ಚೆಲ್ಲಾಟವಾಡುವ ಹುಡುಗರ ಬುದ್ಧಿ ಹೇಗಿರುತ್ತೇ ನೋಡಿ...

ಆತ ನಿಮ್ಮೊಂದಿಗೆ ಸತತವಾಗಿ ಮಾತನಾಡಲು ಬಯಸುತ್ತಾನೆ

ಒಂದು ವೇಳೆ ಆತ ನಿಮ್ಮೊಂದಿಗೆ ಮಾತನಾಡಲು ಸತತ ಪ್ರಯತ್ನ ಮಾಡುತ್ತಿದ್ದು ಅವಕಾಶಗಳಿಗೆ ಹೊಂಚು ಹಾಕುತ್ತಿರುವಂತೆ ಕಂಡುಬಂದರೆ ಇದು ಚೆಲ್ಲಾಟದ ಸ್ಪಷ್ಟ ಲಕ್ಷಣವಾಗಿದೆ.

ಆತ ನಿಮ್ಮಲ್ಲಿ ವಿವಿಧ ಪ್ರಶ್ನೆಗಳನ್ನು ಕೇಳಬಯಸುತ್ತಾನೆ

ಆತ ನಿಮ್ಮಲ್ಲಿ ಅಗತ್ಯಕ್ಕಿಂತಲೂ ಅನಗತ್ಯವಾದ ಹಲವು ಪ್ರಶ್ನೆಗಳನ್ನು ಕೇಳತೊಡಗುತ್ತಾನೆ. ಇದರಲ್ಲಿ ಕೆಲವು ಪ್ರಶ್ನೆಗಳಾದರೂ ವೈಯಕ್ತಿಕವಾಗಿರುತ್ತವೆ. ಈ ಪರಿ ಚಲ್ಲಾಟದ ಪರಿಯಾಗಿದ್ದು ತನ್ನ ಪ್ರಶ್ನೆಗಳಿಂದ ನಿಮ್ಮನ್ನು ಅರಿಯಲು ಯತ್ನಿಸುತ್ತಿದ್ದಾನೆ.

ನಿಮ್ಮಿಬ್ಬರಲ್ಲಿ ಯಾವ ವಿಷಯ ಸಾಮಾನ್ಯ ಎಂದು ಗಮನಿಸುತ್ತಾನೆ

ನಿಮ್ಮ ಹವ್ಯಾಸ, ಚಲನವಲನ, ನಿಮ್ಮ ಇಷ್ಟದ ವಿಷಯಗಳನ್ನು ಅರಿಯುವ ಮೂಲಕ ತಮ್ಮಿಬ್ಬರಲ್ಲಿ ಸಮಾನವಾಗಿರುವ ಆಸಕ್ತಿಯ ವಿಷಯಗಳು ಯಾವುವು ಎಂದು ಆತ ಅರಿಯಲು ಯತ್ನಿಸುತ್ತಾನೆ.

ಆತ ನಿಮ್ಮ ಗುಣಗಳನ್ನು ಮೆಚ್ಚಿರುವ ಬಗ್ಗೆ ಮಾತನಾಡುತ್ತಾನೆ

ಒಂದು ವೇಳೆ ನೀವು ಆತನ ಯಾವುದೇ ಪ್ರತಿಕ್ರಿಯೆಗೆ ಒಂದಿನಿತಾದರೂ ಪ್ರತಿಕ್ರಿಯೆ ತೋರಿದರೆ ಇದನ್ನೇ ಆತ ನೆಪವಾಗಿಸಿ ನಿಮ್ಮ ಗುಣಗಳನ್ನು ಮೆಚ್ಚುವ ಬಗ್ಗೆ ಮಾತನಾಡಲು ತೊಡಗುತ್ತಾನೆ. ಸಾಮಾನ್ಯವಾಗಿ ನಿಮ್ಮ ಸೌಂದರ್ಯದ ವರ್ಣನೆ ಹೆಚ್ಚಾಗಿರುತ್ತದೆ. ಆದರೆ ಇದು ಜೀವನಪರ್ಯಂತ ನೀಡುವ ಜೊತೆ ಎಂದು ಸರ್ವಥಾ ಹೇಳಲಾಗದು.

ನೀವು ಮಾತನಾಡತೊಡಗಿದಾಗ ಆತನ ಮುಖ ಬೆಳಗುತ್ತದೆ

ನೀವು ಆತನ ಪ್ರಶ್ನೆಗಳಿಗೆ ಉತ್ತರಿಸುವಾಗ ಆತನ ಮುಖವನ್ನು ಕೊಂಚ ಗಮನಿಸಿ. ಹಿಗ್ಗಿ ಹೀರೇಕಾಯಿಯಂತಾಗಿರುವ ಮುಖ ಕಿವಿಯಿಂದ ಕಿವಿಯವರೆಗೆ ಕಿರಿದಿರುವಂತೆ ಗೋಚರಿಸಿದರೆ ಆತನ ಚೆಲ್ಲಾಟ ಫಲನೀಡಿದ ಬಗ್ಗೆ ಸಂತೋಷಗೊಂಡಿರುವುದು ಸ್ಪಷ್ಟವಾಗುತ್ತದೆ.

ಆತ ನಿಮ್ಮನ್ನೇ ಗಮನಿಸುತ್ತಿರುತ್ತಾನೆ

ಒಂದು ವೇಳೆ ನೀವು ಆತನ ಸುತ್ತಮುತ್ತ ಇದ್ದರೆ ಆತ ಸದಾ ನಿಮ್ಮೆಡೆಗೇ ಗಮನಿಸುತ್ತಿರುತ್ತಾನೆ. ಅಥವಾ ಯಾವುದಾದರೊಂದು ನೆಪ ತೆಗೆದು ನಿಮ್ಮೆಡೆಗೆ ನೋಡುವ ಅಥವಾ ನಿಮ್ಮೊಂದಿಗೆ ಮಾತನಾಡುವ ಅವಕಾಶಕ್ಕಾಗಿ ಹವಣಿಸುತ್ತಿರುತ್ತಾನೆ.

ಉಡುಗೊರೆಗಳನ್ನು ಕಳುಹಿಸಲು ಪ್ರಾರಂಭಿಸುತ್ತಾನೆ

ಒಂದು ವೇಳೆ ನಿಮ್ಮ ಪ್ರತಿಕ್ರಿಯೆ ಸಕಾರಾತ್ಮಕವಾಗಿದ್ದಲ್ಲಿ ಅತ ನಿಮಗೆ ಉಡುಗೊರೆಗಳನ್ನು ಕಳುಹಿಸಲು ಪ್ರಾರಂಭಿಸುತ್ತನೆ. ಇದಕ್ಕಾಗಿ ಆತ ಅಂದಿನ ದಿನದ ವಿಶೇಷಗಳನ್ನು ಗಮನಿಸಲು ತೊಡಗುತ್ತಾನೆ. ವಿಶೇಷವಾಗಿ ನಿಮ್ಮ ಹುಟ್ಟಿದ ದಿನ ಮೊದಲಾದವುಗಳಿಗೆ ಆತ ಹೆಚ್ಚಿನ ಪ್ರಾಮುಖ್ಯತೆ ನೀಡುತ್ತಾನೆ.