ಪಿಜ್ಜಾ ಹಟ್ ಗೆ ಹೋಗೋ ಪ್ರೇಮಿಗಳಿಗೆ ಕೆಂಪುಗುಲಾಬಿ

Relationship

oi-Reena

By ಮಂಜು

Published: Monday, February 13, 2012, 16:22 [IST]

ವ್ಯಾಲೆಂಟಿನ್ ಡೇ ಎಂದ್ರೆ ಪ್ರೇಮಿಗಳಿಗೆ ಮಾತ್ರವಲ್ಲ ವ್ಯಾಪಾರಿಗಳಿಗೂ ಬಲು ಪ್ರೀತಿ. ಹೂವಿನಂಗಡಿ, ಗ್ರಿಟಿಂಗ್ಸ್ ಅಂಗಡಿಗಳಲ್ಲಿ ವ್ಯಾಪಾರ ಬಲುಜೋರು. ಗ್ರೀಟಿಂಗ್ ಅಂಗಡಿಗಳಲ್ಲಿ ಪ್ರೀತಿ ನಿವೇದನೆಯ ಕಾರ್ಡ್ ಗಳು ನೇತಾಡುತ್ತಿದ್ದರೆ, ಮಾರ್ಕೆಟ್ ನಲ್ಲಿ ನೋಡಿದರೆ ಹೃದಯಾಕಾರದ ಕೆಂಪು ಬಣ್ಣದ ಗೊಂಬೆಗಳು ಎಂತಹ ಅರಸಿಕನ ಗಮನವನ್ನು ಕೂಡ ಅದರತ್ತ ನೋಡುವತ್ತ ಮಾಡುತ್ತದೆ.

ಮೈ ವ್ಯಾಲೆಂಟೈನ್ , ಐ ಲವ್ ಯೂ ಇತ್ಯಾದಿ ಬರಹಗಳಿರುವ ಗ್ರೀಟಿಂಗ್ಸ್ ಗಳನ್ನು ಪ್ರೇಮಿಗಳು ಮುಗಿಬಿದ್ದು ಖರೀದಿಸುತ್ತಾರೆ. ಪ್ರೇಮಿಗಳ ದಿನಕ್ಕೆ ಎಲ್ಲೆಲ್ಲೂ ಇಂತಹ ವಿಶೇಷತೆಯಿರುತ್ತದೆ. ಬೇಕರಿಯಲ್ಲಿರುವ ಕೇಕ್ ನಲ್ಲಿ ಹೃದಯ ಮೂಡಿರುತ್ತದೆ.

ವಿದೇಶದಲ್ಲಿ ವ್ಯಾಲೆಂಟೈನ್ಸ್ ಡೇ ಸ್ಟೆಷಲ್ ಆಗಿ ಪಿಜ್ಜಾ ಹಟ್ ನಲ್ಲಿ 10,010 ಡಾಲರ್ ನ ಎಂಗೇಜ್ ಮೆಂಟ್ ಪ್ಯಾಕೇಜ್ ಇದೆ. ಈ ಸೌಲಭ್ಯ ಹತ್ತು ಜನರಿಗಷ್ಟೇ ಸೌಲಭ್ಯವಿದ್ದು ಪ್ರೇಮಿಗಳ ಪಿಜ್ಜಾ ಹಟ್ ನಲ್ಲಿ ತಮ್ಮ ಪ್ರೇಮಿಗಳ ದಿನವನ್ನು ಆಚರಿಸಬಹುದಾಗಿದೆ ಎಂಬ ಸುದ್ದಿ ಇತ್ತೀಚೆಗೆ ಓದಿದ್ದೆ.

ಇದೇ ರೀತಿ ನಮ್ಮ ಬೆಂಗ್ಳೂರು ಪಿಜ್ಜಾ ಹಟ್ ಗಳಲ್ಲಿ ಏನೇನು ವಿಶೇಷ ಇರಬಹುದು ಎಂದು ತಿಳಿಯಲು ನಾನು ಜಯನಗರ ಪಿಜ್ಜಾ ಹಟ್ ಗೆ ಪ್ರಯಾಣ ಬೆಳೆಸಿದೆ. ಹೆಚ್ಚಿನ ಪಿಜ್ಜಾ ಹಟ್ ಗಳಲ್ಲಿ ಪ್ರೇಮಿಗಳ ದಿನಕ್ಕೆ ಯಾವುದೇ ವಿಶೇಷತೆ ಇಲ್ಲವೆಂಬ ಉತ್ತರ ಬಂತು.

"ಪ್ರೇಮಿಗಳ ದಿನಕ್ಕೆ ಭಾರತದ ಪಿಜ್ಜಾ ಹಟ್ ನಲ್ಲಿ ಯಾವುದೇ ವಿಶೇಷವಿಲ್ಲ ಏಕೆಂದರೆ ಅದು ನಮ್ಮ ಸಂಸ್ಕೃತಿ ಅಲ್ಲ. ಆದ್ದರಿಂದ ಆ ದಿನ ಬಂದ ಪ್ರೇಮಿಗಳು ಗುಲಾಬಿಕೊಟ್ಟು ಸ್ವಾಗತಿಸುತ್ತೇವೆ" ಹೀಗಂತ ಪಿಜ್ಜಾ ಹಟ್ ಮ್ಯಾನೇಜರೊಬ್ಬರು ಹೇಳಿದರು.

ಪಿಜ್ಜಾವೂ ದೇಶಿ ಸಂಸ್ಕೃತಿಯಲ್ಲ ಎನ್ನಬೇಕೆಂದುಕೊಂಡವಳನ್ನು ಅಲ್ಲಿದ್ದ ಬಾಯಲ್ಲಿ ನಿರೂರಿಸುವ ಪಿಜ್ಜಾವೊಂದು ತಡೆಯಿತು.