ಅಡುಗೆ ಅರಮನೆಯಲ್ಲಿ ಎಲೆಕೋಸಿನ ವಡೆ

ಮನಸ್ವಿನಿ. ನಾರಾವಿ

ಎಲೆ ಕೋಸು : ಅರ್ಧ ಕಪ್
ಬಟಾಣಿ: 2 ಟೇಬಲ್ ಚಮಚ( ಬೇಕಾದರೆ ಉಪಯೋಗಿಸಿ)
ಉದ್ದಿನಬೇಳೆ: 1 ಕಪ್
ದೊಡ್ಡ ಈರುಳ್ಳಿ: 1
ಹಸಿಮೆಣಸಿನಕಾಯಿ: 4
ಸ್ವಲ್ಪ ಇಂಗಿನ ಪುಡಿ.
ಕೊತ್ತಂಬರಿ ಸೊಪ್ಪು, ರುಚಿಗೆ ತಕ್ಕಷ್ಟು
ಉದ್ದಿನ ಬೇಳೆ:50 ಗ್ರಾಂ

ಮಾಡುವ ವಿಧಾನ:

ಸೂಚನೆ: ಎಲೆ ಕೋಸು, ಈರುಳ್ಳಿಯನ್ನು ಸಣ್ಣಗೆ ಕೊಚ್ಚಬೇಕು, ಕೊತ್ತಂಬರಿಸೊಪ್ಪನ್ನು ಸಣ್ಣಗೆ ಕತ್ತರಿಸಿ ಇಟ್ಟುಕೊಳ್ಳಬೇಕು.

ಉದ್ದಿನಬೇಳೆಯನ್ನು 2 ಕಪ್ ನೀರಿನಲ್ಲಿ 2 ಗಂಟೆಗಳ ಕಾಲ ನೆನೆಸಿ ನಂತರ ನೀರನು ಬಸಿದಿಡಿ. ನೆಂದ ಬೇಳೆಯನ್ನು ಹಸಿಮೆಣಸಿನಕಾಯಿ, ಉಪ್ಪು ಮತ್ತು ಇಂಗಿನೊಂದಿಗೆ ನುಣ್ಣಗೆ ರುಬ್ಬಿಕೊಳ್ಳಿ. ರುಬ್ಬಿದ ಹಿಟ್ಟಿಗೆ ಈರುಳ್ಳಿ, ಎಲೆಕೋಸು, ಕೊತ್ತಂಬರಿ ಸೊಪ್ಪು ಮತ್ತು ಬಟಾಣಿಯನ್ನು ಹಾಕಿ ಚೆನ್ನಾಗಿ ಬೆರೆಸಿರಿ. ಇಡ್ಲಿ ತಟ್ಟೆಯನ್ನು ಬಿಸಿ ಮಾಡಿ ನಂತರ ಹಿಟ್ಟನ್ನು ಎಡ ಅಂಗೈಯಲ್ಲಿ ಹಾಕಿ ಬಲಗೈಗೆ ಸ್ವಲ್ಪ ನೀರು ಮುಟ್ಟಿಸಿಕೊಂಡು ಎಡಗೈಯಲ್ಲಿರುವ ಹಿಟ್ಟನ್ನು ವಡೆಯ ಆಕಾರಕ್ಕೆ ತಂದು ಮಧ್ಯದಲ್ಲಿ ಒಂದು ತೂತನ್ನು ಮಾಡಿ ನಿಧಾನವಾಗಿ ಇಡ್ಲಿ ತಟ್ಟೆಗೆ ಹಾಕಿ, ಎಲ್ಲ ಹಿಟ್ಟನ್ನು ಈ ರೀತಿ ತಟ್ಟೆಗೆ ಹಾಕಿ ಹಬೆಯಲ್ಲಿ ಬೇಯಿಸಿರಿ. ಬಿಸಿ ಇರುವಾಗಲೇ ಚಟ್ನಿಯೊಂದಿಗೆ ತಿನ್ನಲು ಚೆನ್ನ.