ಅದ್ಭುತ ರುಚಿಯ ಈ ವೆಜ್ ದಮ್ ಬಿರಿಯಾನಿ ಮಾಡಿ..! ಚಿಕನ್‌ಗಿಂತ ಸೂಪರ್ ಟೇಸ್ಟ್.. ಇಲ್ಲಿದೆ ರೆಸಿಪಿ

ಮನೆಯಲ್ಲಿ ಮಾಡಿ ರೆಸ್ಟೋರೆಂಟ್ ಸ್ಟೈಲ್ ವೆಜ್ ಬಿರಿಯಾನಿ! ಅಕ್ಕಿ ಒಡೆಯದೇ, ಮಸಾಲೆ ಹದವಾಗಿರುವ ಪರ್ಫೆಕ್ಟ್ ಬಿರಿಯಾನಿ ಮಾಡುವ ಟಿಪ್ಸ್ ಇಲ್ಲಿದೆ. ಹೌದು, ಸಸ್ಯಾಹಾರಿ ಬಿರಿಯಾನಿ ಪ್ರಿಯರಿಗಾಗಿ ಇಲ್ಲಿದೆ ಒಂದು ಸ್ಪೆಷಲ್ ರೆಸಿಪಿ. ಮನೆಯಲ್ಲಿಯೇ ಅತ್ಯಂತ ಸುಲಭವಾಗಿ ಮತ್ತು ಅಷ್ಟೇ ರುಚಿಕರವಾಗಿ ವೆಜ್ ದಮ್ ಬಿರಿಯಾನಿಯನ್ನು (Veg Dum Biryani) ಹೇಗೆ ತಯಾರಿಸುವುದು ಎಂಬುದನ್ನು ಈ ಲೇಖನದಲ್ಲಿ ತಿಳಿಸಲಾಗಿದೆ.

ಇದರ ವಿಶಿಷ್ಟ ಪರಿಮಳ ಮತ್ತು ಮಸಾಲೆಯುಕ್ತ ರುಚಿ ಖಂಡಿತವಾಗಿಯೂ ನಿಮ್ಮನ್ನು ಮರುಳು ಮಾಡಿ, ಪದೇ ಪದೇ ಸವಿಯಲು ಪ್ರೇರೇಪಿಸುತ್ತದೆ. ಒಂದು ಪರಿಪೂರ್ಣ ವೆಜ್ ದಮ್ ಬಿರಿಯಾನಿಯ ಸ್ಪೆಷಲ್ ಎಂದರೆ, ಅದರ ಪ್ರತಿಯೊಂದು ಅಕ್ಕಿಕಾಳೂ ಅರಳಿರುತ್ತದೆ, ಮಸಾಲೆಗಳು ಹದವಾಗಿ ಬೆರೆತಿರುತ್ತವೆ ಹಾಗೂ ಅದರ ಸುವಾಸನೆ ಮನೆಯಲ್ಲೆಲ್ಲಾ ಹರಡುತ್ತದೆ. ರೆಸ್ಟೋರೆಂಟ್ ಶೈಲಿಯ ರುಚಿಯನ್ನು ನಿಮ್ಮ ಅಡುಗೆ ಮನೆಗೆ ತರಲು ಈ ಸರಳ ವಿಧಾನವು (Veg Dum Biryani Recipe) ನಿಮಗೆ ಸಹಕಾರಿ.

Photo Credit: ಸಂಗ್ರಹ ಚಿತ್ರ

ವೆಜ್ ದಮ್ ಬಿರಿಯಾನಿಗೆ ಅಗತ್ಯವಾದ ಸಾಮಗ್ರಿಗಳು

• ಹೂಕೋಸು (ಫೂಲ್‌ಗೋಭಿ) -1
• ಮಟರ್ (ಬಟಾಣಿ) - 1 ಕಪ್
• ಈರುಳ್ಳಿ - 1
• ಕ್ಯಾರೆಟ್ - 1
• ಆಲೂಗಡ್ಡೆ - 2
• ಅಕ್ಕಿ - 1/2 ಕಪ್
• ಖಾರ ಪುಡಿ - 1 ಚಮಚ (ಲಾಲ್ ಮಿರ್ಚ್ ಪೌಡರ್)
• ಕಾಳುಮೆಣಸು (ಕಾಲಿ ಮಿರ್ಚ್) - 1 ಚಮಚ
• ಬಿರಿಯಾನಿ ಮಸಾಲಾ - 1 ಚಮಚ

ಇತರೆ ಸಾಮಗ್ರಿಗಳು

• ತೇಜಪತ್ತಾ - 1
• ದಾಲ್ಚಿನ್ನಿ - 1 ತುಂಡು
• ಸ್ಟಾರ್ ಅನೀಸ್ - 1
• ಹಸಿ ಏಲಕ್ಕಿ - 2
• ಉಪ್ಪು - ರುಚಿಗೆ ತಕ್ಕಷ್ಟು
• ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ - ಸ್ವಲ್ಪ
• ಸೋಂಪು
• ಜೀರಿಗೆ
• ಮೊಸರು (ದಹಿ)
• ಡ್ರೈ ಫ್ರೂಟ್ಸ್ - ಅಗತ್ಯಕ್ಕೆ ತಕ್ಕಷ್ಟು
• ಎಣ್ಣೆ - ಅಗತ್ಯಕ್ಕೆ ತಕ್ಕಷ್ಟು

ವೆಜ್ ದಮ್ ಬಿರಿಯಾನಿ ಮಾಡುವ ವಿಧಾನ

- ಮೊದಲಿಗೆ, ಒಂದು ದಪ್ಪ ತಳದ ಪಾತ್ರೆಯಲ್ಲಿ ಎಣ್ಣೆ ಕಾಯಿಸಿ. ಸಣ್ಣಗೆ ಹೆಚ್ಚಿದ ಈರುಳ್ಳಿಯನ್ನು ಚಿನ್ನದ ಕಂದು ಬಣ್ಣ ಬರುವವರೆಗೂ ಹುರಿದು ಹೊರತೆಗೆದಿಡಿ.

