ಶಿವರಾತ್ರಿಗೆ ಶಿವನಿಗೆ ನೈವೇದ್ಯ ಅರ್ಪಿಸಲು ತಂಬಿಟ್ಟು ರೆಸಿಪಿ

ಶಿವರಾತ್ರಿ ಹಬ್ಬದಲ್ಲಿ ಮಾಡುವ ಪ್ರಮುಖ ಸಿಹಿ ತಿಂಡಿಗಳಲ್ಲೊಂದು ತಂಬಿಟ್ಟು, ಈ ತಂಬಿಟ್ಟು ಹಲವರು ಹಲವು ರುಚಿಯಲ್ಲಿ ತಯಾರಿಸುತ್ತಾರೆ, ಇಲ್ಲಿ ಉರುಗಡಲೆ, ನೆಲಗಡಲೆ ಎಲ್ಲಾ ಸೇರಿಸಿ ಮಾಡುವ ತಂಬಿಟ್ಟು ರೆಸಿಪಿ ನೀಡಿದ್ದೇವೆ, ಇದನ್ನು ಒಮ್ಮೆ ತಿಂದರೆ ಮತ್ತೆ-ಮತ್ತೆ ತಿನ್ನಬೇಕೆನಿಸುತ್ತೆ ನೋಡಿ:

ಬೇಕಾಗುವ ಸಾಮಗ್ರಿ
2 ಕಪ್ ಹುರಿಗಡಲೆ
1 ಕಪ್ ನೆಲಗಡಲೆ
8-10 ಚಮಚ ಎಳ್ಳು
3-4 ಚಮಚ ಗಸೆಗಸೆ
1 ಕಪ್‌ ಕೊಬ್ಬರಿ
2-3 ಏಲಕ್ಕಿ
ಬೆಲ್ಲ(ಒಂದೂವರೆ ಅಥವಾ 2 ಕಪ್,ಪುಡಿ ಮಾಡಿದ್ದು)

ಮಾಡುವ ವಿಧಾನ
1ಕಪ್‌ ನೆಲಗಡಲೆಯನ್ನು ಹುರಿಯಿರಿ, ಕಡಿಮೆ ಉರಿಯಲ್ಲಿ ರೋಸ್ಟ್‌ ಮಡಿ.
ನಂತರ ಅದೇ ಪಾತ್ರೆ 8 ಚಮಚ ಎಳ್ಳು ಹಾಕಿ ರೋಸ್ಟ್‌ ಮಾಡಿ, ಎಳ್ಳು ರೋಸ್ಟ್‌ ಮಾಡುವಾಗ ಸೌಟ್‌ನಿಂದ ಆಡಿಸುತ್ತಾ ಇರಿ, ಎಳ್ಳು ಒಂದು ಪಾತ್ರೆಗೆ ಹಾಕಿ
ಈಗ 3 ಚಮಚ ಗಸೆಗಸೆ ಹಾಕಿ.
ನೆಲಗಡಲೆ ತಣ್ಣಗಾದ ಕೈಯಿಂದ ಒಮ್ಮೆ ರಬ್‌ ಮಾಡಿದರೆ ಅದರ ಸಿಪ್ಪೆ ಬರುತ್ತದೆ, ಸಿಪ್ಪೆ ತೆಗೆದ ನೆಲಗಡಲೆಯಲ್ಲಿ ಸ್ವಲ್ಪ
ಮಿಕ್ಸಿ ಜಾರ್‌ಗೆ ಹಾಕಿ, ನಂತರ ರೋಸ್ಟ್ ಮಾಡಿದ ಗಸೆ ಗಸೆ ಸೇರಿಸಿ, 2 ಏಲಕ್ಕಿ ಹಾಕಿ, 2 ಕಪ್‌ ಹುರಿಗಡಲೆ ಹಾಕಿ
ಈಗ ನೀವು ಈ ಮಿಶ್ರಣವನ್ನು ತುಂಬಾ ನುಣ್ಣಗೆ ಪುಡಿ ಮಾಡಬೇಕು.
ಈಗ ರೆಡಿಯಾದ ಪುಡಿಯನ್ನು ಒಂದು ಬೌಲ್‌ಗೆ ಹಾಕಿ. ಈಗ ಈ ಬೌಲ್‌ಗೆ ಸಿಪ್ಪೆ ಸುಲಿದ ನೆಲ ಗಡಲೆ ಹಾಕಿ,ಹುರಿದ ಎಳ್ಳು ಸೇರಿಸಿ, 1 ಕಪ್‌ ಕೊಬ್ಬರಿ ತುರಿ ಸೇರಿಸಿ ಮಿಕ್ಸ್ ಮಾಡಿ
ನಂತರ ಈ ಮಿಶ್ರಣ ಮಿಕ್ಸ್ ಮಾಡಿ
ಈಗ ನೀವು 2 ಕಪ್‌ ಬೆಲ್ಲ ಹಾಕಿ, ಸ್ವಲ್ಪ ನೀರು ಹಾಕಿ ಕರಗಿಸಿ, ಬೆಲ್ಲದ ಪಾಕ ರೆಡಿಯಾದಾಗ ಉರಿ ಆಫ್ ಮಾಡಿ, ಇದನ್ನು ಸೋಸಿ.
ಈಗ ರೆಡಿ ಮಾಡಿಟ್ಟ ಪುಡಿ ಬೆಲ್ಲದ ಪಾಕ ಸ್ವಲ್ಪ-ಸ್ವಲ್ಪ ಹಾಕಿ ಮಿಕ್ಸ್ ಮಾಡಿ, 2 ಚಮಚ ತುಪ್ಪ ಕೂಡ ಸೇರಿಸಿ, ಹೀಗೆ ಮಿಕ್ಸ್ ಮಾಡಿದ ಬಳಿಕ ಉಂಡೆ ಕಟ್ಟಿದರೆ ತಂಬಿಟ್ಟು ರೆಡಿ.