ನಿಮ್ಮ ಸಂಗಾತಿ ಹೀಗೆ ಕೇಳ್ತಾ ಇದ್ದರೆ ಅವರಿಗೆ ಬೇರೆ ಸಂಬಧವಿದೆ ಎಂದರ್ಥ

1. ಏಕೆ ವಿಚಿತ್ರವಾಗಿ ಆಡ್ತಾ ಇದ್ದೀಯಾ?

ನಮ್ಮ ವರ್ತನೆಯಲ್ಲಿ ಯಾವುದೇ ಬದಲಾವಣೆಯಾಗಿರಲ್ಲ, ನಾವು ಇದ್ದಂಗೆ ಇರ್ತೀವಿ, ಆದರೆ ಸಂಗಾತಿ ಮಾತ್ರ ನಮ್ಮ ವರ್ತನೆಯಲ್ಲಿ ತಪ್ಪು ಕಂಡು ಹಿಡಿಯುತ್ತಿದ್ದರೆ ಏಕೋ ಅವರಿಗೆ ನಿಮ್ಮ ಸಾಂಗತ್ಯ ಕಿರಿಕಿರಿಯಾಗುತ್ತಿರುತ್ತದೆ. ಆಗ ನೀವು ಏನು ಕೇಳಿದರೂ ಮಾಡಿದರೂ ತಪ್ಪಾಗಿ ಕಾಣಲಾರಂಭಿಸುತ್ತದೆ ಅಲ್ಲದೆ ನಿಮ್ಮನ್ನೇ ವಿಚಿತ್ರವಾಗಿ ಆಡ್ತಾ ಇದ್ದೀಯ ಎಂದು ಹೇಳಿ ಗೊಂದಲಗೊಳಿಸುತ್ತಾರೆ.

ನಿಜ ಹೇಳಬೇಕೆಂದರೆ ಅವರು ನಿಮ್ಮ ಜೊತೆ ಸರಿ ಮಾತನಾಡುತ್ತಿರಲ್ಲ ಅಥವಾ ನಿಮಗೆ ಅವರ ವರ್ತನೆ ವಿಚಿತ್ರ ಅನಿಸುತ್ತಿರುತ್ತದೆ, ಕೇಳಿದರೆ ನಾವೇ ಏನೋ ವಿಚಿತ್ರವಾಗಿ ವರ್ತಿಸುತ್ತಿದ್ದೇವೆ ಎಂಬಂತೆ ಹೇಳುತ್ತಾರೆ.

2. ಎಷ್ಟು ಗಂಟೆಗೆ ಹೋಗ್ತೀಯಾ/ ಬರ್ತಿಯಾ?

ಸಂಗಾತಿ ಹೊರಗಡೆ ಹೋಗುವಾಗ ಎಷ್ಟು ಗಂಟೆಗೆ ಹೋಗ್ತಾರೆ ಅಥವಾ ಬರ್ತಾರೆ ಎಂದು ಪ್ರತಿಯೊಬ್ಬರು ಕೇಳುತ್ತಾರೆ, ಅದರ ಬಗ್ಗೆ ಸಂಗಾತಿಗೆ ಮಾಹಿತಿ ಇರಬೇಕು ಕೂಡ. ಆಫೀಸ್‌ಗೆ ಹೋಗುವುದಾದರೆ ಎಷ್ಟು ಸಮಯಕ್ಕೆ ಬರ್ತೀರಾ ಎಂದು ಕೇಳುವುದು ಸಹಜ. ಆದರೆ ನೀವು ಮನೆಗೆ ಬರುವ ಅಥವಾ ಹೋಗುವ ಸಮಯದ ಬಗ್ಗೆ ತಿಳಿಯಲು ತುಂಬಾ ಉತ್ಸಾಹ ತೋರಿಸುತ್ತಿದ್ದಾರೆ, ನೀವು ಮನೆಯಲ್ಲಿರುವುದು ಇಷ್ಟವಾಗಲ್ಲ ಅದೇ ಹೊರಗಡೆ ಹೋಗ್ತೀನಿ ಎಂದರೆ ಅವರ ಮುಖದಲ್ಲ ಖುಷಿ ಕಂಡರೆ ಆ ಖುಷಿ ಒಳ್ಳೆಯ ಲಕ್ಷಣವಲ್ಲ.

