ಬ್ಯಾಚುಲರ್‌ಗಳಿಗೆ ರೆಸಿಪಿ: ಈ ಸಾಂಬಾರ್ ರುಚಿ ಸೂಪರ್ ಆಗಿರುತ್ತದೆ, ಆದರೆ ಹೆಚ್ಚು ಶ್ರಮ ಪಡಬೇಕಾಗಿಲ್ಲ

Recipes

oi-Reena TK

Posted By: Reena TK

Published: Wednesday, March 27, 2024, 14:22 [IST]

ಮನೆಯಲ್ಲಿ ಅಮ್ಮ ಮಾಡುವ ಸಾಂಬಾರ್‌ ಸವಿಯುವಾಗ ಎಷ್ಟು ರುಚಿ ಅನಿಸುತ್ತದೆ, ಆದರೆ ನಾವು ಈಗಷ್ಟೇ ಅಡುಗೆ ಮಾಡಲು ಪ್ರಾರಂಭಿಸಿದರೆ ಈ ಅಡುಗೆ ಮಾಡುವುದು ನಾವು ತಿಂದಷ್ಟು ಸುಲಭವಲ್ಲ ಎಂಬುವುದು ಗೊತ್ತಾಗುವುದು.

ಆದರೆ ಇಲ್ಲಿ ನಾವು ನೀಡಿರುವ ಸಾಂಬಾರ್ ಮಾಡಿದ್ದೇ ಆದರೆ ನೀವು ಮಾಡಿದ ಸಾಂಬಾರ್ ರುಚಿ ನೋಡಿದಾಗ ವಾವ್! ಎಷ್ಟು ರುಚಿಯಾಗಿದೆ ಎಂದು ಅನಿಸದೆ ಇರಲ್ಲ, ಬನ್ನಿ ಇದನ್ನು ಮಾಡುವುದು ಹೇಗೆ ಎಂದು ಮಾಡೋಣ ಬನ್ನಿ:

ಬೇಕಾಗುವ ಸಾಮಗ್ರಿ
ಮಿಕ್ಸ್ ವೆಜ್‌
ನೀವು ಯಾವುದೇ ತರಕಾರಿ ಬಳಸಬಹುದು
ಈ ರೆಸಿಪಿಗೆ ತರಕಾರಿಗಳನ್ನು ಬಳಸಲಾಗಿದೆ
ನುಗ್ಗೆಕಾಯಿ 2
ಬದನೆಕಾಯಿ 1-2
ಆಲೂಗೆಡ್ಡೆ 1
ಟೊಮೆಟೊ 1
ಈರುಳ್ಳಿ 1
ಹಸಿ ಮೆಣಸು
ತೊಗರಿಬೇಳೆ 1/2 ಕಪ್
ಸ್ವಲ್ಪ ಹುಣಸೆಹಣ್ಣಿನ ರಸ
ಇಂಗು
ಸ್ವಲ್ಪ ಕೊತ್ತಂಬರಿ ಸೊಪ್ಪು
ರುಚಿಗೆ ತಕ್ಕ ಉಪ್ಪು

ಒಗ್ಗರಣೆಗೆ
ಸಾಸಿವೆ 1 ಚಮಚ
ಮೆಂತೆ 1/2 ಚಮಚ
ಸ್ವಲ್ಪ ಕರಿಬೇವು
ಕೊತ್ತಂಬರಿ ಸೊಪ್ಪು
1 ಚಮಚ ಖಾರದ ಪುಡಿ
ಸಾಂಬಾರ್ ಪುಡಿ 3 ಚಮಚ
ತೆಂಗಿನೆಣ್ಣೆ 1 ಚಮಚ

ಸಾಂಬಾರ್ ಮಾಡುವುದು ಹೇಗೆ?

• ನೀವು ಸ್ವಲ್ಪ ಹುಣಸೆಹಣ್ಣು ತೆಗೆದು ಬಿಸಿ ನೀರಿನಲ್ಲಿ ಹಾಕಿಡಿ (ಒಂದ ಚಿಕ್ಕ ನಿಂಬೆ ಗಾತ್ರದಷ್ಟು ಹಣಸೆಹಣ್ಣು)
• ಈಗ ತೊಗರಿ ಬೇಳೆ ತೊಳೆದು ಸಾರಿನ ಪಾತ್ರೆ ಅಥವಾ ಕುಕ್ಕರ್‌ಗೆ ಹಾಕಿ ಬೆಂಡೆಕಾಯಿ, ನುಗ್ಗೆಕಾಯಿ ಬಿಟ್ಟು ಉಳಿದ ತರಕಾರಿಗಳನ್ನು ತೊಗರಿ ಬೇಳೆ ಜೊತೆ ಹಾಕಿ ರುಚಿಗೆ ತಕ್ಕ ಉಪ್ಪು (1/2 ಚಮಚ ಉಪ್ಪು) ಹಾಕಿ ಬೇಯಿಸಿ. ಕುಕ್ಕರ್‌ನಲ್ಲಿ ಆದರೆ ಎರಡು ವಿಶಲ್ ಬಂದ ಮೇಲೆ ಆಫ್‌ ಮಾಡಿ.
• ಈಗ ಬೆಂದ ತರಕಾರಿಗಳ ಜೊತೆಗೆ ನುಗ್ಗೆಕಾಯಿ ಹಾಕಿ ಬೇಯಿಸಿ.
• ನುಗ್ಗೆಕಾಯಿ ಹಾಕಿ ಬೇಯಿಸಿ
• ಈಗ ಪ್ಯಾನ್‌ಗೆ ಎಣ್ಣೆ ಹಾಕಿ ನಂತರ ಸಾಸಿವೆ ಹಾಕಿ, ಸಾಸಿವೆ ಚಟ್‌ಪಟ್‌ ಶಬ್ದ ಬರುವಾಗ ಮೆಂತೆ ಹಾಕಿ, ಕರಿಬೇವು ಹಾಕಿ ನಂತರ ಉರಿ ಕಡಿಮೆ ಮಾಡಿ ಮೆಣಸಿನ ಪುಡಿ, 1/2 ಚಮಚ ಕೊತ್ತಂಬರಿ ಪುಡಿ, ಸಾಂಬಾರ್ ಪುಡಿ, ಅರಿಶಿಣ ಪುಡಿ ಹಾಕಿ 1 ನಿಮಿಷ ಫ್ರೈ ಮಾಡಿ, ನಂತರ ಬೇಯಿಸಿದ ತರಕಾರಿ ಹಾಕಿ. ಹುಣಸೆ ರಸ ಹಿಂಡಿ ಹಾಕಿ.
• ನಂತರ ತರಕಾರಿ 5 ನಿಮಿಷ ಬೇಯಿಸಿ, ನಂತರ ಸ್ವಲ್ಪ ಕೊತ್ತಂಬರಿ ಸೊಪ್ಪು ಹಾಕಿ ಮಿಕ್ಸ್ ಮಾಡಿದರೆ ರುಚಿಯಾದ ಸಾಂಬಾರ್ ರೆಸಿಪಿ.