ಯುಗಾದಿ ರೆಸಿಪಿ: ಪೈನಾಪಲ್ ಹೋಳಿಗೆ ಸುಲಭವಾಗಿ ತಯಾರಿಸಬಹುದು, ರುಚಿ ಸೂಪರ್!

ಹೋಳಿಗೆಯನ್ನು ನಾನಾ ರುಚಿಯಲ್ಲಿ ಮಾಡಬಹುದು, ನೀವು ಅನಾನಾಸ್‌ ಹೋಳಿಬಗೆ ಟೇಸ್ಟ್‌ ಮಾಡಿದ್ದೀರಾ? ಇಲ್ಲಾಂದ್ರೆ ಈ ಯುಗಾದಿಗೆ ಅನಾನಾಸ್ ಹೋಳಿಗೆ ಟ್ರೈ ಮಾಡಿ. ಇದನ್ನು ಮಾಡುವುದೇನು ಕಷ್ಟದ ಕೆಲಸವಲ್ಲ, ಸುಲಭವಾಗಿಯೇ ಮಾಡಬಹುದು, ಬನ್ನಿ ಇದನ್ನು ಮಾಡುವುದು ಹೇಗೆ ಎಂದು ನೋಡೋಣ ಬನ್ನಿ:

ಬೇಕಾಗುವ ಸಾಮಗ್ರಿ
ಕಡ್ಲೆ ಬೇಳೆ 3/4 ಕಪ್‌
ಪೈನಾಪಲ್‌ 2 ಕಪ್
ಎಲ್ಲ ಒಂದು ಕಾಲು ಕಪ್‌
ಚಿಟಿಕೆಯಷ್ಟು ಉಪ್ಪು
ನಕ್ಷತ್ರ ಮೊಗ್ಗು, ಜಾಯಿಕಾಯಿ ಪುಡಿ (1/2 ಚಮಚ)

ಇತರ ಸಾಮಗ್ರಿ
ಚಿರೋಟಿ ರವೆ ಒಂದೂಕಾಲು ಕಪ್‌
ಅರಿಶಿಣ ಪುಡಿ 1/2 ಚಮಚ
ನೀರು
ಎಣ್ಣೆ

ಮಾಡುವ ವಿಧಾನ

• ರವೆ ಹಾಗೂ ಅರಿಶಿಣ ಪುಡಿ ಹಾಕಿ ಸ್ವಲ್ಪ ನೀರು ಚೆನ್ನಾಗಿ ಕಲೆಸಿ ಎಣ್ಣೆಯಲ್ಲಿ ಹಾಕಿಡಿ
• ನೀವು ಕಡ್ಲೆಬೇಳೆಯನ್ನು ಚೆನ್ನಾಗಿ ಬೇಯಿಸಿಬೇಕು, ನಂತರ ಅದರ ನೀರು ಸೋಸಿ ಬೇರೆ ಪಾತ್ರೆಯಲ್ಲಿ ಹಾಕಿಡಿ, ಅದನ್ನು ಸಾರಿಗೆ ಬಳಸಬಹುದು. ಈ ಬೆಂದ ಕಡ್ಲೆಬೇಳೆಯನ್ನು ಒಂದು ಪಾತ್ರೆಯಲ್ಲಿ ಹಾಕಿ, ಅದಕ್ಕೆ ಚಿಕ್ಕದಾಗಿ ಕತ್ತರಿಸಿದ ಅನಾನಾಸ್ ಪೇಸ್ಟ್, ಬೆಲ್ಲ ಹಾಕಿ ಕಡಿಮೆ ಉರಿಯಲ್ಲಿ ಬೇಯಿಸಿ, ಅದಕ್ಕೆ ಜಾಯಿಕಾಯಿ, ನಕ್ಷತ್ರ ಮೊಗ್ಗು, ಏಲಕ್ಕಿ ಪುಡಿ ಸೇರಿಸಿ ಮಿಕ್ಸ್ ಮಾಡಿ.
• ನಂತರ ನುಣ್ಣನೆ ಪೇಸ್ಟ್‌ ಮಾಡಬೇಕು.
• ಅದನ್ನು ಉಂಡೆ ಕಟ್ಟಿ.
• ಕಲೆಸಿಟ್ಟ ಹಿಟ್ಟು ಅನ್ನು ಸ್ವಲ್ಪ ಉಂಡೆ ಕಟ್ಟಿ ಅದನ್ನು ಚಪಾತಿಗೆ ತಟ್ಟಿದಂತೆ ತಟ್ಟಿ, ಅದರೊಳಗೆ ಹೂರಣ ತುಂಬಿ.
• ನಂತರ ಪುನಃ ಲಟ್ಟಿಸಿ
• ನಂತರ ತವಾಗೆ ಎಣ್ಣೆ ಹಚ್ಚಿ ಅದರಲ್ಲಿ ತಟ್ಟಿದ ಹಿಟ್ಟು ಹಾಕಿ.
• ಅದರ ಎರಡೂ ಬದಿ ಬೆಂದ ಮೇಲೆ ಅದನ್ನು ತುಪ್ಪದ ಜೊತೆ ಹಾಕಿ ಸವಿಯಿರಿ.