ಬೇರೆಯವರು ಆಕರ್ಷಕವಾಗಿದ್ದೀರಾ ಅಂತ ಕೇಳುವುದು?

ಅವರಿಗೆ ತಾವು ತಪ್ಪು ಮಾಡುತ್ತಿರುವಾಗ ಅದೇ ತಪ್ಪು ಸಂಗಾತಿ ಕೂಡ ಮಾಡಿದರೆ ಎಂಬ ಭಯ ಇರುತ್ತೆ. ಹಾಗಾಗಿ ನಿಮ್ಮ ಆಫೀಸ್‌ನ ಸಹೋದ್ಯೋಗಿ, ಬಾಸ್ , ಪಕ್ಕದ ಮನೆಯವರು, ಸ್ನೇಹಿತ ಹೀಗೆ ಯಾರಾನ್ನಾದರೂ ನಿಮ್ಮ ಜೊತೆ ಕಲ್ಪಿಸಿ ಮಾತನಾಡುವ ಕೆಟ್ಟ ಚಾಳಿ ಬೆಳೆಸಿಕೊಳ್ಳುತ್ತಾರೆ.

ನನಗೆ ಮೋಸ ಮಾಡ್ತಾ ಇದ್ದೀಯಾ? ಎಂದು ಹೇಳುವುದು

ಅವರಿಗೆ ಅವರು ನಿಮಗೆ ಮೋಸ ಮಾಡ್ತಾ ಇದ್ದಾರೆ ಎಂಬುವುದು ಗೊತ್ತಿರುತ್ತದೆ, ಆದರೆ ನೀನು ನನಗೆ ಮೋಸ ಮಾಡ್ತಾ ಇದ್ದೀಯ ಎಂದು ಆಗಾಗ ಹೇಳ್ತಾ ಇರ್ತಾರೆ. ನಮ್ಮನ್ನು ಸದಾ ಸಂಶಯದ ಕಣ್ಣುಗಳಿಂದ ನೋಡ್ತಾ ಇರುತ್ತಾರೆ.

ನನ್ನನ್ನು ಏಕೆ ಕೇಳ್ತೀಯಾ?

ನಿಮಗೆ ಅವರ ಇತ್ತೀಚಿನ ವರ್ತನೆ ನೋಡಿ ಸಂಶಯ ಬಂದು ಏನು ಕೇಳಲು ಹೋದರೂ ನನ್ನನ್ನು ಏಕೆ ಕೇಳ್ತೀಯಾ ಎಂದು ಕಿರುಚಾಡುತ್ತಾರೆ. ಏಕೆಂದರೆ ಅವರಿಗೆ ನಾವು ಯೋಚಿಸುತ್ತಿರುವುದು ತಪ್ಪು ಎಂದು ಸಾಬೀತು ಮಾಡಬೇಕಾಗುತ್ತದೆ ಹಾಗಾಗಿ ನಾನೇನು ಮಾಡಿಲ್ಲ ನನ್ನನ್ನು ಏಕೆ ಕೇಳ್ತೀಯಾ ಎಂದು ಪ್ರಶ್ನಿಸಿ ಕೇಳಬೇಕಾಗಿರುವ ವಿಷಯವನ್ನು ತಡೆಯುತ್ತಾರೆ.

ಈ ರೀತಿಯ ಪ್ರಶ್ನೆಯನ್ನು ಎಲ್ಲರೂ ಕೇಳುತ್ತಾರೆ, ಆದರೆ ಪದೇ-ಪದೇ ಕೇಳುತ್ತಿದ್ದರೆ ನೀವು ಯೋಚಿಸಬೇಕಾಗಿದೆ, ನಿಮ್ಮ ಸಂಬಂಧ ಉಳಿಸಿಕೊಳ್ಳಲು ಎಲ್ಲಾ ಪ್ರಯತ್ನ ಮಾಡಬೇಕಾಗುತ್ತದೆ.