ಬ್ರೇಕ್‌ಅಪ್ ನಂತರ ಸಾಮಾಜಿಕ ಜಾಲತಾಣಗಳಿಂದ ದೂರವಿರಿ!

ಪ್ರೀತಿ ಮುರಿದ ಕಥೆ ಬರೆಯಬೇಡಿ

ಪ್ರೀತಿ ಮುರಿದ ಬಗ್ಗೆ ನೀವು ಕಥೆ ಬರೆಯುತ್ತಾ ಇದ್ದರೆ ಆಗ ನೀವು ತುಂಬಾ ಧೈರ್ಯವಾಗಿದ್ದೀರಿ ಮತ್ತು ಪ್ರೀತಿ ಮುರಿದರೂ ನಿಮಗೆ ಯಾವುದೇ ನೋವಾಗಿಲ್ಲವೆಂದು ಅರ್ಥವಾಗುತ್ತದೆ. ನಿಮಗೆ ನೋವಾಗಿದೆ ಎನ್ನುವುದನ್ನು ಅರ್ಥ ಮಾಡಿಕೊಳ್ಳಬಹುದು. ಆದರೆ ಯಾವಾಗಲೂ ನಿಮ್ಮ ನೋವನ್ನು ಹೇಳುತ್ತಾ ಅಳುತ್ತಾ ಇರುವುದು ಎಲ್ಲರಿಗೆ ಕಿರಿಕಿರಿ.

ನೋವನ್ನು ಮತ್ತೆ ಮತ್ತೆ ನೆನಪಿಸಿಕೊಳ್ಳಬೇಡಿ

ಪ್ರೀತಿ ಮುರಿದು ಬಿದ್ದ ಬಳಿಕ ಅದರಿಂದ ಮೇಲೆ ಬರುವುದು ತುಂಬಾ ಕಷ್ಟದ ಕೆಲಸ. ಆದರೆ ಕೆಲವೊಂದು ಸಂಬಂಧಗಳು ಮುರಿದು ಬೀಳಲೇಬೇಕು. ಅದಕ್ಕೊಂದು ಸಮಯವೆನ್ನುವುದು ಇದ್ದೇ ಇರುತ್ತದೆ. ನೋವನ್ನು ನೀವು ಮತ್ತೆ ಮತ್ತೆ ನೆನಪಿಸಿಕೊಳ್ಳುತ್ತಾ ಇದ್ದರೆ ಆಗ ಮತ್ತಷ್ಟು ನೋವಾಗುತ್ತದೆ ಮತ್ತು ಜೀವನದಲ್ಲಿ ಮುಂದೆ ಸಾಗಲು ನಿಮಗೆ ಸಾಧ್ಯವಾಗುವುದಿಲ್ಲ. ಇದರಿಂದ ಹಿಂದಿನ ನೆನಪುಗಳನ್ನು ಮರೆತು ನೀವಿಬ್ಬರು ಕಳೆದ ಒಳ್ಳೆಯ ಸಮಯದ ಬಗ್ಗೆ ನೆನಪಿಸಿಕೊಳ್ಳಿ.

ತಿರುಗಾಡಲು ಹೋಗಿರುವ ಬಗ್ಗೆ ಪೋಸ್ಟ್ ಮಾಡಬೇಡಿ

ಪ್ರೀತಿ ಮುರಿದಿರುವ ನೋವನ್ನು ಮರೆಯಲು ನೀವು ಹೊರಗಡೆ ತಿರುಗಾಡಲು ಹೋಗುತ್ತಾ ಇದ್ದರೆ ಆಗ ನೀವು ಸಂಭ್ರಮಪಟ್ಟ ಕ್ಷಣಗಳ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್ ಮಾಡಬೇಡಿ. ಇದರಿಂದ ಜನರಿಗೆ ನಿಮ್ಮ ಬಗ್ಗೆ ಬೇರೆ ಭಾವನೆ ಉಂಟಾಗಬಹುದು. ಇಂತಹ ಪೋಸ್ಟ್ ಬಗ್ಗೆ ನಕಾರಾತ್ಮಕ ಪ್ರತಿಕ್ರಿಯೆ ಕೂಡ ಬರಬಹುದು.

ಮಾಜಿ ಪ್ರೇಯಸಿ/ಪ್ರಿಯತಮನ ಪ್ರೊಫೈಲ್ ತಡಕಾಡಬೇಡಿ

ಪ್ರೀತಿ ಮುರಿದು ಬಿದ್ದ ಬಳಿಕ ಅದನ್ನು ಅಲ್ಲಿಗೆ ಬಿಟ್ಟುಬಿಡಿ. ಮಾಜಿ ಪ್ರೇಯಸಿ/ ಪ್ರಿಯತಮನ ಪ್ರೊಫೈಲ್ ತಡಕಾಡಲು ಹೋಗಬೇಡಿ. ನಿಮ್ಮ ಮಾಜಿ ಬಗ್ಗೆ ಬಂದ ಲೈಕ್ ಮತ್ತು ಕಮೆಂಟ್ ನೋಡುತ್ತಾ ಇದ್ದರೆ ನೀವು ಅಸುರಕ್ಷತೆಯಿಂದ ಬಳಲುತ್ತಿದ್ದೀರಿ ಎಂದರ್ಥ. ಇಂತಹ ಕೆಲಸ ಮಾಡಲು ಹೋಗಬೇಡಿ.