ಪುರುಷರಿಗೆ ಫೆಮಿನಿಸ್ಟ್ ಗುಣ ಒಳ್ಳೆಯದಲ್ಲ!

Relationship

oi-Reena

By Hema S

Updated: Monday, September 10, 2012, 13:42 [IST]

ಮಹಿಳೆಯರು ಫೆಮಿನಿಸಂ ಇಷ್ಟಪಟ್ಟರೆ ಆ ಶಬ್ದ ಕೇಳುವುದೇ ಪುರುಷರಿಗೆ ಇಷ್ಟವಿರುವುದಿಲ್ಲ. ಒಂದು ವೇಳೆ ಪುರುಷರು ಫೆಮನಿಸ್ಟ್ ಆದರೆ ಅಂತಹ ಪುರುಷರು ಮಹಿಳೆಯರಿಗೆ ಇಷ್ಟವಾಗುವುದಿಲ್ಲ! ಎಂತಹ ವಿಪರ್ಯಾಸವಲ್ಲವೇ?

ಪ್ರತಿಯೊಂದು ಮಹಿಳೆಯೂ ಸಮಾನತೆಯನ್ನು ಬಳಸುತ್ತಾಳೆ. ಆದರೆ ಸ್ವಲ್ಪ ಒರಟಾಗಿ ನಡೆದುಕೊಳ್ಳುವ ಹುಡುಗನನ್ನು ಇಷ್ಟಪಡುತ್ತಾಳೆ. ಇವಳು ಅವನ ಇಷ್ಟದಂತೆ ಬದುಕಲು ಬಯಸುತ್ತಾಳೆ, ಆದರೆ ಇವಳ ಇಷ್ಟದಂತೆ ಅವನು ನಡೆದಕೊಳ್ಳಲು ಪ್ರಯತ್ನಿಸಿದರೆ ಅಂತಹವನು ಅವಳಿಗೆ ಇಷ್ಟವಾಗುವುದಿಲ್ಲ. ಆದ್ದರಿಂದಲೇ ಹೇಳುವುದು ಮೀನಿನ ಹೆಜ್ಜೆಯನ್ನು ಬೇಕಾದರೆ ಕಂಡು ಹಿಡಿಯಬಹುದು, ಆದರೆ ಹೆಣ್ಣಿನ ಮನಸ್ಸನ್ನು ಅರೆಯುವುದು ಕಷ್ಟ.

ಮಹಿಳೆಯ ಹಕ್ಕನ್ನು ಅವಳೇ ಪಡೆದುಕೊಳ್ಳಲು ಇಷ್ಟಪಡುತ್ತಾಳೆ, ಆದರೆ ಒಬ್ಬ ಪುರುಷ ಅಂತಹ ಹಕ್ಕನ್ನು ಎತ್ತಿ ಹಿಡಿಯುವುದು ಅವಳಿಗೆ ಇಷ್ಟವಾಗುವುದಿಲ್ಲ. ಅಲ್ಲದೆ ತುಂಬಾ ಫೆಮಿನಿಸ್ಟ್ ಗುಣವಿರುವ ವ್ಯಕ್ತಿಯನ್ನು ಅವನ ಸ್ನೇಹಿತರ ಗುಂಪೂ ಇಷ್ಟಪಡುವುದಿಲ್ಲ. ಇನ್ನು ಮಹಿಳೆಯರು ಸಮಾನತೆಯನ್ನು ಬಳಸುತ್ತಾರೆ, ಆದರೆ ಕೆಲವೊಂದು ವಿಷಯದಲ್ಲಿ ಪುರುಷರೆ ಜವಬ್ದಾರಿ ತೆಗೆದುಕೊಳ್ಳಬೇಕೆಂದು ಬಯಸುತ್ತಾಳೆ.

ಊಟಕ್ಕೆ ಹೋದಾಗ ಪುರುಷನೇ ಬಿಲ್ ಕೊಟ್ಟರೆ ಅವಳಿಗೆ ಇಷ್ಟವಾಗುತ್ತದೆ, ಮನೆ ಮತ್ತು ಅವಳ ರಕ್ಷಣೆಯ ಜವಬ್ದಾರಿಯನ್ನು ಅವನು ವಹಿಸಿದರೆ ಇಷ್ಟವಾಗುತ್ತಾನೆ. ತನ್ನ ಮೂಲ ಗುಣಗಳನ್ನು ಮರೆತು ಎಲ್ಲವನ್ನೂ ಫೆಮಿನಿಸ್ಟ್ ದೃಷ್ಟಿಯಿಂದ ನೋಡುವ ಹುಡುಗ ಎಷ್ಟೇ ಒಳ್ಳೆಯವನಾದರೂ ಈ ಹುಡುಗಿಯರು ಅವನೆಡೆಗೆ ಆಕರ್ಷತರಾಗುವುದು ಕಡಿಮೆ. ಧೈರ್ಯಶಾಲಿಯಾದ, ಸಾಹಸಿಯಾಗಿರುವ, ಬುದ್ಧಿವಂತ ಹುಡುಗನತ್ತ ಹುಡುಗಿಯರು ಬೇಗನೆ ಆಕರ್ಷತರಾಗುತ್ತಾರೆ.

ಹಾಗಂತ ನಾನು ಪುರುಷ ಎಂಬ ಅಹಂನಿಂದ ಎಲ್ಲವೂ ನಾನು ಹೇಳಿದಂತರೆಯೇ ಇರಬೇಕು, ನಾನು ಹೇಳಿದ್ದನ್ನು ಮರು ಮಾತಿಲ್ಲದೆ ಪಾಲಿಸಬೇಕು ಎಂದು ಮಹಿಳೆಯರ ಭಾವನೆಗಳನ್ನು ಕಡೆಗಣಿಸುವ ಪುರುಷರನ್ನು ಕೂಡ ಯಾವುದೇ ಹೆಣ್ಣು ಇಷ್ಟಪಡುವುದಿಲ್ಲ ಎಂಬುದು ನೆನೆಪಿರಲಿ.

ಮಹಿಳೆಯರ ಭಾವನೆಗೆ ಬೆಲೆ ಕೊಡಬೇಕು, ಅವಳ ಸ್ವಾಂತತ್ರ್ಯವನ್ನು ಕಿತ್ತುಕೊಳ್ಳಬಾರದು, ಹಾಗಂತ ಅಗತ್ಯ ಮೀರಿದ ಸ್ವಾತಂತ್ರ್ಯ ಕೊಡಬಾರದು, ಅವಳನ್ನು ಕೀಳು ಅಂತ ಕಾಣಬಾರದು, ಅವಳಿಗೆ ಮಾನಸಿಕ ಧೈರ್ಯವನ್ನು ತುಂಬುವವನು ಆಗಬೇಕು, ಅವಳಿಗೆ ಅವನು ಮುಖ್ಯವಾಗಿ ಎಲ್ಲಾ ರೀತಿಯಿದಲೂ ರಕ್ಷಣೆಯನ್ನು ಕೊಡುವವನು ಆಗಿರಬೇಕು. ಅಂತಹವರಿಗೆ ಮಾತ್ರ ಹೆಣ್ಣಿನ ಮನವನ್ನು ಗೆಲ್ಲಲು ಸಾಧ್ಯ.