ಗೋಧಿ ಹಲ್ವಾ- ನವರಾತ್ರಿ ಸ್ಪೆಷೆಲ್ ಅಡುಗೆ

ಸಾಮಾನ್ಯವಾಗಿ ಹಬ್ಬದ ಸಮಯದಲ್ಲಿ ಸಿಹಿತಿಂಡಿಯನ್ನು ಮಾಡುವಾಗ ಹಲ್ವಾವನ್ನು ತಯಾರಿಸಲಾಗುವುದು. ಕ್ಯಾರೆಟ್ ಹಲ್ವಾ, ಕುಂಬಳಕಾಯಿ ಹಲ್ವಾ, ಬಾದಾಮಿ ಹಲ್ವಾ ಹೀಗೆ ಅನೇಕ ಬಗೆಯಲ್ಲಿ ಹಲ್ವಾವನ್ನು ತಯಾರಿಸಬಹುದು. ಈ ನವರಾತ್ರಿಗೆ ಸ್ಪೆಷೆಲ್ ರೆಸಿಪಿಯಾಗಿ ಗೋಧಿಯಿಂದ ತಯಾರಿಸುವ ರುಚಿಕರವಾದ ಹಲ್ವಾದ ರೆಸಿಪಿ ನೀಡಲಾಗಿದೆ ನೋಡಿ:

ಬೇಕಾಗುವ ಸಾಮಾಗ್ರಿಗಳು:
* ಗೋಧಿ ಹಿಟ್ಟು 2 ಕಪ್
* ಸಕ್ಕರೆ 2 ಕಪ್
* ಏಲಕ್ಕಿ ಪುಡಿ 2 ಚಮಚ
* ಬಾದಾಮಿ 4-5 (ಚಿಕ್ಕ ತುಂಡುಗಳಾಗಿ ಮಾಡಿ)
* ಒಣ ದ್ರಾಕ್ಷಿ 4-5
* ನೀರು 1 ಕಪ್
* ತುಪ್ಪ 1 ಕಪ್

ತಯಾರಿಸುವ ವಿಧಾನ:

1. ಒಂದು ಪಾತ್ರೆಯನ್ನು ಗ್ಯಾಸ್ ಉರಿಯ ಮೇಲೆ ಇಡಬೇಕು. ನಂತರ ಪಾತ್ರೆಗೆ ತುಪ್ಪ ಹಾಕಿ ತುಪ್ಪ ಬಿಸಿಯಾದಾಗ ಬಿಸಿಯಾದಾಗ ಅದರಲ್ಲಿ ಗೋಧಿ ಹಿಟ್ಟು ಹಾಕಿ ಕಂದು ಬಣ್ಣ ಬರುವವರೆಗೆ ಹುರಿಯಬೇಕು.

2. ಗೋಧಿ ಕಡು ಕಂದು ಬಣ್ಣ ಬಂದ ಮೇಲೆ ಅದಕ್ಕೆ ನಿಧಾನಕ್ಕೆ ನೀರು ಸುರಿಯಬೇಕು. ಆಗ ಗೋಧಿ ಗಟ್ಟಿಯಾಗದಿರಲು ಸೌಟ್ ನಿಂದ ಸರಿಯಾಗಿ ತಿರುಗಿಸುತ್ತಿರಬೇಕು.

3. ನೀರನ್ನು ಗೋಧಿ ಹೀರಿಕೊಂಡ ನಂತರ ಸಕ್ಕರೆ ಹಾಕಿ ಚೆನ್ನಾಗಿ ತಿರುಗಿಸಬೇಕು. ನಂತರ ಸೌಟ್ ನಿಂದ ತಿರುಗಿಸುತ್ತಾ ಬೇಯಿಸಬೇಕು. ಮಿಶ್ರಣ ಗಟ್ಟಿಯಾದ ನಂತರ ಅದನ್ನು ಉರಿಯಿಂದ ತೆಗೆದು ಅದಕ್ಕೆ ಗೋಡಂಬಿ, ಬಾದಾಮಿ, ಒಣ ದ್ರಾಕ್ಷಿ ಹಾಕಿದರೆ ರುಚಿಕರವಾದ ಗೋಧಿ ಹಲ್ವಾ ರೆಡಿ. ರೆಡಿಯಾದ ಹಲ್ವಾವನ್ನು ಸ್ವಲ್ಪ ತಣ್ಣಗಾದ ಮೇಲೆ ತಿನ್ನಿ.