ಪರ್ಫೆಕ್ಟ್ ನೀರು ದೋಸೆ ಮಾಡಬೇಕೆ? ಈ ಟಿಪ್ಸ್ ಟ್ರೈ ಮಾಡಿ

ನೀರು ದೋಸೆ ಇಷ್ಟಪಡವರು ಕಮ್ಮಿ, ಆದರೆ ಇದನ್ನು ಮಾಡುವುದು ಅಷ್ಟು ಸುಲಭವಲ್ಲ. ಪೇಪರ್‌ನಂತೆ ತೆಳುವಾಗಿ, ಮೃದುವಾಗಿ ಇರುವ ನೀರು ದೋಸೆ ಮಾಡುವುದು ಒಂದು ಟ್ರಿಕ್ಸ್. ಅದನ್ನು ತಿಳಿದರೆ ಮಂಗಳೂರು , ಕರಾವಳಿ ಶೈಲಿಯ ಹೋಟೆಲ್‌ಗಳಲ್ಲಿ ಸಿಗುವಂತೆಯೇ ತೆಳುವಾದ ದೋಸೆ ತಯಾರಿಸಬಹುದು. ಈ ದೋಸೆಯ ಮತ್ತೊಂದು ಪ್ಲಸ್ ಪಾಯಿಂಟ್ ಎಂದರೆ ವೆಜ್‌ಗೂ ಸೂಪರ್, ಮೀನು-ಕೋರಿ ಕರಿಗೂ ಸೂಪರ್, ಬ್ರೇಕ್‌ಫಾಸ್ಟ್‌ಗೂ ಸೈ, ಡಿನ್ನರ್‌ಗೂ ಸೈ, ಬನ್ನಿ ನೀರು ದೋಸೆ ರೆಸಿಪಿ ಟ್ರಿಕ್ಸ್ ನೋಡೋಣ:

ಬೇಕಾಗುವ ಸಾಮಗ್ರಿ
ಅಕ್ಕಿ
ನೀರು
ರುಚಿಗೆ ತಕ್ಕ ಉಪ್ಪು
* 2 ಲೋಟ ಅಕ್ಕಿಯನ್ನು 6-7 ತಾಸು ನೆನೆ ಹಾಕಿ, ಬೆಳಗ್ಗೆ ಮಾಡುವುದಾದರೆ ರಾತ್ರಿ ನೆನೆ ಹಾಕಿ.
* ನಂತರ ನುಣ್ಣನೆ ರುಬ್ಬಿ, ತುಂಬಾ ನುಣ್ಣನೆ ರುಬ್ಬಿದಷ್ಟೂ ದೋಸೆ ಚೆನ್ನಾಗಿ ಬರುತ್ತದೆ.
* ನಂತರ ಅದಕ್ಕೆ ನೀರು ಸೇರಿಸಿ, ಮಂದ ಹಾಲು ಇರುತ್ತದೆಯಲ್ಲಾ ಆ ರೀತಿ ಇರಬೇಕು.
* ಈಗ ಪ್ಯಾನ್ ಅಥವಾ ದೋಸೆ ಕಲ್ಲನ್ನು ಬಿಸಿ ಮಾಡಿ ಎಣ್ಣೆ ಸವರಿ, ಅದರ ಮೇಲೆ ಈ ತೆಳು ದೋಸೆ ಹಿಟ್ಟು ಹಾಕಿ. ದೋಸೆ ಹಿಟ್ಟು ಹರಡಿಕೊಳ್ಳುತ್ತದೆ. ತವಾವನ್ನು ಮತ್ತೊಂದು ಪಾತ್ರೆಯಿಂದ ಮುಚ್ಚಿ, ದೋಸೆ ಬೆಂದಾಗ ಸ್ವಲ್ಪ ಎದ್ದು ಬರುತ್ತದೆ, ಆವಾಗ ಮಗುಚಿ ಹಾಕಿದರೆ ದೋಸೆ ರೆಡಿ.

ಮುಖ್ಯವಾಗಿ ಗಮನಿಸಬೇಕಾದ ಅಂಶಗಳು
* ದೋಸೆ ಹಿಟ್ಟು ತುಂಬಾ ಮಂದವಾಗಿದ್ದರೆ ದೋಸೆ ಚೆನ್ನಾಗಿ ಬರಲ್ಲ
* ತುಂಬಾ ನೀರು ಹಾಕಿದರೂ ದೋಸೆ ಅಂಟು ಅಂಟಾಗುವುದು.

ದೋಸೆ ಯಾವಾಗ ತವಾಗೆ ಅಂಟುತ್ತದೆ?
* ತವಾ ಚೆನ್ನಾಗಿ ಬಿಸಿಯಾಗುವ ಮೊದಲು ದೋಸೆ ಹಿಟ್ಟು ಹಾಕಿದರೆ ದೋಸೆ ತವಾಗೆ ಅಂಟುತ್ತದೆ
* ನೀರು ಹಾಕಿದ್ದು ಅಧಿಕವಾದರೆ ಅಕ್ಕಿ ಹಿಟ್ಟು ಸೇರಿಸಬಹುದು
* ಉರಿ ತುಂಬಾ ಅಧಿಕವಿಟ್ಟರೆ ದೋಸೆಯ ಅಡಿ ಕಪ್ಪು-ಕಪ್ಪಾಗುವುದು.

ತವಾಗೆ ಯಾವ ಎಣ್ಣೆ ಹಚ್ಚಬೇಕು?
ತೆಂಗನೆಣ್ಣೆ ಹಚ್ಚಿದರೆ ತುಂಬಾ ರುಚಿಯಾಗಿರುತ್ತದೆ. ಬೇಕಿದ್ದರೆ ಸನ್‌ಫ್ಲವರ್‌ ಎಣ್ಣೆ ಹಚ್ಚಬಹುದು.