- ನಂತರ ಅದೇ ಎಣ್ಣೆಗೆ ಜೀರಿಗೆ, ಸೋಂಪು, ತೇಜಪತ್ತಾ, ದಾಲ್ಚಿನ್ನಿ, ಸ್ಟಾರ್ ಅನೀಸ್, ಏಲಕ್ಕಿ ಸೇರಿಸಿ ಕೆಲವು ನಿಮಿಷ ಹುರಿಯಿರಿ. ಬಳಿಕ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಸೇರಿಸಿ ಹಸಿ ವಾಸನೆ ಹೋಗುವವರೆಗೆ ಹುರಿಯಿರಿ.

- ಈಗ ಸಣ್ಣಗೆ ಕತ್ತರಿಸಿದ ಕ್ಯಾರೆಟ್, ಹೂಕೋಸು, ಬಟಾಣಿ, ಆಲೂಗಡ್ಡೆ ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿ. ಕೆಲವು ನಿಮಿಷಗಳ ಬಳಿಕ ಖಾರ ಪುಡಿ, ಕಾಳುಮೆಣಸು, ರುಚಿಗೆ ತಕ್ಕಷ್ಟು ಉಪ್ಪು ಮತ್ತು ಬಿರಿಯಾನಿ ಮಸಾಲವನ್ನು ಹಾಕಿ ತರಕಾರಿಗಳೊಂದಿಗೆ ಸಮವಾಗಿ ಬೆರೆಸಿ.

- ನಂತರ ಸ್ವಲ್ಪ ಮೊಸರು (ದಹಿ) ಸೇರಿಸಿ. ಇದು ಮಸಾಲೆಗಳಿಗೆ ಕೆನೆತನ ನೀಡಿ ರುಚಿ ಹೆಚ್ಚಿಸುತ್ತದೆ. ಮಸಾಲೆಗಳ ಸಾರ ಇಳಿದು ತರಕಾರಿಗಳು ಚೆನ್ನಾಗಿ ಬೇಯಲು ಸಣ್ಣ ಉರಿಯಲ್ಲಿಡಿ.

- ಪ್ರತ್ಯೇಕವಾಗಿ ಅರ್ಧ ಬೇಯಿಸಿ ಸಿದ್ಧಪಡಿಸಿದ ಅನ್ನವನ್ನು ತೆಗೆದುಕೊಳ್ಳಿ. ದಪ್ಪ ತಳದ ಪಾತ್ರೆಯ ಕೆಳಭಾಗದಲ್ಲಿ ಮೊದಲು ಬೇಯಿಸಿದ ತರಕಾರಿಗಳ ಪದರವನ್ನು ಹರಡಿ. ಅದರ ಮೇಲೆ ಅರ್ಧ ಬೇಯಿಸಿದ ಅನ್ನ ಹಾಕಿ. ತರಕಾರಿ ಮತ್ತು ಅನ್ನ ಮತ್ತೊಮ್ಮೆ ಪುನರಾವರ್ತಿಸಿ.

- ಅನ್ನದ ಮೇಲೆ, ಹುರಿದ ಡ್ರೈ ಫ್ರೂಟ್ಸ್ ಹಾಗೂ ಮೊದಲೇ ಹುರಿದಿಟ್ಟ ಕ್ರಿಸ್ಪಿ ಈರುಳ್ಳಿ (ಬಿರಿಸ್ತಾ) ಯಿಂದ ಅಲಂಕರಿಸಿ.

- ಪಾತ್ರೆಯ ಮುಚ್ಚಳವನ್ನು ಬಿಗಿಯಾಗಿ ಮುಚ್ಚಿ, ಹಿಟ್ಟು ಅಥವಾ ಒದ್ದೆ ಬಟ್ಟೆಯಿಂದ ಅಂಚುಗಳನ್ನು ಭದ್ರಪಡಿಸಿ 'ದಮ್' ಹಾಕಿ. ಒಳಗಿನ ಪರಿಮಳ ಮತ್ತು ಉಷ್ಣತೆ ಹೊರಹೋಗದಂತೆ ನೋಡಿಕೊಳ್ಳಿ.

- ಸುಮಾರು 10-15 ನಿಮಿಷಗಳ ಕಾಲ ಕಡಿಮೆ ಉರಿಯಲ್ಲಿ ಇದನ್ನು ದಮ್‌ಗೆ ಬಿಡಿ.

- ನಂತರ ಬಿಸಿಬಿಸಿ ವೆಜ್ ದಮ್ ಬಿರಿಯಾನಿಯನ್ನು (Restaurant Style Veg Dum Biryani) ರಾಯಿತಾ ಇಲ್ಲವೇ ಸಲಾಡ್‌ನೊಂದಿಗೆ ಬಡಿಸಿ. ಈ ರೆಸಿಪಿ ಖಂಡಿತವಾಗಿಯೂ ನಿಮ್ಮ ಮನೆಯವರ ಮನ ಗೆಲ್ಲುತ್ತದೆ.