ಕಾಯಿ ಹೋಳಿಗೆ ರೆಸಿಪಿ

ಬೇಕಾಗುವ ಸಾಮಗ್ರಿ
ಚಿರೋಟಿ ಅಥವಾ ಸೂಜಿ ರವೆ 1 ಕಪ್
ಮೈದಾ 1/2 ಕಪ್‌
ಅರಿಶಿಣ ಪುಡಿ 1/4 ಚಮಚ
ನೀರು 1 1/4 ಕಪ್‌
ತುರಿದ ತೆಂಗಿನಕಾಯಿ
1 ಬೌಲ್‌ ಬೆಲ್ಲ 1 ಕಪ್‌
ಏಲಕ್ಕಿ ಪುಡಿ
1/2 ಚಮಚ ಎಣ್ಣೆ 1 ಕಪ್‌
ಪ್ಲಾಸ್ಟಿಕ್‌ ಶೀಟ್‌

ಪಾಕ ವಿಧಾನ:
ನೀವು ಸೂಜಿ ರವೆ, ಮೈದಾ, ಅರಿಶಿಣ ಪುಡಿ ಹಾಕಿ ಸ್ವಲ್ಪ ನೀರು ಸೇರಿಸಿ ಮಿಕ್ಸ್ ಮಾಡಿ
2 ಚಮಚ ಎಣ್ಣೆ ಹಾಕಿ
ನಂತರ ಮುಕ್ಕಾಲು ಕಪ್‌ ನೀರು ತೆಗೆದುಕೊಂಡು ಸ್ವಲ್ಪ-ಸ್ವಲ್ಪ ಸೇರಿಸುತ್ತಾ ಮಿಕ್ಸ್ ಮಾಡಿ
ಒಮ್ಮಲೇ ಸುರಿದರೆ ಹಿಟ್ಟು ನೀರಾಗಬಹುದು.
2 ಚಮಚ ಎಣ್ಣೆ ಹಾಕಿ ಮಿಕ್ಸ್ ಮಾಡಿ
ಮತ್ತೆ 4 ಚಮಚ ಎಣ್ಣೆ ಹಾಕಿ ಮಿಕ್ಸ್ ಮಾಡಿ.
ನಂತರ ಬೌಲ್‌ನ ಬಾಯಿ ಮುಚ್ಚಿಡಿ.
ಈಗ ತೆಂಗಿನ ತುರಿಯನ್ನು ಬೆಲ್ಲದ ಜೊತೆ ಹಾಕಿ ನುಣ್ಣನೆ ರುಬ್ಬಿಕೊಳ್ಳಿ.
ಈಗ ಆ ಮಿಶ್ರಣವನ್ನು ಬಿಸಿ ಮಾಡಿ, ನಂತರ ತಣ್ಣಗಾಗಲು ಬಿಡಿ.
ಈಗ ಮೈದಾ ರವೆ ಮಿಶ್ರಣದಿಂದ ಚಪಾತಿಗೆ ಉಂಡೆ ಕಟ್ಟಿದಂತೆ ಕಟ್ಟಿ.
ಒಂದು ಪ್ಲೇಟ್‌ ಅಥವಾ ಚಪಾತಿ ಮಣೆ ಮೇಲೆ ಪ್ಲಾಸ್ಟಿಕ್‌ ಹಾಕಿ ಎಣ್ಣೆ ಸವರಿ ಮೈದಾ ಮಿಶ್ರಣ ಲಟ್ಟಿಸಿ, ಮಧ್ಯದಲ್ಲಿ ಕೊಬ್ಬರಿ-ಬೆಲ್ಲ ಮಿಶ್ರಣ ಹಾಕಿ ಮತ್ತೆ ಉಂಡೆ ಕಟ್ಟಿ ಲಟ್ಟಿಸಿ.
ಈಗ ದೋಸೆ ತವಾ ಉರಿ ಮೇಲೆ ಇಡಿ, ಅದಕ್ಕೆ ಎಣ್ಣೆ ಅಥವಾ ತುಪ್ಪ ಸವರಿ ಎರಡು ಬದಿ ಬೇಯಿಸಿದರೆ ಕಾಯಿ ಹೋಳಿಗೆ ರೆಡಿ.

ಯುಗಾದಿ ಹಬ್ಬವೆಂದರೆ ಹೋಳಿಗೆ ಇರಲೇಬೇಕು, ಈ ಯುಗಾದಿ ಹಬ್ಬದಂದು ನೀವು ಕಾಯಿ ಹೋಳಿಗೆ ಜೊತೆಗೆ ಪೈನಾಪಲ್‌ ಹೋಳಿಗೆ ಕೂಡ ಮಾಡಬಹುದು. ಇನ್ನು ಹೂರಣದಿಂದ ಪೈನಾಪಲ್‌ ಸಾರು ಕೂಡ ಸವಿಯಬಹುದು. ಎಲ್ಲರಿಗೂ ಯುಗಾದಿ ಹಬ್ಬದ ಶುಭಾಶಯಗಳು.