ಸ್ವಾತಂತ್ರ್ಯ ದಿನಾಚರಣೆ 2023 ಸ್ಪೆಷಲ್: ತ್ರಿವರ್ಣದೋಸೆ ರೆಸಿಪಿ

ಮನೆಯಲ್ಲಿ ಚಿಕ್ಕ ಮಕ್ಕಳಿದ್ದರೆ ಪೋಷಕರು ಸ್ವಾತಂತ್ರ್ಯ ದಿನಾಚರಣೆಯನ್ನು ಮನೆಯಲ್ಲಿ ವಿಶೇಷ ಅಡುಗೆಯೊಂದಿಗೆ ಸಂಭ್ರಮಿಸಿದರೆ ಮಕ್ಕಳಿಗೆ ಖುಷಿಯೋ ಖುಷಿ. ನೀವು ನಾಳೆ ಏನಾದರೂ ಈ ರೀತಿಯ ಅಡುಗೆ ಟ್ರೈ ಮಾಡುವುದಾದರೆ ದೋಸೆ, ಇಡ್ಲಿ, ಜ್ಯೂಸ್ ಹೀಗೆ ವಿವಿಧ ಅಡುಗೆ ಅಡುಗೆ ಟ್ರೈ ಮಾಡಬಹುದು. ನಾವಿಲ್ಲಿ ದೋಸೆ ರೆಸಿಪಿ ನೀಡಿದ್ದೇವೆ, ನೀವು ಬೇಕಾದರೆ ಅಕ್ಕಿಯನ್ನು ಇಡ್ಲಿ ಹದಕ್ಕೆ ರುಬ್ಬಿದರೆ ಬಿಳಿ, ಕೇಸರಿ, ಇಡ್ಲಿ ಮಾಡಿಯೂ ಸರ್ವ್ ಮಾಡಬಹುದು ನೋಡಿ:

ಬೇಕಾಗುವ ಸಾಮಗ್ರಿ
1 ಲೋಟ ಅಕ್ಕಿ
1/2 ಲೋಟ ಉದ್ದು
ರುಷಿಗೆ ತಕ್ಕ ಉಪ್ಪು
ಗ್ರೀನ್‌ ಫುಡ್ ಕಲರ್
ಆರೇಂಜ್ ಫುಡ್ ಕಲರ್
( ನೀವು ಫುಡ್ ಕಲರ್ ಬೇಡ ನೈಸರ್ಗಿಕ ಬಣ್ಣ ಬೇಕೆಂದು ಬಯಸುವುದಾದರೆ 1/4 ಕಪ್ ಬೇಳೆ ನೆನೆ ಹಾಕಿ, ನಂತರ ಒಂದು ಒಂದು ಕಟ್ ಪಾಲಾಕ್ ತೆಗೆದಿಟ್ಟುಕೊಳ್ಳಿ)

ಮಾಡುವ ವಿಧಾನ
* ಅಕ್ಕಿ ಮತ್ತು ಉದ್ದನ್ನು 3-4 ನೆನೆ ಹಾಕಿ, ಬೇಳೆ ಬಳಸುತ್ತಿದ್ದರೆ ಅದನ್ನೂ ನೆನೆಹಾಕಿ.
* ಈಗ ಅಕ್ಕಿ ಮತ್ತು ಉದ್ದನ್ನು ರುಬ್ಬಿ ಮಿಕ್ಸ್ ಮಾಡಿ 8 ಗಂಟೆ ಇಡಿ. ಬೇಳೆ ಬಳಸುತ್ತಿದ್ದರೆ ಬೇಳೆಯನ್ನು ಪ್ರತ್ಯೇಕ ರುಬ್ಬಿ ಅದಕ್ಕೆ ಸ್ವಲ್ಪ ರುಬ್ಬಿ ಅಕ್ಕಿ-ಉದ್ದಿನ ಹಿಟ್ಟಿನ ಮಿಶ್ರಣ ಮಿಕ್ಸ್ ಮಾಡಿ ಪ್ರತ್ಯೇಕ ಪಾತ್ರೆಯಲ್ಲಿ ಇಡಿ.
* ನೀವು ಪಾಲಾಕ್ ಬಳಸುತ್ತಿದ್ದರೆ ದೋಸೆ ಮಾಡುವ ಸ್ವಲ್ಪ ಮುಂಚೆ ಪಾಲಾಕ್ ಸೊಪ್ಪನ್ನು ಎಣ್ಣೆಯಲ್ಲಿ ಅದರ ಹಸಿ ವಾಸನೆ ಹೋಗಲು ಫ್ರೈ ಮಾಡಿ ರುಬ್ಬಿ ಅದನ್ನು ಹುದುಗು ಬಂದ ಹಿಟ್ಟಿನ ಜೊತೆ ಮಿಕ್ಸ್ ಮಾಡಿ.
* ನೀವು ಕಲರ್ ಬಳಸುತ್ತಿದ್ದರೆ ಹುದುಗು ಬಂದ ಹಿಟ್ಟನ್ನು 3 ಭಾಗಗಳನ್ನಾಗಿ ಮಾಡಿ ನಂತರ ಕೇಸರಿ ಬಣ್ಣದ ಸ್ವಲ್ಪ ಹಿಟ್ಟು ಹಾಕಿ ರೌಂಡ್ ಮಾಡಿ, ನಂತರ ಬಿಳಿ ಹಾಕಿ ರೌಂಡ್ ಮಾಡಿ, ನಂತರ ಹಸಿರು ಬಣ್ಣದ ಹಿಟ್ಟು ಹಾಕಿ ರೌಂಡ್ ಮಾಡಿ ಬೇಯಿಸಿದರೆ ತ್ರಿವರ್ಣ ಬಣ್ಣದ ದೋಸೆ ರೆಡಿ....
ನೀವು ರಾಷ್ಟ್ರ ಹಬ್ಬವಾದ ಸ್ವಾತಂತ್ರ್ಯ ದಿನಾಚರಣೆಯಂದು ಈ ರೀತಿ ಮಾಡಿಕೊಟ್ಟರೆ ಮಕ್ಕಳು ತುಂಬಾನೇ ಖುಷಿ ಪಡುತ್ತಾರೆ.