ಮಗಳಿಗೆ ಕಂಕಣ ಯೋಗ ಕೂಡಿ ಬರಲು ವಾಸ್ತು ಟಿಪ್ಸ್

ಕೋಣೆಯ ದಿಕ್ಕು

ಮದುವೆಯಾಗ ಬೇಕಾಗಿರುವ ಹುಡುಗಿ ಬೆಡ್‌ ರೂಂನ ಬಾಗಿಲು ವಾಯುವ್ಯ ದಿಕ್ಕಿನಲ್ಲಿರಬೇಕು. ನೈರುತ್ಯ ದಿಕ್ಕಿನಲ್ಲಿ ಬಾಗಿಲು ಇರಲೇಬಾರದು, ಇದ್ದರೆ ಮದುವೆ ವಿಳಂಬವಾಗುವುದು.

ಬೆಡ್‌ರೂಂನ ದೀಪ

ಬೆಡ್‌ರೂಂ ಬೆಳಕು ಕೋಣೆಯೊಳಗೆ ಪಾಸಿಟಿವಿಟಿ ತುಂಬುವಂತೆ ಇರಬೇಕು. ಸ್ವಲ್ಪ ಕಲರ್‌ಫುಲ್ ಆದ ಬೆಳಕು ಕೋಣೆಯಲ್ಲಿರಲಿ.

ಬೆಡ್‌ ಶೀಟ್

ಹೂವಿನ ಅಲಂಕಾರದ ಪಿಂಕ್ ಅಥವಾ ಹಳದಿ ಬಣ್ಣದ ಕಲರ್‌ ಫುಲ್‌ ಬೆಡ್‌ಶೀಟ್ ಹಾಸಿ.. ಈ ಬಣ್ಣಗಳು ಮನಸ್ಸಿಗೂ ಖುಷಿ ನೀಡುವುದು, ಇವುಗಳು ಅದೃಷ್ಟದ ಬಣ್ಣಗಳೆಂದು ಹೇಳಲಾಗುವುದು.

ಗೋಡೆಯ ಬಣ್ಣ

ಗೋಡೆಗೆ ಲೈಟ್‌ ಬಣ್ಣವಿರಲಿ, ಕಪ್ಪು ಅಥವಾ ಕಂದು ಬಣ್ಣದ ಪೇಯಿಂಟ್ ಹಚ್ಚಬೇಡಿ.

ಮಲಗುವ ಭಂಗಿ

ತಲೆ ಪೂರ್ವದ ಕಡೆಗೆ ಇದ್ದರೆ ಕಾಲು ಪಶ್ಚಿಮದ ಕಡೆಗೆ ಇರಬೇಕು. ಆ ರೀತಿಯಲ್ಲಿ ಮಲಗಬೇಕು. ಮನೆಯಲ್ಲಿ ಪ್ರತಿಯೊಬ್ಬರೂ ಇದೇ ದಿಕ್ಕಿನಲ್ಲಿ ಮಲಗಬೇಕು.

ಕನ್ನಡಿ

ಕೋಣೆಯ ಒಳಗಡೆ ನಿಲುಗನ್ನಡಿ ಇಡಬೇಕು, ಆದರೆ ಬೆಡ್‌ಗೆ ವಿರುದ್ಧವಾಗಿ ಇಡಬಾರದು. ಕನ್ನಡಿಯನ್ನು ಪೂರ್ವ ಅಥವಾ ದಕ್ಷಿಣ ಭಾಗದಲ್ಲಿ ಇಡಬಹುದು, ಆದರೆ ಬೆಡ್‌ನ ಪ್ರತಿಬಿಂಬ ಕನ್ನಡಿಯಲ್ಲು ಬೀಳುವಂತೆ ಇಡಬಾರದು.

ಹೂಗಳು

ಒಂದು ಪಾತ್ರೆಯಲ್ಲಿ ನೀರು ಹಾಕಿ ಅದರಲ್ಲಿ ತಾಜಾ ಹೂಗಳನ್ನು ಹಾಕಿಡಿ. ಹಳೆಯ ಹೂಗಳನ್ನು ಬಿಸಾಡಿ ಹೊಸ ಹೂಗಳನ್ನು ಇಡಿ.

ಬೆಡ್‌ನ ಕೆಳಗಡೆ

ಬೆಡ್‌ನ ಕೆಳಗಡೆ ಏನೂ ಇಡಬಾರದು, ಖಾಲಿ ಇಡಬೇಕು. ಬೆಡ್‌ನ ಕೆಳಗಡೆ ವಸ್ತುಗಳನ್ನು ಇಡುವುದರಿಂದ ಮದುವೆ ವಿಳಂಬವಾಗುವುದು. ಅಲ್ಲದೆ ಬೆಡ್‌ನ ಮನೆಯ ಪ್ರಗತಿಗೂ ಕೂಡ ಬೆಡ್‌ ಕೆಳಗಡೆ ಏನೂ ಇಡಬಾರದು ಎಂದು ವಾಸ್ತು ಶಾಸ್ತ್ರ ಹೇಳುತ್ತದೆ.

ಬಟ್ಟೆ

ಕೆಂಪು ಬಟ್ಟೆ ಧರಿಸುವುದು ಒಳ್ಳೆಯದು. ಕೆಂಪು ಎಂಬುವುದು ಪ್ರೀತಿಯ ಸಂಕೇತ ಅಲ್ಲದೆ ಪಾಸಿಟಿವ್‌ ವೈಬ್ಸ್ ಕೂಡ ತರುತ್ತದೆ ಎಂದು ಹೇಳಲಾಗುವುದು.

ಸ್ಪಟಿಕ

ಕೋಣೆಯೊಳಗೆ ಸ್ಪಟಿಕ ಇಡುವುದರಿಂದ ಮದುವೆ ಇರುವ ಅಡೆತಡೆಗಳು ದೂರವಾಗುವುದು ಎಂದು ಹೇಳಲಾಗುವುದು. ಇದನ್ನು ಕೋಣೆಯೊಳಗಡೆ ಅಥವಾ ನಿಮ್ಮ ಬೆಡ್‌ ಸಮೀಪ ಇಡುವಂತೆ ಸೂಚಿಸಲಾಗುವುದು.

ಅಲಂಕಾರ

ಕೋಣೆಯ ಅಲಂಕಾರಕ್ಕೆ ಲವ್‌ಬರ್ಡ್ಸ್‌ ಚಿತ್ರ ಅಥವಾ ಮೂರ್ತಿಗಳನ್ನು ತಂದಿಡಿ. ಇದನ್ನು ನೈರುತ್ಯ ಭಾಗದಲ್ಲಿಡಿ.