಕೆಯ ಫೋಟೊವಿಟ್ಟು ಅದಕ್ಕೆ ಹೂಗುಚ್ಚ ಅರ್ಪಿಸಿ, ಪೋಟೋಗೆ ಮುತ್ತಿಕ್ಕಿ ಬಿಕ್ಕಿ ಬಿಕ್ಕಿ ಅಳುತ್ತಿರುವ ವೀಡಿಯೋ ನೋಡುವಾಗ ಅಯ್ಯೋ ಅನಿಸುತ್ತೆ.

ಅಂಥ ಪ್ರೀತಿ ದೇವರು ಉಳಿಸಲಿಲ್ಲ!
ತುಂಬಾ ಒಳ್ಳೆಯ ಪ್ರೀತಿಯನ್ನು ಸಹಿಸಲು ಆ ದೇವರಿಗೆ ಸಾಧ್ಯವಿಲ್ಲ ಎಂಬ ಮಾತು ಹೇಳುತ್ತಾರೆ, ಆದರೆ ಈ ಜೋಡಿ ನೋಡುವಾಗ ಆ ಮಾತು ಅಕ್ಷರಶಃ ನಿಜವೆನಿಸುತ್ತೆ, ಅವನು ಅವಳನ್ನು ಎಷ್ಟೊಂದು ಪ್ರೀತಿಸುತ್ತಾನೆ ಎಂಬುವುದು ಈ ವೀಡಿಯೋದಿಂದ ಗೊತ್ತಾಗುತ್ತೆ, ಆದರೆ ಆ ಹುಡುಗಿ ಈಗ ಇಲ್ಲ, ಆಕೆ ಇಂಥ ಹುಡುಗನನ್ನು ತನ್ನ ಬದುಕಿನಲ್ಲಿ ಪಡೆದಿರುವುದಕ್ಕೆ ತುಂಬಾನೇ ಅದೃಷ್ಟವಂತಳು ಅನಿಸುತ್ತೆ, ಆದರೆ ಇಂಥ ಹುಡುಗನ ಜೊತೆ ಬಾಳುವ ಅದೃಷ್ಟ ಆಕೆಗೆ ಇರದಾಯ್ತಲ್ಲ ಎಂಬ ಬೇಸರವೂ ಮೂಡುವುದು.

ಸುಂದರವಾದ, ನಿಜವಾದ ಪ್ರೀತಿ ಯಾವತ್ತಿಗೂ ಸಾಯುವುದಿಲ್ಲ
ಹೌದು ಪ್ರೀತಿ ಹುಟ್ಟಿದ ಮೇಲೆ ಅದು ನಿಜವಾದ ಪ್ರೀತಿಯಾಗಿದ್ದರೆ ಕಾರಣ ಎಷ್ಟು ದೊಡ್ಡದೇ ಆಗಿರಲಿ, ಬೇರೆಯಾಗುವುದಿಲ್ಲ ಎಂಬ ಇಂಥ ಅನೇಕ ಉದಾಹರಣೆಗಳು ಸಿಗುತ್ತವೆ, ಆಕರ್ಷಣೆ, ದೈಹಿಕ ಖುಷಿಗಾಗಿ ಪ್ರೀತಿ ಎಂಬ ಹೆಸರಿಟ್ಟಾಗ ಮಾತ್ರ ಒಂದು ಚಿಕ್ಕ ಭಿನ್ನಾಭಿಪ್ರಾಯ ಬಂದರೂ ಪ್ರೀತಿ ಮುರಿದು ಹೋಗುತ್ತೆ ಅಥವಾ ಪ್ರೀತಿಯಲ್ಲಿ ಮೋಸ ಆಗುತ್ತೆ, ಅದೇ ಮನಸಾರೆ ಪ್ರೀತಿಸಿದರೆ ಆ ಪ್ರೀತಿಯಲ್ಲಿ ಎಂಥದ್ದೇ ಸವಾಲುಗಳು ಬರಲಿ ಒಂದಾಗಿ ಇರುತ್ತಾರೆ, ಸಾವೇ ಬೇರ್ಪಡಿಸಿದರೂ ಅವರ ಪ್ರೀತಿಯಂತೂ ಕಿಂಚಿತ್ತು ಕಡಿಮೆಯಾಗಲ್ಲ.

ಹುಡುಗರ ಪ್ರೀತಿ ತುಂಬಾ ಸ್ಟ್ರಾಂಗ್ ಕೂಡ ಹೌದು
ಹುಡುಗಿಯರ ಪ್ರೀತಿಹುಡಗರಿಗಿಂತ ಕಡಿಮೆ ಅಂತಲ್ಲ, ಆದರೆ ಹುಡುಗರಂತೆ ಹುಡುಗಿಯರು ಪ್ರೀತಿಸಲ್ಲ, ಪ್ರೀತಿಯಲ್ಲಿ ಸೋತಾಗ ಹುಡುಗರು ಹುಚ್ಚರಾಗುವಂತೆ ಹುಡುಗಿಯರು
ಆಗುವುದು ಕಡಿಮೆ ಅಲ್ವಾ? ತನ್ನವಳು ತೀರಿ ಹೋದ ಮೇಲೆ ತಾನು ಕೊಂಡ ಕಾರಿನಲ್ಲಿ ಮೊದಲು ಅವಳೇ ಕೂರಬೇಕೆಂದರೆ ಅವನ ಪ್ರೀತಿ ನಿಜಕ್ಕೂ ಗ್ರೇಟ್‌ ಅಂತ ಅನಿಸುತ್ತೆ ಅಲ್ವಾ?

ಪ್ರೀತಿ ಮಾಡಬಾರದು, ಮಾಡಿದರೆ ಹೀಗೆ ಮಾಡಬೇಕು ನೋಡಿ.....