ಅರೇಂಜ್ ಮ್ಯಾರೇಜ್ ಆದ್ರೂ ನಮ್ಮದು ಒಂಥರಾ ಲವ್ ಸ್ಟೋರಿನೆ!

ಮೊದಲ ಭೇಟಿಯಲ್ಲೇ ಮೂಡಿತು ಅನುರಾಗ

ಮೊದಲ ಭೇಟಿಯಲ್ಲಿ ನಿನ್ನ ಕಣ್ತುಂಬಿಕೊಂಡ ಕ್ಷಣ, ಆಡಿದ ಕೆಲವೇ ಕೆಲವು ಮಾತುಗಳು, ಬೇಸರವಾದಾಗ ನಿನ್ನ ತೋಳತೆಕ್ಕೆಯಲ್ಲಿ ನೀ ಹೇಳಿದ ಸಾಂತ್ವನ, ಆಗಗ ಮುನಿಸು, ಮತ್ತೆ ಚಿಕ್ಕ ಜಗಳ, ಮಗದೊಮ್ಮೆ ಪ್ರೇಮ ಗೀತೆ, ಮಾತನಾಡದೆ ಮೌನವಾಗಿ ರಾಜಿ ಮಾಡಿಕೊಂಡ ಕ್ಷಣಗಳು.

ನಮ್ ಲೈಫ್ ಒಂದು ಸುಂದರಕಾಂಡ

ನೆನಪು ಮಾಡಿಕೊಂಡಷ್ಟೂ ಮತ್ತೂ ಬೇಕೆನಿಸುವ ನಿನ್ನ ಪ್ರೀತಿ, ತಪ್ಪು-ಸರಿಗಳ ಚರ್ಚೆ, ಜೊತೆಗೊಂದಿಷ್ಟು ಪ್ರವಾಸ .ವಾಹ್..ನಮ್ ಲೈಫ್ ಒಂದು ಸುಂದರಕಾಂಡ. ಎರಡು ವರ್ಷ ಕಳೆದಿದ್ದೆ ಗೊತ್ತಾಗ್ಲಿಲ್ಲ. ನಿನ್ನ ಜೊತೆ ಇಟ್ಟ ಪ್ರತಿಯೊಂದು ಹೆಜ್ಜೆಯನ್ನೂ ನಾನು ಯಾವತ್ತೂ ಮರೆಯೋಲ್ಲ.

ಯಾವಾಗಲು ನಿನ್ನ ಜೊತೆಯಾಗಿರ್ತೀನಿ ಅನ್ನೋ ಪ್ರಮಾಣ ಮಾಡ್ತಿದ್ದೀನಿ ದೀಪು. ನಿನ್ನ ತ್ಯಾಗ, ತಾಳ್ಮೆ, ಮಗುವಿನಂತೆ ನನ್ನ ನೋಡಿಕೊಂಡ ರೀತಿ, ಭರಪೂರ ಬೆಂಬಲ,ಯಾವುದರ ಋಣವನ್ನೂ ತೀರಿಸೋಕೆ ಸಾಧ್ಯಾನೇ ಇಲ್ಲ ಬಿಡು. ನಿನ್ನ ನಿಷ್ಕಲ್ಮಶ ಪ್ರೀತಿಯಲ್ಲಿ ಜೀವನಪೂರ್ತಿ ಬಂಧಿಯಾಗಿರ್ಬೇಕು ಅನ್ನೋದು ನನ್ನಾಸೆ.

ನನ್ನ-ನಿನ್ನ ಪ್ರೇಮ ಗೀತೆ ಚೆನ್ನಾ

ಮನ ಬಿಚ್ಚಿ ಮಾತನಾಡುವೆ ನಿನ್ನ ಜೊತೆ , ಮುನಿಸಿಕೊಳ್ಳುವೆ, ಕೋಪಗೊಳ್ಳುವೆ, ಇದೆಲ್ಲ ಇರುವುದು ಪ್ರೀತಿಯಲ್ಲಿ ಅಂತ ತಿಳಿಯಿತು ನನಗೆ. ನಿನ್ನ ನಂಬಿ ಎಲ್ಲರನ್ನು ತೊರೆದು ಸಾವಿರ ಆಸೆಗಳ ಹೊತ್ತು ನಿನ್ನ ಜೊತೆಯಾದಾಗಿನಿಂದ ನನ್ನೆಲ್ಲ ಕನಸುಗಳನ್ನು ನನಸುಗೊಳಿಸುತ್ತಿದೀಯಾ.

ಜೊತೆಜೊತೆಯಲಿ

ನಮ್ಮಿಬ್ಬರದು ಸುಖ ಜೀವನದ ಬದುಕು... ಅರೋಗ್ಯ, ಆಯಸ್ಸು , ಧೈರ್ಯ ಮತ್ತು ತಾಳ್ಮೆ ನಮ್ಮಿಬ್ಬರಲ್ಲಿ ಇರಲಿ. ಮೆಟ್ಟಿ ನಿಲ್ಲೋಣ ಎಲ್ಲ ಕಷ್ಟಗಳ "ಜೊತೆಜೊತೆಯಲಿ"

ಜೀವನಪೂರ್ತಿ ನೀನು ನನ್ನ ಪಾಲಿಗೆ ನಿಜವಾದ ದೇವತಾ ಮನುಷ್ಯ..

ಇಂತಿ ನಿನ್ನ ಪ್ರೀತಿಯ

ಸುಷಿ